مفاجآت بالقضية.. طارق جميل ومحمد حمودة وأحمد مرتضى للدفاع عن عمر زهران
تاريخ النشر: 3rd, December 2024 GMT
وصل، منذ قليل، المخرج عمر زهران إلى محكمة جنوب الجيزة الابتدائية لنظر ثاني جلسات محاكمته في اتهامه بسرقة مجوهرات شاليمار الشربتلي، زوجة المخرج خالد يوسف.
وحضر اليوم للدفاع عن المخرج عمر زهران المحامي طارق جميل ومحمد حمودة وأحمد مرتضى بالجلسة.
وصرح المحامي محمد حمودة لأنه سوف يكون بجلسة اليوم بعض المفاجآت بالقضية.
ونشر "صدى البلد" نص التحقيقات المتعلقة بالقضية المتهم فيها المخرج زهران، بسرقة مجوهرات شاليمار الشربتلي، زوجة المخرج خالد يوسف، وتقدر قيمتها بنحو 250 مليون جنيه.
تفاصيل القضية بدأت عندما تم ضبط الفنان بناءً على أمر من النيابة العامة بعد اتهامه بسرقة مجموعة من المجوهرات التي تعود للمجني عليها شاليمار حسن عباس شريتلي.
ونفى الفنان عمر زهران التهم المنسوبة إليه، مؤكداً أن المشغولات الذهبية التي تم العثور عليها هي مجرد إكسسوارات قدمتها له المجني عليها هدية.
وأكد في أقواله إنه كان في علاقة صداقة وطيدة مع شاليمار وزوجها خالد يوسف، إلا أن التحقيقات تشير إلى وجود خلافات محتملة حول المسروقات، وإلى نص التحقيقات:
س: من هي شاليمار بالنسبة لك؟
ج: شاليمار دي صديقتي من 14 سنة، كنا أكثر من الإخوات. كنت دائمًا معاها سواء هي أو خالد يوسف، وكنت بسافر معاهم كل حتة تقريبًا. زمان كنت بقعد في بيوتهم.
س: وهل كان هناك خلافات بينكما منذ بداية صداقتكما حتى تاريخ الحادث؟
ج: لا، محصلش بيننا أي خلافات.
س: ما هي معلوماتك عن الواقعة محل التحقيق؟
ج: اللي عرفته من شاليمار إن هي كانت مسافرة بره مصر هي وخالد يوسف، وفضلت غائبة عن شقتها في الفور سيزون تقريبًا مدة سنة أو أكثر، ولما رجعت اكتشفت إن مجموعة من مجوهراتها سرقت من الشقة، وفضلت تدور عليها لكن ما لقتهاش.
س: وما فترة غيابها عن العين محل الواقعة؟
ج: اللي أعرفه إنها كانت مسافرة بره مصر في سنة 2022، ورجعت في نفس السنة، لكن مش فاكر التواريخ تحديدًا.
س: وهل سبق لك أن ترددت على الشقة الخاصة بالمجني عليها خلال فترة غيابها؟
ج: أنا مروحتش الشقة دي غير مرة واحدة بس.
س: وما سبب تواجدك في تلك الشقة تحديدًا؟
ج: روحت عشان كنت أنا وشاليمار بنتكلم، وهي طلبت مني إني آخد شيخ وأروح بيه لشقتها عشان يقرأ فيها قرآن.
س: ومن كان معك في تلك الفترة؟
ج: كان معايا واحد اسمه الشيخ فواز، عرفته عن طريق صديق لي، لكن مش عارف بياناته بالكامل.
س: متى تحديدًا توجهت للعين محل الواقعة؟
ج: مش فاكر تحديدًا، لكن تقريبًا في سنة 2022 أثناء غياب شاليمار.
س: وهل كان معك أشخاص آخرون آنذاك؟
ج: كنت مع الشيخ فواز، وكان موجود أيضًا شخص اسمه مصطفى الملا، وهو كان شغال مع شاليمار.
س: ما سبب تواجد مصطفى الملا وأشخاص آخرين في تلك الشقة؟
ج: هما كانوا جايين عشان ينظفوا الشقة بناءً على طلب شاليمار.
س: كيف تمكنتم من دخول الشقة؟
ج: دخلنا الشقة لأن مصطفى كان معاه مفتاح، وأنا بعد فترة جيت.
س: هل كان معك مفتاح الشقة آنذاك؟
ج: لا.
س: ما قولك في شهادة شاليمار بأنها تركت معك نسخة من مفتاح الشقة؟
ج: مش متأكد، بس اللي فاكره إني مكنش معايا نسخة من المفتاح.
س: وما هو قولك فيما شهد به مصطفى الملا من أنه كان بحوزتك نسخة من المفتاح؟
ج: مكنش معايا مفتاح.
س: هل دلفت إلى غرفة نوم المجني عليها؟
ج: نعم، دخلت، وكان معايا الشيخ فواز، وكنا بنقرأ قرآن. لاحظت إن الغرفة مش متنظفة كويس، فطلبت من مصطفى الملا والعمال ينضفوا كويس.
س: هل طلبت من مصطفى إعادة ترتيب محتويات الغرفة؟
ج: مش بالظبط، أنا فقط طلبت منهم ينظفوا كويس، لكن أنا ومصطفى فقط رتبنا الأدراج بناءً على رغبة شاليمار.
س: لماذا طلبت منك شاليمار ترتيب الأدراج؟
ج: هي قالت لي إن في مجوهرات على التسريحة في غرفة النوم، وقالت لي أحطها في الأدراج عشان ما حدش ياخد باله، لكن ما رتبتش الأدراج بشكل كامل.
س: ماذا حدث بعد ذلك؟
ج: بعد ما خلصنا تنظيف الغرفة، مصطفى الملا خرج مع العمال وأنا خرجت وراه، ثم جبت الشيخ فواز عشان يدخل الغرفة ويقرأ فيها قرآن.
س: هل كان مصطفى الملا قد خرج من الغرفة قبلك؟
ج: نعم، خرج قبلني بحوالي ساعتين أو ثلاثة.
س: هل تركت الشقة بعد ذلك؟
ج: لا، ما سبتهاش، أنا كنت مع الشيخ فواز في كل مكان في الشقة.
س: ما قولك في شهادة مصطفى الملا بأنه تركك في الغرفة بمفردك؟
ج: الكلام ده مش صحيح، مصطفى نزل قبلني، وأنا كنت مع الشيخ فواز.
س: هل كان اليوم المحدد هو 26 يناير 2022؟
ج: مش متذكر بالضبط، لكن ممكن يكون اليوم ده.
س: هل خرجت من الشقة بعد دخولك إليها؟
ج: لا، ما سبت الشقة لحد ما أنا والشيخ فواز نزلنا مع بعض.
س: ما قولك في دفتر الدخول والخروج الذي سجل دخولك الساعة 8:30 مساءً في 26 يناير 2022؟
ج: مش متذكر، لكن إذا كان فيه تسجيل لده، ممكن نزلت أجيب حاجة من العربية أو أجيب الشيخ فواز.
س: هل قمت بالإبلاغ عن الواقعة للنيابة؟
ج: لا.
س: وهل كنت قد إيهامتها بأنك توجهت للنيابة؟
ج: لا، الكلام ده مافيش، أنا كنت رحت قسم الشرطة.
س: ماذا حدث بعد ذلك؟
ج: بعد كده، فضلنا ندور على اللي سرق المجوهرات، لكن ما وصلناش لحاجة وفي مرة، شاليمار طلبت مني أدور معاها في الشقة، لكن قلت لها لازم يكون حد معانا، وأقترحت عليها إن أجيب ولد اسمه عنتر يعمل عندي لأنه موثوق وأمين.
النيابة العامة استدعت عدة شهود، بما في ذلك موظفين من الأمن، وتطلب التأكد من التفاصيل المتعلقة بالتواريخ والمواقع المشار إليها في محاضر الأمن، بالإضافة إلى فحص الرسائل والتواصل بين المتهم والمجني عليها.
بناءً على التحقيقات، قررت النيابة العامة حبس المتهم أربعة أيام على ذمة التحقيقات مع ضرورة تجديد حبسه قانونياً، وأحيل إلى المحاكمة الجنائية، وتنظر غدا ثاني جلسات محاكمته.
المصدر: صدى البلد
كلمات دلالية: المخرج عمر زهران محاكمة المخرج عمر زهران سرقة مجوهرات شاليمار المزيد المزيد الشیخ فواز عمر زهران خالد یوسف شالیمار س تحدید ا طلبت من هل کان
إقرأ أيضاً:
هوريكم هيعمل فيكم إيه.. رسائل تهديد بصوت زوجة خالد يوسف لـ عمر زهران وهالة صدقي
تنظر محكمة جنح قسم الجيزة ثاني جلسات محاكمة المخرج عمر زهران في اتهامه بسرقة مجوهرات شاليمار الشربتلي زوجة المخرج السينمائي خالد يوسف.
وفجر محمد حمودة دفاع المخرج عمر زهران مفاجأة خلال تقديم طلباته أمام هيئة المحكمة وأصر حمودة على طلبه بتفريغ هاتفين محمولين ملك المتهم عمر زهران لاحتوائهما على تسجيلين صوتيين مرسلين إليه من شاليمار الشربتلي تتضمن تهديده فقام عمر بارسالها الى صديق له يدعى مهاب قائلا له:"بص يا مهاب الرسايل دي أنا بتهدد".
وأضاف الدفاع أن الرسائل دليل واضح على كيدية الاتهام والهاتف تضمن رسائل صوتية بتهديد هالة صدقي وعمر زهران قالت فيها شاليمار الشربتلي لهما:"هوريكم خالد يوسف هيعمل فيكم إيه"، وطلب محمد حمودة من هيئة المحكمة الاستماع للتسجيلات الصوتية مبديا ثقته في عدالة المحكمة ومطالبا القاضي بتحقيق الحق والعدل.
واستمعت المحكمة لطلبات محمد حمودة المحامي دفاع عمر زهران واعلن حمودة عن الادعاء مدنيا ضد شاليمار الشربتلي بمبلغ 3 ملايين جنيه وواحد وطلب استدعاء المجني عليها زوجة خالد يوسف واستدعاء المحاسب المالي الخاص بها لتواجده في الشقة مع عمر زهران باعتباره شاهد الاثبات في القضية ومواجهته بالمتهم.
وطلب الدفاع بالزام شاليمار الشربتلي بتقديم فواتير تثبت ملكيتها للمجوهرات التي ادعت سرقتها حتى يثبت الدفاع في حال تزويرها باتخاذ الاجراءات القانونية وطلب تفريغ الهاتفين المحمولين الخاصين بالمتهم المخرج عمر زكريا.
وفي الجلسة الماضية سرد المخرج عمر زهران تفاصيل بداية الأمر حيث قال المخرج: خالد يوسف قالي فيه مجوهرات كتير ضايعة من مراتي قلتله مراتك مهملة وكلنا عارفين كده وانت بتقول ان الحاجات دي كانت في شقة الفورسيزون دي شقة عبارة عن مخزن اكيد الحاجة دي ضايعة وسط الكركبة دور عليها كويس، واضاف: اتفاجئت ان شاليمار طلبت مني اروح ادور معاه رفضت وخالد يوسف كرر الطب رفضت للمرة الثانية مكنتش فاهم اصرارهم اني ادور معاهم على حاجات ضايعة في شقتهم الخاصة وروحت مرة دورت مع شاليمار ومعاها 2 شغالين معاها وساعتها خالد يوسف كان مصمم يعرف احنا دورنا فين بالظبط قلتله على كل الاماكن الا غرفة كانت مقفولة"
ساعة الملكة فريدة
قرر خالد يوسف إنه يدور في الغرفة دي بس أصر اني اروح ومش فاهم ليه وكلمني وانا بصلي الجمعة وبعد عدة اتصالات منه روحت وانا لابس جلابية الصلاة وبدأت أدور في الغرفة المقفولة لحد ما فتحت دولاب لقيت شنطة في وشي فتحناها كانت مليانة مجوهرات".
وأضاف المخرج: ولما شاليمار شافت الحاجات دي طلعت غير الحاجات اللي قالت اتسرقت يعني انا لو عايز اسرق حاجة ما الشنطة دي كانت ادامي وفيها ساعة الملكة فريدة اشترتها شاليمار من مزاد علني، وكمان شاليمار بتقول اني سرقت منها حاجات بـ 250 مليون جنيه ولما معرفتش ابيعها عشان هي حاجات غالية ونادرة رجعتلها حاجات بـ 200 مليون واحتفظت بمجوهرات بـ 50 مليون.. ووجه حديثه للقاضي قائلا: معلش يا فندم هو انا حمـ.ـار عشان اعمل كده ارجع حاجات سرقتها وافضح نفسي طيب ما كنت رميتها في النيل"
شعوذة وكوتشينة ودجل
وأكد المخرج الشهير قائلا:"كل الناس واصحابنا عارفين ان شاليمار الشربتلي ماشية ورا المشعوذين والدجالين وهي قالتلي ان واحدة مشعوذة فتحت الكوتشينة وقالتلها ان انا اللي سرقتها وكانت عايزاني افتح المندل وطلبت مني اجيب واحد مبروك يساعدنا في البحث عن مجوهراتها.. هو ده كلام يتهموني على اساسه واتحبس وانا راجل مريض قلب وسكر وعجوز كمان يعني اتحبس بسبب مشعوذة وراجل مبروك"
إدعاء بـ3 ملايين جنيه واستدعاء شاليمار الشربتلي.. تفاصيل مثيرة من جلسة محاكمة عمر زهران