ميدو ردًا على غضب جماهير الأهلي: «أنا ابن الزمالك ومش هكون كذاب ومنافق»
تاريخ النشر: 9th, December 2024 GMT
اعتذر أحمد حسام ميدو نجم نادي الزمالك ومنتخب مصر السابق، اليوم الإثنين، عن تصريحاته بشأن عدم تشجيع الأهلي في بطولة كأس العالم للأندية 2025، والمقرر إقامتها في الولايات المتحدة الأمريكية.
وكتب ميدو عبر حسابه بموقع التواصل الاجتماعي "إكس": "انا ابن الزمالك وأكبر فخر ليا في حياتي اني ابن المدرج ابن الثالثه يمين بلعب في الزمالك من وانا عندي ٩ سنين وانا عيل صغير كنت بروح بفانلة الزمالك في المواصلات علشان الناس كلها تعرف اني ناشئ في الزمالك بطاقتي وانا عيل صغير هي كارنيه اتحاد الكورة اللي مكتوب عليه اسم الزمالك".
وأضاف ميدو: "تتلمذت على ايد مدربين عظماء علموني اني انتمي لفريقي بس وما أشجعش اي نادي ثاني في مصر بالذات إلا نادي الزمالك اي كان بيلاعب مين ولكن في نفس الوقت اتربيت اني احترم كل المنافسين واهنيهم لو كسبوا واباركلهم واقولهم هارد لك لو خسروا.. هو ده معنى الروح الرياضية بالنسبة لي!!".
وأكمل نجم الزمالك السابق: "لما اتسألت في الاستوديو هتشجع الأهلي في كأس العالم للأندية رديت بطبيعتي دون اي نفاق او كذب لان بكل بساطه مفيش حاجه في الدنيا تستاهل انك تكون كذاب ومنافق! اتفق معاكم ان التوقيت ما كانش مناسب وبعتذر لأي حد زعل اني قلت الكلام ده في حدث مهم يخص النادي الأهلي وانا شايف الناس اللي زعلت بخصوص ان الوقت مش مناسب عندهم كل الحق".
وواصل: "أما لو اتسألت مليون مرة هتشجع اي نادي تاني في مصر غير الزمالك إجابتي هتكون هي هي عمرها ما هتتغير لغاية لما اموت.. اما بخصوص الهجوم اللي بتعرضله فأنا عاذر الناس لانهم ممكن يكونوا اتعودوا على اجابات مختلفة في السنوات الأخيرة من ناس تصدروا المشهد في الاعلام وهما اكتر ناس بيأذوا المنافس في الخفاء واكتر ناس بتتمنى من قلبها خسارة المنافس من جواهم".
وأتم: "مش هرد على اي حد هاجمني لان بكل بساطه أنا في مرحلة في حياتي شايف ان مفيش حاجه في الكورة تستاهل الخصومة والخناق بالعكس الكورة اتعملت علشان نتسلى بيها ونستمتع بيها ونناكف بعض شوية بس بالنسبه لي ماتتعداش اكتر من كده!! مره ثانيه بعتذر اني كنت سبب في جدال قائم الايام اللي فاتت للاسف مش ذنبي ولكن بسبب مدمنين الترند والدخلاء على كرة القدم اللي لا يمكن يفهموا أبدا عقلية مشجع الكورة!!".
المصدر: الأسبوع
كلمات دلالية: الأهلي الزمالك نادي الزمالك منتخب مصر أحمد حسام ميدو
إقرأ أيضاً:
ميدو يكشف موقفه من تدريب الزمالك بعد رحيل جوميز
كشف الإعلامي الرياضي أحمد حسام ميدو، عن موقفه من تولي تدريب الزمالك بعد رحيل جوزيه جوميز المدير الفني.
وقال ميدو خلال تصريحات تلفزيونية: “اختيار بديل جوميز، محتاج دراسة في هذه المواقف مينفعش تاخد قرار إنفعالي”.
وتابع: “ليس في تفكيري التواجد في نادي الزمالك كمدرب في الفترة الحالية، أنا مش الراجل المناسب في هذه المرحلة، لانه لازم يكون متواجد في الملعب، لما تقعد فترة بعيد عن الملعب بتحتاج وقت عشان تاخد رتم المباريات”.
وكان قد أبلغ البرتغالي جوزيه جوميز المدير الفني لنادي الزمالك مجلس الإدارة برغبته في الرحيل عن القلعة البيضاء عقب لقاء المصري القادم في بطولة كأس الكونفدرالية الإفريقية.
وأصرَّ جوزيه جوميز على الرحيل بعد ما أنهى الاتفاق مع الفتح السعودي لقيادة الفريق لنهاية الموسم الحالي مع أفضلية التجديد لموسم إضافي.
«فنون الأداء» يكرم المخرج الراحل عبد الرحمن الشافعي