انتقادات لـ تامر عاشور بسبب حفل بيلبورد.. ما القصة؟
تاريخ النشر: 13th, December 2024 GMT
تامر عاشور.. تصدر اسم الفنان تامر عاشور تريند مواقع التواصل الاجتماعي خلال الساعات الماضية، وذلك بعد رده على الانتقادات التي وجهت له بعد حصوله على جائزتين لأفضل أغنية هذا العام في حفل بيلبورد.
الفنان تامر عاشورأثار رواد مواقع التواصل الاجتماعي الجدل خلال الساعات الماضية بعد حصول الفنان تامر عاشور على جائزتين من بيلبورد، الأولى جائزة أغنية العام على مستوى الوطن العربي، والثانية جائزة أفضل أغنية مصرية لعام 2024 عن أغنية «هيجيلي موجوع».
ولكن رد الفنان تامر عاشور على كمية الانتقادات التي لاحقته بسبب حفل بيلبورد عبر حسابه الرسمي على موقع «إكس»، وقال: «الحمد لله، أنا بعتبر 2024 خلصت على كده بعد استلام الجائزتين المهمتين جدًا من بيلبورد، اللي بجد بشكرهم من كل قلبي: أفضل أغنية مصرية 2024، وأغنية العام على مستوى الوطن العربي لنفس السنة
وتابع: «الحقيقة عندي رسالة لازم أوضحها بشكل أتمنى تستوعبوه، صناع العمل اللي فزت بيه بالأرقام، وهم شغالين، عارفين كويس جدًا إن حواليهم ملحنين وشعراء وموزعين جامدين وشاطرين، ويتعمل لهم ألف حساب، وهم شغالين مع أنجح النجوم في مصر على مدار سنين، علشان كده صناع العمل نجحوا ودخلوا وسط الكبار بالأعمال لأنهم آمنوا باللي حواليهم ونجاحهم».
وأضاف: «على الصعيد الشخصي، أنا كموهوب زيهم بالضبط، مؤمن بكل الموهوبين والفنانين الكبار اللي حواليا، أيًا كان نوع المزيكا: راب، بوب، أو شعبي، المهم عنده الموهبة، مش متخصص في المزيكا ولا مش متخصص».
ونوه: «سيد درويش اتعلم الكتابة في سن الـ10 سنوات فنان الشعب، سيد مكاوي متعلمش أساسًا، وعلى صعيد التمثيل، مثلًا، يحيى الفخراني دكتور، عزت أبو عوف دكتور، أحمد مظهر خريج كلية حربية، أحمد زكي دبلوم صنايع، إسماعيل يس من ابتدائي خرج، الزعيم عادل إمام خريج كلية زراعة، وأنا معايا بكالوريوس تجارة خارجية».
وتابع: «عمرها ما كانت شرطًا. أنا تجربتي كانت إني دخلت كلية تربية موسيقية ومتوفقتش فيها بسبب إيه؟ نسبة الغياب. ومع ذلك لحنت أكثر من 150 لحنًا لكل فناني الوطن العربي بلا استثناء ما عدا واحد فقط. وأنا مش قسم تأليف موسيقي ولا حاجة. وعندنا فنان كبير برضه عمل أعمال كتير مكسره الدنيا وكان خريج حقوق».
وأضاف: «بالعكس، وإلا بقى كل الأساتذة المتخصصين والطلاب اللي بيدرسوا في الكليات والمعاهد الفنية بقوا نجوم كبار، ومبقاش حد بيدرس! محدش ودنه بتتصمم بطريقة معينة علشان دارس موسيقى، ده اسمه تضليل. يقولوا على نفسهم متخصصين وبيزوروا، اه والله العظيم، وأنا على قد حلفاني بيزوروا نسب استماعهم، وهي موجودة وباينة لكل الناس، وكأن الجمهور مبيفهمش ويستخف بيهم، ويطلعوا يقللوا من اللي مش عارفين يوصلوا لهم، ويطبلوا لزمايلهم الكبار مقامًا وفنًا، قال يعني بقوا كده كبار مع بعضهم».
وأشار أيضًا إلى: «تضليل الناس في البرامج بأرقام وهمية وبيرتبوا كمان هم رقم كام في السوق، ومقفلين اللعبة بشكل عبقري. وأعلى أغنية عندهم السنة دي لا تتخطى الـ7 مليون».
واختتم كلامه: «السؤال بقى، هل علشان ربنا كتب لي النجاح السنة دي بأفضل أغنية على مستوى الوطن العربي، وأفضل أغنية في مصر، يبقى أنا ملك العالم؟ أو باقي الفنانين مالهمش وجود، بما فيهم المُضلل حتى؟ أنا متأكد وعلى يقين إن ممكن بكره فنان ولا أنا ولا أنت سمعنا عنه يعمل عمل فني محترم وياخدها السنة الجاية، وده تنافس، وده جمال المزيكا وحلاوتها إنها بتتنوع وتختلف من شخص لآخر، ببصمة كل شخص موهوب مش دارس ولا متخصص، عشان نخلق رصيد يستفيد منه الجمهور بدون تزوير في أرقام وضحك على الدقون في برامج. وأخيرًا شوف أنت بتعرف تعمل A وأنا بعرف أعمل A بعرف أعمل الـ 2».
اقرأ أيضاًالجمعة المقبلة.. تفاصيل حفل تامر عاشور بـ مدينتي
أول تعليق من تامر عاشور بعد حصوله على جائزة أفضل أغنية في «بيلبورد عربية» | صورة
تامر عاشور يغني في قصر عابدين.. موعد الحفل الخيري وتفاصيله
المصدر: الأسبوع
كلمات دلالية: تامر عاشور الفنان تامر عاشور أحمد سعد وتامر عاشور آخر أعمال تامر عاشور الفنان تامر عاشور في الكويت موعد حفل الفنان تامر عاشور حفل بيلبورد الفنان تامر عاشور حفل تامر عاشور الوطن العربی
إقرأ أيضاً:
عمرو سعد يرد على انتقادات مسلسل سيد الناس: فيه ريموت.. وطي الصوت
رد الفنان عمرو سعد، على الانتقادات التي وُجهت لمسلسله الرمضاني “سيد الناس”، والتي ركزت بشكل خاص على الصوت المرتفع أثناء أداء الممثلين والمبالغة في التمثيل، مؤكدًا أن هذه الانتقادات لم تكن كلها موضوعية.
وقال سعد خلال لقائه مع الإعلامي شريف عامر في برنامج “يحدث في مصر”: “اتضايقنا في الأول من انتقادات الصوت العالي، لكن بعد كده فهمنا إن مش كله حقيقي، وبعض الناس بقت بتحط الترويج لأعمالها على السوشيال ميديا فوق كل شيء، وده خلّى النقد مش دايمًا نقي”.
وأضاف: “إحنا معانا مهندس صوت بيشتغل ضمن معايير معينة، والصوت ده جزء من الصناعة، والناس مش دايمًا فاهمة إن الشغل ده له أدواته ومش عشوائي، وبعدين فيه ريموت كنترول، اللي مش عاجبه يعلي أو يوطي أو يغيّر القناة”.
وعن مشهد المقبرة، قال عمرو سعد: "محمد سامي اتخض وحصل اختلاف غير عادي وبدأوا يسألوا شيوخ في الأزهر، ومشرف الإنتاج رفض تمامًا وقال هيبلغ عننا في المحطة، وعملوا ديكور مخصوص للمشهد ده وبعدين حصل تراجع تاني، وقولت هعمل مشهد محدش من الشيوخ هيعترض عليه علشان المشاعر، وكلموا أحد الشيوخ الكبار وقال بلاش لأنه حرام، وأنا قولتله يا مولانا طيب ما القتل والزنا والسرقة حرام وبنعملها في السينما، وقولنا نصور ونشوف وبقت إيدي على قلبي لما سلموا الحلقة".
تدور أحداث المسلسل حول شخصية “الجارحي أبو العباس”، الشاب القادم من منطقة السبتية والذي يُلقب بـ”سيد الناس”، يدخل السجن بديلًا عن والده، وعند خروجه يكتشف أن أسرته تنتظر وفاة والده لتقسيم الميراث، ما يدفعه لكشف سر أخفاه والده عنه طوال 20 عامًا، في ظل صراعات عائلية وضغوطات تحمل مسؤولية الإرث.
“سيد الناس” من بطولة عمرو سعد، ريم مصطفى، أحمد زاهر، أحمد رزق، إلهام شاهين، إنجي المقدم، خالد الصاوي، نشوى مصطفى، رنا رئيس، ملك أحمد زاهر، أحمد فهيم، منة فضالي، محمود قابيل، طارق النهري، ياسين السقا، جوري بكر، إنجي كيوان، وساندي علي. المسلسل من تأليف خالد صلاح وإخراج محمد سامي.
أحمد موسى: الاحتلال سيطر بشكل كامل على رفح الفلسطينية واعتبرها منطقة عازلة