من أرشيف الكاتب أحمد حسن الزعبي

أوسع من هيك؟

من أرشيف الكاتب #أحمد_حسن_الزعبي

نشر بتاريخ .. 6 / 11 / 2017

فتح باب طاولة التلفزيون وبدأ بإخراج الكتب القديمة الواحد تلو الآخر ، أخرج معجم الوسيط ، و»فتاوى الشعراوي» ، وكتاب الكبائر ، وديوان المتنبي للعلاّمة البرقوقي ، كما أبعد عن طريقه كتاب صيد الخاطر ،والمستطرف في كل فن مستظرف ، وعودة لقمان ، ليجده أخيراً بصفحاته العريضة وبجلده الأخضر الخشن مختبئاً خلف «الريسيفر»، أمسك #دليل_الهاتف_القديم الذي يحتوي آخر طبعة قد وصلت اليه عام 1987 وبدأ يقلب الصفحات بحثاً في حرف الصاد.

.صابر احمد،صابر باسم ،صابر هلسة ، صباح محمود،صباح يوسف ، صالح أيوب، صالح الاخرس، صالح الأشقر ،صالح يونس ، وكلما انتهى من صفحة لحس صفحة أخرى وبدأ يدقق في الأسماء..وقف فوق رأسه شلاش ..

مقالات ذات صلة مدير مستشفى كمال عدوان .. الوضع داخل المستشفى وحوله كارثي وهناك عدد كبير من الشهداء والجرحى 2024/12/06 شلاش : ع شو بتدوّر يابا؟ أبو يحيى: ع الماخوذ.. شلاش: المأخوذ بحرف الميم..مش بالصاد أبو يحيى: انطز واسكت.. شلاش: في ظل حدا يدوّر بالدليل حجي..انت قلي ع شو بتدور واني بساعدك.. أبو يحيى: بدور ع رقم #صندوق_النقد_الدولي. شلاش: رن ع 1212 اريح لك. أبو يحيى: امسك بسماعة الهاتف الأرضي ،وضغط على الأزرار 1212 وبعد ان سمع ان هذه المكالمة مسجلة لغايات الجودة ،وان موظف الاستعلامات سيرد في الحال مشفوعة بموسيقى الانتظار. الموظف: معاك هاني كيف ممكن أساعد؟ أبو يحيى: يا خوي رقم صندوق النقد الدولي إذا سمحت.. الموظف: بعد لحظات انتظار ، ما اعتقد متوفر عندنا .. خدمة ثانية..؟

أبو يحيى :مش متوفر عندكو..طيب اسمع بدي افش غلّي واحكي ومليح اللي اسمك «هاني» اسمع خالي هاني ، قريت هسع مكتوب بالجريدة : أنه مدير دائرة الشرق الأوسط وآسيا الوسطى في صندوق النقد الدولي، بيقول انه الصندوق أوصى بعملية #الإصلاح_الضريبي في #الأردن من خلال «توسيع القاعدة» الضريبية..سمعت خالي «بده يوسع القاعدة»..أنت فاهم شو يعني شو بيصير فينا إذا «توسّعت القاعدة» عدم المؤاخذة…بس بقيت بدي اتصل عليه عشان أقله هالكلمتين .يا حريق الحرسي في ظل «أوسع من هيك» وسلامتك..

-الموظف: خدمة ثانية..

-أبو يحيى: سلم ع الوالدة..

-الموظف: نهارك سعيد شكراً لاتصالك..

-أبو يحيى: بتعرف تقول غطيني يا كرمة العلي.

-الموظف: عفواً..

-ابو يحيى: ولا شي ..سلّم سلّم..

#158يوما

#الحرية_لاحمد_حسن_الزعبي

#أحمد_حسن_الزعبي

#كفى_سجنا_لكاتب_الأردن

#متضامن_مع_أحمد_حسن_الزعبي

المصدر: سواليف