9 علامات تدل على تعرض ابناؤنا للخطر على مواقع التواصل الاجتماعي

كشف المجلس القومي للطفولة والأمومة عن وجود 9 علامات تدل على تعرض ابناؤنا للخطر أثناء استخدامهم لمواقع التواصل الاجتماعي، منشدا المجلس الأهالي من خلال صفحته الرسمية علي مواقع التواصل الاجتماعي الفيس بوك ان هذه العلامات  يجب الالتفات إليها لأنها تؤكد أن أولادنا بيتعرضوا لمشكلة أو بيواجهوا خطر أونلاين :

1_بيقضوا وقت زيادة عن المعتاد أونلاين ومش بيحكوا اللي بيعملوه.

2-غضب شديد غير مبرر من أي محاولة للتحكم في الوقت اللي بيقضوه أونلاين.

3- بيكلموا ناس غريبة في التشات أو التليفون وبيكذبوا لو اتسألوا هم بيكلموا مين.

4-الانعزال عن الأهل والأصحاب والتغيرات المزاجية المفاجأة بدون سبب واضح.

5-وجود محتوى غير لائق أو غريب عن اهتماماتهم على تليفوناتهم.

6/التوتر والقلق لو حد قرب منهم وهم ماسكين التليفون أو التابلت.

7-تغير نمط استخدام الإنترنت والمكالمات التليفونية (زي الصحيان بدري أو لحد وقت متأخر مايكونش فيه رقابة من الأهل)

8-ظهور أشخاص الأهل مايعرفوهمش على قوايم الأصدقاء في شبكات التواصل الاجتماعي (خصوصًا لو فيه فرق سن كبير بينهم ةبين الأطفال)

9-فجأة يقرروا يقفلوا حساباتهم على مواقع التواصل الاجتماعي أو يمسحوا التشات بينهم وبين أشخاص معينين من غير سبب.

 ووجه  المجلس نصيحه لأولياء الأمور  بأن   فرض الحصار على أولادنا  ليس  هو الحل،  ولكن الحل الامثل يكمن في كل ما نكون قريبين منهم وفاتحينلهم بابنا طول الوقت ومتحكمين في ردود أفعالنا تجاه اللي بيحكوهولنا، كل ما ده هيقلل فرص استغلالهم أونلاين أو إنهم يخبوا علينا مشكلة بيواجهوها.

المصدر: بوابة الوفد