خناقة عادل إمام ومحمود عبدالعزيز.. الإعلامي محمود سعد يروي التفاصيل كاملة فيديو
تاريخ النشر: 17th, August 2023 GMT
كتب- إسلام لطفي:
سرد الإعلامي محمود سعد، الفاصيل الكاملة للخلاف بين الفنانين عادل إمام ومحمود عبدالعزيز، قائلًا إن السبب يكمن في لقاء تليفزيوني أجراه الإعلامي الراحل مفيد فوزي.
وأضاف عبر بث مباشر على صفحته الرسمية على "فيسبوك": قعدت مع محمود عبدالعزيز كتير واتكلمنا في الحكاية دي وقعدت مع عادل إمام كتير وجت سيرة الحكاية وقعدت في أوساط فنية كتيرة ومنهم صالح مرسي اللي هو كاتب مسلسل رأفت الهجان السبب في المشكلة، وكنت أول واحد كلم محمود عبدالعزيز بعد ما خلصت الحلقة الأولى للمسلسل.
وتابع: الأصل في حديث تليفزيوني أجراه الإعلامي مفيد فوزي، كان فيه مشكلة على مسلسل رأفت الهجان، أنه اتكتب بالصيغة اللي اتعرض بيها، وكان ليا عليها ملاحظة أن فيه حاجة بايخة أوي فلاش باك من فلاش باك من فلاش باك، ومع بداية المسلسل يعتبر أنه خلص وعرفت إيه اللي حصل لرأفت الهجان، ولكن كنت عاوز أعرف إيه اللي حصل للراجل ده، ومكنش فيه نت ولا حاجة عشان الناس تعرف إيه اللي حصل بالتفصيل لرأفت الهجان، فكان من التشويق إني معرفش حاجة، لكن صالح مرسي كان عاوز كده.
واستطرد: عادل إمام مرضيش بالتسلسل ده وقال لا هبدأ المسلسل زي أي مشوار صعود، إنما في الحلقة الأولى المشاهد عرف آخره، واللي عملوا المسلسل تمسكوا بالفكرة، ومن الناحية الفنية كان هيبقى أقوى وفق رأي عادل إمام، لكن محمود عبدالعزيز عمله ببراعة مش معقولة، يعتبر من أجمل الأدوار اللي قدمها، وكان فنان موهوب بشكل تلقائي فعلًا، والخلاف كان على مين هيعمل المسلسل عادل إمام ولا محمود عبدالعزيز.
واستكمل: واتعمل حديث تليفزيوني لمفيد فوزي، وسأل محمود عبدالعزيز عن الإيرادات هل هي كل شيء فرد "عبدالعزيز" قاله لأ الإيرادات مش كل حاجة وحصل قطع للكلام بعدها، وظهرت مديحة كامل بتقول معقول محمود قال كده؟، وكانت ليلة "كوبية" على محمود عبدالعزيز ومشي يدور على عادل إمام لحد الساعة 4 الفجر، لما لقاه عند سمير خفاجى، وعادل كان اضايق من الكلمة ومبقاش بينهم المودة المطلوبة.
وقال: ومسمعتش محمود بيقول غير أن عادل ممثل قوي وعادل كان بيقول نفس الكلام، وكان فيه التنافس العادي، لكن كلمة "الإيرادات مش كل حاجة" كانت بتضايق عادل إمام، وقتها لأنه كان عامل أعلى إيرادات وكانت ضخمة جدًا وقتها، وكانت أرقام كبيرة جدًا، وه خلاف عادي جدًا وبيحصل بين كل النجوم.
المصدر: مصراوي
كلمات دلالية: تنسيق الجامعات فانتازي الموجة الحارة انقطاع الكهرباء سعر الذهب أمازون الطقس سعر الدولار الحوار الوطني تمرد فاجنر أحداث السودان سعر الفائدة محمود عبدالعزيز عادل إمام محمود سعد محمود عبدالعزیز عادل إمام
إقرأ أيضاً:
مي عمر تكشف عن مفاجأة دورها في “إش إش”
متابعة بتجــرد: خلال حلولها ضيفة على بودكاست “Behind The Sheen” برفقة زوجها المخرج محمد سامي، تحدثت الفنانة مي عمر عن الشخصية التي تقدمها في مسلسل “إش إش” ووصفتها بأنها مختلفة تمامًا عنها لكنها أحبتها بشكل كبير، مفجّرة مفاجأة عن دورها في المسلسل.
قالت مي: “فكرة إنك بتقدمي شخصيات مختلفة دي أحلى حاجة في التمثيل إنك بتدخلي في حياة مستحيل تدخليها في الحقيقة دي أجمل حاجة، كل ما تدخلي عالم جديد يعني أنا بقدم رقاصة دا عالم جديد مش مجرد شخصية، عالم كل حاجة فيه مختلفة ودا بالنسبة ليا حاجة لذيذة إني أعرف العالم دا، إحنا بنقدم رقاصة شعبية مش رقاصة مشهورة، هي بسيطة جدًا ورافضة فكرة الرقص فبنشوف الشخصية دي من برا ومن جوا، وهي برا البيت وحاطه باروكة ومكياج، وهي في البيت بجلابية بسيطة، الشخصية حقيقية بجد”.
وكشفت مي مفاجأة عن دورها في المسلسل قائلة: “هي رافضة الرقص لكن هي متأثرة بالواقع اللي عايشة فيه شكلها ولبسها وطريقة كلامها، أنا أخدت كل لبس “إش إش” في البيت من كتر ما حبيتها”.
تدور أحداث مسلسل “إش إش” حول فتاة ترث من والدتها الجمال والفقر تُدعى “إش إش”، وتجد نفسها مضطرة أن تعمل كراقصة، وتدخل الى عائلة الجريتلي عن طريق الصدفة، لتكتشف أن ما تمر به ما هو إلا امتداد لأسرار مدفونة داخل هذه العائلة.
المسلسل من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف منهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.
main 2025-03-08Bitajarod
ما علاقة الكوابيس بالخرف؟.. دراسة حديثة تكشف