الفنان محمد القس: مصر هى هوليوود.. لازم الفنان يعدى عليها
تاريخ النشر: 7th, December 2024 GMT
أثنى الفنان محمد القس، على الفن بمصر ودوره شهرة النجوم معقبا:"مصر هوليوود وبلد فني لابد الممثل يمر عليها، في ناس من هوليوود مصر انتقلوا لهوليوود الغرب وأمثلة عندنا عمرو الشريف وجميل راتب وفي ممثلين كتير ومصر هي البوابة ومصنع النجوم وتثقل الفنان".
وأوضح محمد القس، خلال حوار ببرنامج "حبر سري"، مع الاعلامية اسما ابراهيم، المذاع على قناة القاهرة والناس، أن ما حدث معه في مصر أنها أوصلته لشريحة أكبر في العالم العربي، مضيفا: "اعتبر نفسي محظوظ إن في ناس أحسن مني موجودين في مصر ولكن توفيق ربنا أني موجود ولو بمثل في الشاشة بقول في واحد أحسن مني قاعد بيقول لو أخذت الفرصة اعمل اكثر من كده".
وعن موقفه حال كره الجمهور لـ أدواره رد قائلا: "أنا بقالي 20 سنة ممثل وفي السعودية عملت أدوار كتير والجمهور المصري مختلف ولقيتهم في الجمهور ناس متعاطفين مع شخصية أكرم في مسلسل برغم القانون وفي ناس بتقول مريض نفسي وأوجدوا له مبررات اللي كنت بحاول أوجدها للشخصية وفي كل حته بحاول أقدم حاجة جديدة ولو الجمهور كره أدواري تبقى الرسالة وصلت".
المصدر: صدى البلد
كلمات دلالية: صدى البلد محمد القس الفنان محمد القس الفن المصرى المزيد المزيد
إقرأ أيضاً:
محمد علي رزق: والدي رجل عصامي وبدأ من الكوافيرات
تحدث الفنان محمد علي رزق عن حزنه الشديد لوفاة والده ورحيله عن دنيانا، مشيرًا إلى أنه كان نموذج للرجل العصامي حتى أصبح مالكًا لأكبر محلي كشري في منطقة وسط البلد، موضحًا سبب رفض والده دخوله عالم التمثيل.
وقال محمد علي رزق خلال استضافته في بودكاست "وفيها إيه" الذي يقدمه عمر توفيق على منصة "ستوري بالعربي":"بعد وفاة أبويا الله يرحمه بقى كل حاجة في حياتي ناقصها حتة، وديه سنة الحياة، ووقت ولادة ابني يحيى كنت محتاجه وبقول هو فين؟ ووقت جوازي كنت داخل بدور عليه وسط الناس".
وأضاف، محمد علي رزق: "والدي كان راجل يجهل القراءة والكتابة وده شيء لا يعيبه وعنده ذكاء الفطرة، وهو مثال حي ونموذج للإنسان العصامي اللي بنى نفسه بنفسه، بدأها كعامل بيكنس في الكوافيرات إلى أن أصبح مالك لمحل كشري كبير في وشط البلد وبنى نفسه بنفسه".
وأردف، محمد علي رزق: "كان رافض بشكل قطعي إني أمثل ولما قولتله هدخل آداب قسم مسرح وقالي خُد شهادة وبعدين العب براحتك، مكنش مؤمن إن ليسانس آداب مسرح تبقى شهادة، ولكن والدتي اللي أقنعته وقالتله سيبه براحته.
واختتم محمد حديثه عن والده، قائلًا: والدي كان مشفق عليا ويقول لأخواتي خلوا بالكم منه، ده مالوش مستقبل، وكان شايفني ضيعت نفسي، ولكن مع الوقت بدأ يشوف الموضوع بشكل تاني لما يقابل ناس ويكلموه عليا وبقى هو داعم كبير جدًا وتحول الموضوع 180 درجة قبل ما يتوفى بحوالي 5 أو 6 سنين.
عبد المسيح: فلتكن العدالة التربوية أولوية لا شعارًا