تابع أحدث الأخبار عبر تطبيق
في ظل الظروف الاقتصادية الصعبة اللي كلنا بنمر بيها، لازم بعض مفاهيم شبابنا وشاباتنا المقبلين علي الزواج تتغير شويه.. الشاب النهارده علشان يفتح بيت سواء حايأجر شقة أو حايشتريها التكاليف بقت مرعبة وماعتقدش فيه شاب دلوقتى حايقدر يشتري بيت بملايين إلا لو كان أهله اشتروله من زمان أو مقتدرين جداً ماديا ودي أصبحت فئة قليلة مش هما حالياً موضوعنا.
مش لازم شقة كبيرة لاتنين قرروا يعيشوا مع بعض ويبتدوا حياتهم والفرش مش لازم فيه نيش يتحط فيه حاجات مابنستخدمهاش نهائي وبتبقى للزينة والمنظرة فقط.
طقم الصيني الغالي اللي مابيطلعش من مكانه علشان خايفين يتكسر بلاش منه.. طقم المعالق الغالي اللي خايفين معلقة تترمي سهواً في القمامة ونحزن عليها بلاش منه.. كم البطاطين والدفايات والعلب البلاستيك والدباديب وملايات السرير يجي على قد الاستعمال مش لازم نملي بيهم الدواليب.
الفرح مش لازم المعازيم يبقوا كتير.. يتعزم القريبين فقط بحفلة بسيطة ونحتفل، وهي ليلة ومجرد كام ساعة حرام يتصرف فيها اللي يعيشهم شهور.. الشبكة هدية من العريس مش لازم مغالاة فى خاتم حايتلبس كام مرة ويتشال في الخزنة .
وممكن الفرح يبقي تكاليف بالنص.. الفستان حرام يتدفع فيه مبلغ كبير كده لأربع ساعات ويتشال في كيسه تاكله العتة وكده كده مش حايعجب الكل ومش حايسلموا من اللت والنقد.. والبساطة مفيش أجمل منها.. والشياكة مش بتمن الفستان.. الذوق الراقي مش مكلف.. والبهرجة والمنظرة ولا ليها لزمة.. أهم حاجة الحياة الطيبة الهادية اللي مليانة رضا.. والنوم على مخدة ريش نعام مش حايجيب راحة البال والأحلام السعيدة.. وناخد بالنا إن الفرق كبير بين الطموح والطمع وإننا مش لازم نبتدي من حيث ينتهي الآخرون ويارب يسعد الجميع.
فنانة مصرية حاصلة على الدكتوراه فى الغناء الأوبرالى.المصدر: البوابة نيوز
إقرأ أيضاً:
سامح حسين معلقا على نجاح برنامج "قطايف": اللي بيحصل ده معجزة
تابع أحدث الأخبار عبر تطبيق
أعرب الفنان سامح حسين عن سعادته البالغة بنجاح برنامج "قطايف"، الذي يقدمه عبر قناته الرسمية بموقع الفيديوهات الشهير “اليوتيوب”.
وكتب سامح حسين عبر حسابه الرسمي بموقع "فيس بوك": “اللَّهُم لك الحمد كما ينبغى لجلال وجهك وعظيم سلطانك، شكرًا من قلبى لكل حد قال في حقي كلمة طيبة، أنا حاسس إن اللي بيحصل معايا ده معجزة .. ده أنا بقيت خايف أنام ليطلع اللى أنا فيه ده حلم”.
فكرة برنامج “قطايف” لـ سامح حسينيقدم الفنان سامح حسين برنامج "قطايف"، عبر منصة اليوتيوب، ويحظى بإشادة واسعة من الجمهور والمشاهير بعد عرض ما يقرب من 12 حلقة حتى الآن، ويأتي البرنامج في إطار ديني واجتماعي، حيث يتناول مجموعة من النصائح والقيم الإنسانية الحميدة، مقدمة بشكل سريع وعميق يجذب المشاهدين.
وأشاد عدد كبير من الجمهور ببرنامج "قطايف" الذي يقدمه الفنان سامح حسين من حيث جودة المحتوى وأسلوب العرض المميز كما انضم عدد من المشاهير إلى قائمة المعجبين بالبرنامج أبرزهم الفنانة هيدي كرم، الفنان مصطفى شعبان، الإعلامي محمد علي، الفنانة نشوى مصطفى وآخرين.
ختام دور الـ16 من الدوري الأوروبي وتحديد مواجهات ربع النهائي