وئام مجدي لبودكاست «فيه إيه»: «مفيش أبشع من اختياراتي في علاقاتي العاطفية»

كشفت الفنانة وئام مجدي خلال حلولها ضيفة في أول حلقات بودكاست «فيه إيه»، الذي يقدمه صانع المحتوى إسلام فوزي، على قناة «U Podcast» على «يوتيوب» عن كواليس علاقتها العاطفية، وكذلك سبب تأخرها في خطوة الخطوبة والزواج حتى الآن.

تجارب وئام مجدي العاطفية

وقالت وئام مجدي: «أنا عاطفية وحبيبة أوي، وارتبطت مرتين وفركشت، والتجربة الأولى كانت مع شخص مدمن كذب بدون أي سبب، مكنش عايز حد يعرف عنه حاجة خالص، وكان أكتر شخص مؤذي شفته في حياتي، بيزيف مشاعره».

أضافت :«5 أصدقاء مقربين ليا حذروني منه، لكني قررت أسيبه لما حسيت إنه طفاني، واكتشفت بعدها أن اللي كان بيقولوه ليا عنه كله صح، وشخصيتي تغيرت بعدها، أما التجربة التانية فأنا حسيت إني مش مرتاحة فقررت أنهي العلاقة تماما».

سبب تأخير خطوة زواج وئام مجدي

وتابعت وئام مجدي: «الست اللي بتقول بكره الإكس تبقى بتحبه أوي، لكن لما تقول قرفانة منه كده يبقى مش بتحبه فعلا، وأنا مبسوطة بالشغل، ربنا كرمني في الشغل، مش لازم الحب، وأدخل في علاقة توكسيك، لو ربنا كاتب حد يبقى موجود هيبقى موجود، مش لازم أدور، لأن مفيش أبشع من اختياراتي، فبأسيبها على ربنا».

المصدر: الوطن