المخرج أحمد بندري يحذر صناع الأفلام من التعامل مع الفنان محمد سعد.. مالقصة؟
تاريخ النشر: 5th, December 2024 GMT
حذر المخرج أحمد البنداري، خلال منشورا مطولا كتبه عبر حسابه الشخصي على موقع التواصل الاجتماعي فيسبوك، من التعاون مع الفنان محمد سعد.
وكتب أحمد البنداري، في منشوره عبر فيسبوك: «فيلم الدشاش ده اصلا اسمه كعب داير و كان مترشحله نجوم تانية يا ريتني كنت روحت لأي حد فيهم.
وتابع أحمد البنداري: «المهم بعد ٣ شهور شغل عليه من اللف على المنتجين بالتوازي شغل على التصور البصري كله directors treatment و visual file و شكل الشخصيات واللبس والديكور وطريقة الإخراج والمونتاج والـ color pallet وستوري بورد كاملة علشان أروح للنجم بتصور كامل للفيلم مش رايحين نهزر يعني.. المهم بعد مكالمات ومواعيد كتير روحتلة البيت أنا والمؤلف (اللي مش بالوم عليه لأنه بقاله كتير مستني فرصة من نجم المفروض انه كبير)».
واستطرد أحمد البنداري، قائلا: «المهم.. المفروض السيناريو كان عاجب سعد جداً ومتحمسله جداً خصوصاً انه كوميدي دراما مش فارس كوميدي زي كل افلامه.. وكان في شركة كبيرة ومنتج كبير موافق على الفيلم بحذر طبعاً لسمعة محمد سعد مع المخرجين أنه لكني طمنته وقولتله ماتقلقش سعد عاجبه الفيلم ومتفقين على الخطوط العريضة كلها وكان شرط سعد الوحيد أن المنتج مايعترضش على أجره الكبير.. ده كان كلامه بالحرف».
وأضاف أحمد البنداري: «المهم المنتج ده كلم سعد واداله أكتر من ميعاد وسعد لغى كل المواعيد لأسباب مختلفة.. لحد ما في يوم كلم هو المنتج وقاله أن الفيلم مش عاجبه وأن السيناريو ضعيف وأنه عايز يبقى يحدد معاه ميعاد على فيلم تاني (لما نجم المفروض كبير يقول لمنتج أن الفيلم اللي بقالي شهور مجننه معايا فيه أنه فيلم ضعيف ووحش هو قتلي فرصي مع المنتج ده وقتها) المهم.. لما المنتج كلمني وقالي استغربت جدا لأن ده عكس كلامه ١٠٠٪».
وتابع أحمد البنداري، قائلا: «المهم بعدها كلمتة قالي نفس الكلام انه الفيلم مش عاجبه ماحبتش اطول في المكالمة خصوصاً أن ده حقه أنه يعجبه فيلم أو ما يعجبوش مع أنه مقالش كده من الأول بالعكس والحمد لله على نعمة التكنولوجيا الواتساب كله موجود.. بس الغريب أني أكتشف بعد كدة أن الدشاش هو الحاوي مع مخرج تاني ومنتج تاني ليهم كل الإحترام و التقدير والتمنيات بالتوفيق.. مع الفارق في نجم كبير جدا مش هقول اسمه روحتله بفيلم.. شوفت منه صراحة ووضوح في اللي عاجبه واللي مش عاجبه وقاري الفيلم كويس مش حد قاري وحاكيله الفيلم ده غير التزام رهيب في المواعيد مع أنه حقيقي مش فاضي لحد آخر ٢٠٢٥ يعني ممكن مانشتغلش الفيلم ده أصلاً مع بعض لكن عرفني ليه الراجل ده محافظ على نجوميته بقاله ٢٠ سنة تقريباً لأنه بيسمع للأخر وبيقرأ كويس وملتزم لأقصى الحدود».
واختتم أحمد البنداري، منشوره قائلا: «ربنا يوفق الجميع وده كان تحذير لأي صانع أفلام من التعامل مع محمد سعد من غير ما يكون مأمن نفسه ومجهوده ١٠٠٪ لأن مجهودك والتزامك وصدقك دول شرفك في الشغلانة دي.. وهما اللي هيخلوك تعرف تحط صوابعك في عين التخين وتقوله كده غلط وعيب وما يصحش كده أنت المفروض كبير والكبير مابيلفش ويدور.. عموما انا بعد الموقف ده و موقف شبيه حصلي السنة اللي فاتت بدعي و بقول يا رب ٥ مليون دولار ونبطل شغل».
المصدر: بوابة الوفد
كلمات دلالية: أحمد البنداري الفنان محمد سعد فيسبوك أحمد البنداری من التعامل مع محمد سعد
إقرأ أيضاً:
مي عمر تكشف أسباب اعتزال المخرج محمد سامي
البلاد ــ جدة
بعد إعلان اعتزاله في 20 مارس الماضي، كشفت الفنانة المصرية مي عمر أن زوجها المخرج محمد سامي اتخذ قرار الاعتزال قبل شهر رمضان، لافتة إلى أنه أخرج كمية كبيرة من المسلسلات الناجحة، وكان لديه مسلسلان هذا العام. وأوضحت أن تصوير الأعمال الفنية مرهق جدًا؛ لذلك اتخذ سامي قرارًا بالحصول على راحة لفترة زمنية، ثم يعود مرة أخرى.
لافتة إلى أنها كانت تطلب من زوجها في أوقات كثيرة ألا يعمل الموسم القادم، مؤكدة أن قرار اتخاذه راحة، ليس له علاقة بمسلسل رمضان الماضي.
كذلك كشفت عن بعض التفاصيل الخاصة بالعمل الذي ينفذه زوجها، الذي قرر ترك الإخراج من أجله.
وقالت: إن لديه خطوة مهمة يحتاج أن ينفذها، ثم يعود للإخراج مرة أخرى، مشيرة إلى أنه يجهز لخطوة فنية، ولن يغادر مصر، وحتى لو قام بعمل فني خارجها فسوف يعود.
كما أوضحت أنه سيقوم بعمل فني في أميركا خلال الفترة المقبلة.
يذكر أن محمد سامي عمل في المجال الفني لـ15 عامًا، حيث بدأ مشواره الإخراجي في مسلسل”آدم” الذي قام ببطولته الفنان تامر حسني، وعرض في رمضان 2011.
متحدث الصحة: توجيه من الرئيس السيسي لأجهزة الدولة بتقديم كافة أشكال الدعم للأشقاء فى فلسطين