ننشر إعترافات قـ.ـاتل المُعلم عبدالعظيم الباجوري ابن مدينة اشمون بالمنوفية
تاريخ النشر: 4th, December 2024 GMT
إعترف المدعو بلال.ا.ش من مدينة اشمون بمحافظة المنوفية والمتهم بقتل المُعلم عبدالعظيم الباجوري ابن مدينة اشمون بالمنوفية، أثناء اخر محاكمة بطريقته فى قتل المجني عليه.
حيث جاء نص الإعتراف كالآتي:
قال المدعو بلال.أ.ش" اللي حصل ان انا متزوج من المدعوه "ولاء.ص.ح" من نحو أربعة اشهر وهي كانت طالبة وعاوزة تكمل تعليم وانا رافض إنه ا تكمل تعليم وهي غضبانه عند أهلها وانا لفيت على المدرسين اللي بتاخد عندهم دروس خصوصية وقُلتلهم ميدوهاش دروس خالص ومنهم الأستاذ عبد العظيم حمدي عبد العظيم الباجوري وبعد كده عرفت ان الأستاذ عبد العظيم لسه بيديها درس خصوصي واتصلت عليه وقلتله انت بتدي مراتي درس ليه قالي احكم على مراتك ومتحكمش عليا في بيتي وبعدها عرفت إنه لسه بيديها درس ثاني وانا بعدها حضرت سكينة ورحتله على بيتهم وطلعت الدور اللي ساكن فيه وخبطت علي باب شقته وهو فتحلي الباب وقلتله انا عاوزك في حاجة تحت وهو نازل معايا علي بسطة السلم واحنا تحت في المدخل في النص قبل البوابة الحديد على اخر درجتين من السلم طلعت السكينة وضربته بيها في رقبته ودبحته ساعتها من رقبته وضربته كذا ضربه في جسمه وعبد العظيم نده على عمه السيد وقاله الحقني يا عمي وبعدها عمه السيد طلع بعصايا علشان يضربني بيها وانا ساعتها فاديت الضربة وكملت ضرب علي عبد العظيم ولما عمه حاول يجي عليا ثاني انا سبت عبدالعظيم وطلعت جريت علي البيت عندنا وخبيت السلاح الأبيض اللي ضربت عبد العظيم بيه وبعدها اهلي مسكوني وضربوني وسلموني بالعافية على مركز الشرطة وفي المركز سالوني وقلتلهم علي اللي حصل وجابوني على النيابة النهاردة وهو ده كل اللي حصل.
وأضاف بلال خلال إعترافاته، انا عرفت ان زوجتي بتاخد دروس عند الأستاذ عبد العظيم والكلام ده عرفت بيه بعد ما مراتي غضبت آخر مرة من نحو 3 أسابيع وراحت بيت أهلها جنب بيت الأستاذ عبد العظيم، وخلال هذه الفتره كنت أفكر هموته ازاي لأنني كنت أراقبه واعرف مواعيد الدروس بتاعته واعرف هو بيرجع بيته امتي ومتأكد ان هو في البيت في الوقت اللي روحتله فيه علشان اقتله والوقت ده كنت عارف ان مفيش دروس بيدها لحد علشان كده رحتله في التوقيت ده وقتلته.
وأكمل القاتل إعترافاته قائلًا: انا قتلته علشان مسمعش كلامي وكان بيدي درس لمراتي رغم اني نبهت عليه ان هو ميدهاش درس وعلشان انا بغير على مراتي وبالذات منه هو علشان بتاخد دروس عنده وعلشان هما جيران في البيت وبرده علشان انا نبهت عليه وقلتله ان مراتي متاخدش درس عنده وهو ساعتها رفض وقالي اني محكمش عليه واحكم على مراتي بس لذلك كنت مبيت النيه وقاصد إلى اقتل عبد العظيم واخلص منه
وأكد القاتل خلال إعترافاته، علشان انا كنت مغلول من عبدالعظيم جدا ومصمم إلى اموته واخلص منه قتلته بالطريقة دي لاني كلمته وهو رد عليا في التليفون وزعقلي وقالي اني محكمش عليه واحكم على مراتي والكلام ده خلاني عاوز امونه واخلص منه، خاصة لما كلمت الأستاذ عبد العظيم وباقي المدرسين اللي مراتي بتاخد عندهم درس وساعتها الاستاذ عبد العظيم قالي ان احكم علي مراتي بس ومحكمش عليه انا ساعتها اتضايقت وقررت اني انا لازم اموته واخلص منه وبعدها انا فکرت هموته ازاي وفكرت في كذا طريقة واستقريت إلى هجيب سكينة وادبحه بيها وجبت السكينة من مطبخ البيت بتاعي وخبيتها في هدومي ورحت علي بيتهم ولقيت بوابة بيتهم مفتوحه ودخلت من البوابة وطلعت على سلم بيتهم وخبطت علي باب شقته وفتحلي الباب وقلتله انا عاوزك في كلمتين تحت وقالي ماشي ونزل معايا وساعتها انا طلعت السكينة من جنبي اليمين وضربته بيها في رقبته ودبحته ساعتها من رقبته وضربته كذا ضربه في جسمه وبطنه وظهره وعبد العظيم نده علي عمه السيد وقاله الحقني يا عمي وبعدها عمه السيد طلع بعصايا علشان يضربني بيها وانا ساعتها فاديت الضربة وكملت ضرب علي عبد العظيم ولما عمه حاول يجي عليا ثاني انا سبت عبد العظيم وطلعت جريت على البيت عندنا.
المصدر: بوابة الفجر
كلمات دلالية: المجني عليه درس خصوصي محافظة المنوفية
إقرأ أيضاً:
ننشر حركة تداول السفن والحاويات في ميناء دمياط
تابع أحدث الأخبار عبر تطبيق
استقبل ميناء دمياط خلال الـ 24 ساعة الماضية عدد 8 سفن ، بينما غادر عدد 10 سفن ، كما وصل اجمالي عدد السفن الموجودة بالميناء 33 سفينة ، منها السفينة ( PANORMITIS ) و التي ترفع علم بنما ويبلغ طولها 169 م وعرضها 27 م القادمة من روسيا و على متنها حمولة تقدر بـ 27500 طن من القمح لصالح القطاع الخاص ، يأتي ذلك تأكيداً على جاهزية مرافق ميناء دمياط لإستقبال ناقلات القمح .
بلغت حركة الصادر من البضائع العامة 24953 طن تشمل : 5535 طن يوريا و 6773 طن كلينكر و 3645 طن أسمنت معبأ و 9000 طن بضائع متنوعة .
كما بلغت حركة الوارد من البضائع العامة 44580 طن تشمل : 10597 طن ذرة و 23091 طن قمح و 610 طن خشب زان و 2628 طن حديد و 7044 طن خردة و 610 طن ابلاكاش .
بينما بلغت حركة الصادر من الحاويات 738 حاوية مكافئة و عدد الحاويات الوارد 208 حاوية مكافئة فى حين بلغ عدد الحاويات الترانزيت 3456 حاوية مكافئة .
ووصل رصيد صومعة الحبوب والغلال للقطاع العام بالميناء من القمح 132806 طنًا ، بينما بلغ رصيده في مخازن القطاع الخاص 96430 طنًا .
كما غادر عدد 2 قطار بحمولة إجمالية 2454 طن قمح متجهين إلى صوامع القليوبية و كفر الشيخ ، و عدد 1 قطار بعد تفريغ عدد 25 حاوية 40 قدم قادم من الإسكندرية و شحن عدد 50 حاوية 20 قدم متجه الى العين السخنة ، بينما بلغت حركة الشاحنات دخولًا وخروجًا عدد 4871 حركة .
وخلال رحلاتها المنتظمة لميناء دمياط غادرت السفينة ( OLYMPOS SEAWAYS ) التابعة للخط الملاحي ( RORO ) الرابط بين مينائى دمياط و تريستا الإيطالي بعد ان قامت بتفريغ عدد 48 حاوية فارغة و مملوءة و عدد 30 تريلا فارغة و مملوءة بإجمالي وزن بضائع وارد 1224 طن ، كما قامت بتحميل عدد 15 حاوية و عدد 22 تريلا مملوءة ببضائع تصدير تشمل خضروات و فواكه و منسوجات وضفائر كهربائية بإجمالي وزن 723 طن متجهه إلي ايطاليا – هولندا – المانيا - انجلترا- سلوفيكيا – المجر .
القبض على عزت.. أحداث الحلقة الثامنة من مسلسل قلبي ومفتاحه