حسبي الله ونعم الوكيل.. صديق عمر زهران يوجه رسالة لشاليمار الشربتلي.. فيديو
تاريخ النشر: 3rd, December 2024 GMT
شهدت محكمة جنوب الجيزة الكلية حضور أصدقاء المخرج عمر زهران في انتظار انعقاد ثاني جلسات محاكمته باتهامه بسرقة مجوهرات شاليمار الشربتلي زوجة المخرج خالد يوسف.
وقال المخرج عصام أبو غريب صديق المخرج عمر زهران لـ"صدى البلد" إن زهران قمة في الأدب والاخلاق والأمانة ولا يمكن أن يرتكب هذه الجريمة.
ووجه صديق عمر زهران رسالة الى شاليمار الشربتلي زوجة المخرج خالد يوسف قائلا: حسبي الله ونعم الوكيل فيكي ربنا هيظهر الحق.
وفي الجلسة الماضية سرد المخرج عمر زهران تفاصيل بداية الأمر حيث قال : خالد يوسف قالي فيه مجوهرات كتير ضايعة من مراتي قلتله مراتك مهملة وكلنا عارفين كده وأنت بتقول إن الحاجات دي كانت في شقة الفورسيزون دي شقة عبارة عن مخزن أكيد الحاجة دي ضايعة وسط الكركبة دور عليها كويس.
وأضاف: اتفاجئت ان شاليمار طلبت مني أروح أدور معاه رفضت وخالد يوسف كرر الطلب رفضت للمرة الثانية مكنتش فاهم إصرارهم إني أدور معاهم على حاجات ضايعة في شقتهم الخاصة وروحت مرة دورت مع شاليمار ومعاها 2 شغالين معاها وساعتها خالد يوسف كان مصمم يعرف احنا دورنا فين بالظبط قلتله على كل الأماكن إلا غرفة كانت مقفولة"
ساعة الملكة فريدة
وقرر خالد يوسف إنه يدور في الغرفة دي بس أصر إني أروح ومش فاهم ليه وكلمني وأنا بصلي الجمعة وبعد عدة اتصالات منه روحت وأنا لابس جلابية الصلاة وبدأت أدور في الغرفة المقفولة لحد ما فتحت دولاب لقيت شنطة في وشي فتحناها كانت مليانة مجوهرات".
وأضاف: ولما شاليمار شافت الحاجات دي طلعت غير الحاجات اللي قالت اتسرقت يعني أنا لو عايز أسرق حاجة ما الشنطة دي كانت قدامي وفيها ساعة الملكة فريدة اشترتها شاليمار من مزاد علني، وكمان شاليمار بتقول إني سرقت منها حاجات بـ 250 مليون جنيه ولما معرفتش ابيعها عشان هي حاجات غالية ونادرة رجعتلها حاجات بـ 200 مليون واحتفظت بمجوهرات بـ 50 مليون.. ووجه حديثه للقاضي قائلا: معلش يا فندم هو انا حمـ.ـار عشان اعمل كده ارجع حاجات سرقتها وافضح نفسي طيب ما كنت رميتها في النيل"
شعوذة وكوتشينة ودجل
وأكد المخرج الشهير قائلا:"كل الناس واصحابنا عارفين ان شاليمار الشربتلي ماشية ورا المشعوذين والدجالين وهي قالتلي إن واحدة مشعوذة فتحت الكوتشينة وقالتلها ان انا اللي سرقتها وكانت عايزاني افتح المندل وطلبت مني اجيب واحد مبروك يساعدنا في البحث عن مجوهراتها.. هو ده كلام يتهموني على اساسه واتحبس وانا راجل مريض قلب وسكر وعجوز كمان يعني اتحبس بسبب مشعوذة وراجل مبروك"
المصدر: صدى البلد
كلمات دلالية: المخرج عمر زهران محاكمة المخرج عمر زهران مجوهرات شاليمار المزيد المزيد شالیمار الشربتلی خالد یوسف عمر زهران
إقرأ أيضاً:
تكريم هلا رشدي في مهرجان حكاوي الدولي لفنون الطفل
أعربت الفنانة هلا رشدي عن سعادتها بتكريمها على هامش فعاليات مهرجان حكاوي الدولي لفنون الطفل.
وكشفت هلا رشدي في بيان صحفي لها عن حبها للأطفال وعن أمنيتها بتقديم أعمال فنية لهم.
وتحدثت هلا رشدي عن علاقتها بنجلها، قائلة: "معز بلاقيه ليه اهتمامات مختلفة عنده ماتش، عنده حاجة يتفرج عليها ويقولي لا مش هعرف أجي معاكي فأنا بردو بتحرك عشان أبقى أخف ومنتخانقش".
وتابعت: "وحاجة ممتعة جداً إنك تبقى شخص الأطفال اللي بتحبه وتتعلق بيه والأطفال تقلده وتسمع الكلام اللي هو بيقوله عشان كده باخد بالي أوي من الكلام اللي بيتقال عشان ميتلقطش كلمة يقلدوها يقولوها فبحاول بأقصى مايمكن إن أنا أركز".
وأضافت: "والأطفال في حياتي حاجة كبيرة ودلوقتي بقت غلاوتهم أكتر والمسؤولية عليت".
كما أوضحت عن عملها لألبوم خاص للأطفال، قائلة: "وأنا بالفعل شغالة في ألبوم للأطفال عشان هما يستاهلوا بصراحة ويستاهلوا يبقى عندهم أغاني زي ما إحنا كان عندنا أغاني حلوة زمان".
واستكملت: "إحساس الألبوم بيفكرنا إحنا بأيام حلوة، وإحساس الألبوم إن الواحد يسمع أغاني ورا بعض وإنك تقلب الشريط".
كما عبرت عن رأيها في ألبوم أحمد سعد، وقالت: "ألبوم أحمد سعد تحفة خطير أنا سمعت حاجات منه مسمعتهوش كله مفتقدني حلوة أوي وحبيبنا وفي حاجات كتير عجبتني".
وأردفت: "تامر عاشور لسه وهو أكيد مكسر الدنيا بس أنا لسه مسمعتهوش".
وعن مشاركتها في موسم رمضان المقبل، أوضحت: "أنا مش موجودة في مسلسل "الكابتن" بس إن شاء الله بإذن إحتمال وإن شاء الله خير، ويارب ينجح زي كل مرة، وده أكرم بردو لو قال الايفيه خلاص الموضوع بيخلص والمسلسل نجح ويكسر الدنيا".
واختتمت: "يارب دايماً أبقى عند حسن ظن الجمهور وإن شاء الله المرة الجاية أبقى بقدم حاجات أكتر وحاجات أحلى وحاجات تشرفهم تخليهم لما يكبروا إحس إن أنا عملت تاريخ حلو".
آخر أعمال هلا رشدييذكر أن آخر أعمال هلا رشدي كان طرحها أغنية "زنجباري"، والتي حققت نجاحاً كبيراً وقتها، وأغنية زنجباري من كلمات نوارة سعيد وألحان وتوزيع محمد قماح، وحضر الاحتفالية المنتج وائل غنيمي والفنان محمد قماح وابنها معز، واحتفلوا عيد ميلادها تزامنا مع نجاح الأغنية.
وعبرت هلا، عن سعادتها بهذا النجاح وأن ردود الأفعال حول الأغنية كانت قوية وأنها تعيش حال الأمهات وتشعر بهم دائما.
جامعة أسيوط تشهد محاضرة ”مفهوم وأبعاد الأمن القومي" ضمن دورة التربية العسكرية