فى حاضر العصر والأوان، أجرى الملياردير «بنكوش» حوارًا صريحًا جدًاًاًا هذا الأسبوع مع ابنه «حنكوش» ليكشف الحقائق فى دقائق.
> الناس يا دادى شايفه الدُنيا «عناء» و«غلاء»!–وإحنا شايفنها بمبى والأسعار وردي!
> ليه الناس بتحقد علينا؟!–إحنا المليونيرات فى أى مكان تلاقينا وإن غبنا الناس تحقد علينا!
> يا دادى عندنا قصور وفلوس ياماااا؟!– ده الحظ أدانا وكلام الناس مش سايبانا!
> من أين لنا هذا يا دادى؟!–متزرزرنيش يا «حنكوش عينى»!
> فلوسنا بنستثمرها فى إيه؟!–طالما الفلوس فى جيبنا يبقى نعمل اللى يعجبنا!
> ليه الأسعار نااار ليل نهار؟!–علشان الدولار اللى معانا مولع الأسعار!
> الدولار تخطى الخمسين- «خمسة وخميسة» على اللى عندنا بالملايين!
> شعارنا يا دادى فى دنيا المال؟!–« لو تساوت الرؤوس أستحمل ياحنكوش»!
> خلاصة خبراتك فى إدارة الأعمال؟!–بالفلوس خلّص ودوس!
شواكيش ع التريند
> لو قلت لك: لخص حال الناس–أكيد هتقولي: ناس بتاكل لحمة وناس تايهه فى الزحمة!
> لو قلت لك: الدولار كسر حاجز الخمسين–أكيد هتقولي: راح راح خد الجنيه وراااح!
> لو قلت لك: أغنية أزعجتك عام 2024–أكيد هتقولي: يا واد يا دولار يا مشيبنا!
> لو قلت لك: رفع أسعار باقات الإنترنت وكروت الشحن- أكيد هتقولي: آلووه يا أمم آلووه!
> لو قلت لك: أغنية يتمنى سماعها الغلبان فى أسواق الغلاء! أكيد هتقولي: لحمة يا دنيا لحمة!
> لو قلت لك: أين أختفت الطبقة الكادحة؟- أكيد هتقولي: ورا مغارة «الدعم النكدى»!
> لو قلت لك: حمى رفع الأسعار اجتاحت الأسواق–أكيد هتقولي: اللعنة على الدولار!
> لو قلت لك: لعبة يجيدها الغلابة فى الأسواق- أكيد هتقولي: اللعب فى «سيرك الغلاء»!
> لو قلت لك: كحة الغلبان فى برد الغلاء–أكيد هتقولي: « بيكُح تُراب»!
> لو قلت لك: حظك اليوم فى فصل الشتاء- أكيد هتقولي: لا تؤجل « عدس» اليوم إلى الغد!
> لو قلت لك: صبح على الغلبان ولو برغيف عيش- أكيد هتقولي: ساعة العجن « متتعوتش «!
> لو قلت لك: سلم نفسك لأقرب مكتب تموين- أكيد هتقولي: لا داعى للهروب الدعم محاصر!
> لو قلت لك: شكواك مجابه اليوم- أكيد هتقولي: أشكى لمين وكل الناس مجاريح!
> لو قلت لك: 65 مليون تحت حد الفقر- أكيد هتقولي: بدون حسابة دى الحسابة بتحسب!
> لو قلت لك: حسبة برما–أكيد هتقولي: تسعة أعشار الحكومة «جباية» والعشر الأخير غلاء!
> لو قلت لك: الإقبال فاق على كراسات سكن المصريين–أكيد هتقولي: الحصيلة بالملايين!
> لو قلت لك: هيعمموا لعبة الشطرنج فى المدارس- أكيد هتقولي: « كش وزير «!
> لو قلت لك: محدش بيتعلم بالساهل- أكيد هتقولي: يا وزيرنا يا لطيف يا لطيف!
> لو قلت لك: اكتشافات جديدة فى الغاز والبترول- أكيد هتقولي: كده كده غازنا لغيرنا!
> لو قلت لك: لا تغامر بتوظيف أموالك لدى «المستريح»- أكيد هتقولي: رااح مطرح ما راااح!
> لو قلت لك: قيادات جديدة بالمحليات- أكيد هتقولي: يا ريت نطوى صفحات «الفساد للركب»!
> لو قلت لك: معزوم على مطعم الشيف التركي- أكيد هتقولي: يِدى «العضمة» للى بلا سنان!
> لو قلت لك: حزين على إيه؟! أكيد هتقولى: حزِين على «الجنيه» اللى قيمته خس للنص!
> لو قلت لك: نصيحتك الأخيرة ع التريند- أكيد هتقولي: حط الكوز تحت البزبوز!
المصدر: بوابة الوفد
كلمات دلالية: محمد زكى الغاز والبترول
إقرأ أيضاً:
أنغام لـ الفجر الفني: شركة صوت مصر ملهاش علاقة بالألقاب لكن لـ إكتشاف مواهب مصر وعندى ألبوم خليجي قريب
احتفلت النجمة صوت مصر أنغام بالعرض الخاص لـ كليب أغنية تيجي نسيب، وسط حضور ضخم من صناع الألبوم والجمهور والتقي الفجر الفني مع النجمة أنغام التي تحدث عن الألبوم والتحضيرات.
أنغام
تصريحات أنغام:
وقالت أنغام: سعيدة بالحالة اللى عملها الألبوم وفكرة عرض خاص لكليب حبينا نعمل حاجة جديدة ومميزة نتوج به نجاح الألبوم ومجهود الناس اللى اشتغلت فيه.
وعند سؤالها عن شركتها صوت مصر واختيارها لهذا الاسم تحديدا قالت: لو رجعنا شوية لورا هتلاقي أن ديما اللقب ده بيتقال، لكن لما قررت أعمل الشركة بالاسم ده كان عشان أنا ناوية اكتشف من خلالها مواهب مصر ملهاش علاقة بالألقاب خالص زي ما الناس بتقول.
وأضافت: كل شخص عنده موهبه بيعمل مجهود عشان موهبته دي فهو صوت مصر مش أنا بس، مصر فيها كتير أو ي زي أنغام وأحسن كمان يستاهلوا نقول عليهم صوت مصر كمان.
وعن أذا كان ستعود للتمثيل مره آخرى وأعمالها القادمة قالت: لو تامر حبيب هو اللى هيكتب هرجع، وعندي ألبوم خليجي قريب".
ويذكر أن حرص عدد كبير من صناع ألبوم تيجي نسيب النجمة أنغام للحضور إلى العرض الخاص، وكان من أبرز الحضور كلا من أمير طعيمة وزوجته، أكرم حسني، حسن الشافعي، تامر حبيب، لميس الحديدي، سالى عبدالسلام، محمد الشرنوبي وغيرهم.
تفاصيل اغنيه تيجي نسيب
اغنية تيجي نسيب ضمن أغاني ألبوم أنغام الذي يحمل نفس الاسم، الأغنية من كلمات أكرم حسني، ألحان إيهاب عبدالواحد، توزيع موسيقي ومكس حسن الشافعي، وماستر مايك بوزي.
أنغام اغاني ألبوم تيجي نسيب لـ انغام
واحتوى ألبوم تيجي نسيب على 12 أغنية متنوعة ما بين الرومانسي والحزين، والأغاني هي وبقالك قلب، هو انت مين، موافقة، إيه الأخبار، خليك معاها، اسكت، أقولك إيه، كان برئ، القلوب أسرار، ماكنش وقته، بنعمل حاجات، وتيجي نسيب.
ضبط شاب متهم بإشغال النار في والدته بالشرقية