أول تعليق من بدرية طلبة على اتهامها بقتل زوجها «صورة»
تاريخ النشر: 14th, December 2024 GMT
أعربت الفنانة بدرية طلبة، عن استيائها من اتهامها بقتل زوجها المؤلف المسرحي مصطفى سالم، والذي رحل عن عالمنا الأحد الماضي.
وكتبت بدرية طلبة، عبر حسابها على «فيسبوك»: «لما تظلم بني أدم وأنت متعرفش ظروفه وتغلط فيه وتسبه وترميه بالباطل، وهو ميعرفكش أصلا ولا ضرك في يوم من الأيام يبقى أنت شخص مريض نفسيا ومحتاج تتعالج».
وأضافت: «حاقد وحاسد وقلبك مليان غل وسواد وناقص تربية وناسي ربنا وجاهل بتعاليم دينك يبقى العيب فيك، ونصيحة لازم تقف مع نفسك واقفة حلوة كدا تراجع حساباتك علشان اللي زيك بتكون أخرته سودة».
وفاة زوج بدرية طلبةوكانت بدرية طلبة، أعلنت عن وفاة زوجها في الساعات الأولى من صباح يوم الأحد 8 ديسمبر، وذلك عبر حسابها الرسمي على موقع التواصل الاجتماعي «فيسبوك».
وقالت بدرية طلبة: «أبو بناتي مصطفى سالم في ذمة الله، وأنا برا مصر أول مصر وأبلغكم بميعاد الدفنة في الإسكندرية، دعواتكم بالرحمة والمغفرة».
وكانت بدرية طلبة في رحلة إلى باريس، وعلى الفور قطعت الرحلة وعادت إلى مصر بعد علمها بوفاة زوجها، لتوديعه إلى مثواه الأخير.
وأوضحت بدرية طلبة، في وقت سابق، أن المخرج والمؤلف مصطفى سالم «أبو بناتها» هو من اكتشفها فنيًا وقدمها للجمهور، وكان دائم الدعم والتوجيه لها لتصل إلى الشهرة الفنية التي تليق بها من وجهة نظره.
اقرأ أيضاًبدرية طلبة توجه رسالة لكل من ساندها في عزاء زوجها مصطفى سالم (صورة)
بدرية طلبة تروج لمسرحية «التلفزيون» قبل عرضها في مهرجان العلمين «صورة»
بـإطلالة جريئة.. نادية الجندي تحتفل بالكريسماس والجمهور: «ربنا يديكي الصحة يا حاجة»
المصدر: الأسبوع
كلمات دلالية: بدرية طلبة الفنانة بدرية طلبة بدرية طلبة وانتصار بدرية طلبة بدرية طلبه بدرية طلبة نفسنة اعمال بدرية طلبة وفاة زوج بدرية طلبة زوج بدرية طلبة أعمال بدرية طلبة مصطفى سالم بدریة طلبة
إقرأ أيضاً:
آداب الدعاء
اسمحولي في هذه المقالة التحدث بالعامية، كل الناس من جميع الرسالات السماوية بتدعي ربنا بكل اللي تتمناه، زي أدعية تمني النجاح والتوفيق والفلاح والستر والبركة، أو أدعية مختصة بالآخرة زي القرب من الجنة والبعد عن النار.
لكن للأسف فيه ناس عندها سرعة في الدعاء بشكل سلبي زي مثلا حد يدعي على ولاده أو على نفسه أو على حد تاني معملش حاجة تستدعي دعوة سلبية لمجرد غيرته منه مثلا وملوش حق في دعوته لأنه مش مظلوم.
طبعا كل ده ممكن يبقى ليه أثار سلبية لو الدعوة تمت في وقت إجابة، وساعتها ممكن اللي دعى يخسر نفسه أو ولاده أو ماله لو دعى عليهم، أو يتسبب لشخص مظلوم في أزمة نفسية وضغط نفسي وجلد ذاتي لو الشخص المدعو عليه ده شعر بذنب معملوش أو ميقصدوش.
إزاي تلتزم بآداب الدعاء عشان تبقى مقبول عند ربنا ومتضرش لا نفسك ولا غيرك؟
1- متدعيش على نفسك ممكن تخسر نفسك فيها.
2- متدعيش على ولادك ولا على مالك عشان متضرهمش.
3- ادعي دايما بالهداية والخير لنفسك وغيرك في الدنيا والآخرة.
4- ادعي الأدعية المأخوذة من الرسالات السماوية بالقرآن الكريم أو الإنجيل المقدس «كلا حسب ديانته»، وما هو مأخوذ من أدعية الأنبياء.
5- لو مظلوم أفضل الدعاء «حسبي الله ونعم الوكيل».
6- لو مش حافظ دعاء معين مش مشكلة ادعي من قلبك بما تريد لربك حيسمع لك ويستجيب لك.
7- ادعي وانت موقن بالإجابة، ولا تيأس لو محصلش نتيجة لدعاءك لأنه إما مؤجل لحين ما تقدر عليه في وقت خير ربنا كاتبه، أو هيكتب بها حسنة أو يحط بها سيئة، لكن مفيش دعوة بتروح.
8- ادعي بما تفهمه ومتدعيش بكلام مش فاهمه، واخشع وابكي أثناء الدعاء لتنال الاستجابة والرضا من الله.
9- تذكر إنك بتدعي ربنا مفيش وسيط بينه وبينك في الدعوة، خليك عندك ثقة فب ربنا بنصرة الحق وكتابة الخير.
اقرأ أيضاًاللهم بلغنا صيامه وقيامه.. دعاء استقبال شهر رمضان 2025
أيام مباركة.. دعاء لأموات المسلمين في شهر شعبان 2025
منها الدعاء والصدقة.. أعمال تنفع الميت في قبره
السوداني يدعو مسيحيو العراق في أمريكا بالعودة للعراق