والليل سفر بلا رجوع
سفر طويل من غير طُرق
مكتوب علي كل النجوع
في الرحلة لازم نفترق
الحلم حَسَن الهيئة مُر الطعم
وكاساته لازم تتشرب
والواد أبو الصوت الحزين
أول ما يبدي يقول يا ليل
نخل البلد كان ينطرب
ويميل جريدُه يمسح الأوجاع
عن السهاري المحرومين
الحالمين..
ببكرة جاي بإجابة لسؤال السنين
مين كان سبب في حزن مين؟
والواد جميل
وكان بصوته النيل بيرقص ع الضفاف
يقدر يبّكي الفجر من موال حزين
يقدر يفتّح ورد من قلب الجفاف
والبت كانت حتة من شمس الصباح
تِسكر الدنيا إذا الجفنين يميلوا
لكن المغني ف أرضنا
مسكين ما يملكش إلا ليله
نهاره دايماً مستباح
ولأننا
دستور سعادتنا ومنبع ضحكنا
موقوف بتهديد السلاح
بنخاف إذا مَر الصفا من يَمنا
ونخاف عينينا تنظر الناس الملاح
لا ملكنا القوت للسهر
ولا ملكنا توب للمسير يم المتاع
كل الشوارع مجرى لدمانا الحزينة
بيضيق علينا الكون
كل ما يزيد إتساع
علشان كده.
بنمد إيدنا للعدا
وللجدور المفسدة
تملانا من سم العقول
تسرقنا من غيط الأمل
ترمينا في بير التمني
وعشان كده..
بنخاف إذا غنى المغني
محمد المصري، أسوان
المصدر: بوابة الوفد
إقرأ أيضاً:
مصطفى غريب عن المخرج خالد دياب: لازم فنان يموت عشان يوقف التصوير
مازح الفنان مصطفى غريب الإعلامي شريف عامر قائلا "أنت كنت بتكلم كل فريق مسلسل أشغال شقة جدا وما بتكلمنيش ليه".
وأوضح مصطفى غريب خلال حواره مع برنامج “ يحدث في مصر” المذاع عبر قناة “أم سى مصر” أن مشهد القرش كان أصعب المشاهد التي قام بتصويرها خلال تصوير المسلسل.
من جانبه قال المخرج خالد دياب إن مشهد تعليق مصطفى غريب كان صعب للغاية بالفعل، معقبا: "مصطفى غريب صعب عليا فعلا بسبب مشهد سمكة القرش".
ورد مصطفى غريب أنه تعلم الكثير من المخرج خالد دياب وهشام ماجد، معقبا: "بطلت آكل مع الاستاذ خالد بسبب كتر الكلام في الشغل حتى في أوقات الراحة وأول يوم لم يكن عندي تصوير ورحت ابارك ليهم وحسيت أن استاذ خالد يقدم سيرة ذاتية للظاهر بيبرس مش مسلسل كوميدي".
من جانبه عقب خالد دياب أنه كان يشعر بأنه ليس بني آدم أثناء تعليق مصطفى غريب في مشهد القرش.
من جانبه رد مصطفى غريب، قائلا: "الحالة الوحيدة عند الأستاذ خالد لتأجيل تصوير مشهد هي وفاة الممثل".
الفنان خالد كمال: بجدد دعمي الشخصي لمهرجان الإسكندرية للفيلم القصير