> غريبة يا دُنيا العُملة والملاعب.. دِى العُملة عندنا دوارة.. شوية مكسب وشوية خسارة.. تسألوني: أيه مُناسبة الكلام ده يا كابتن كيكو؟! أجاوبكم :علشان لما ينزل فريقى «الجنيه الهرمى» و»الدولارالترمباوى» أرض المستطيل الأخضرلازم نفهم أن المباراة دِى مصيرية .. دِى مش مصيرية وبس.. دِى مباراة حاسمة على مستقبل فريق عُملة بلدنا !
> النهاردة شايف مُباراة حماسية وضربات قوية مُثيرة.
شواكيش ع التريند
> لو قُلت لك:3000 جنيه تكفى شهرياً؟- أكيد هتقولي: محتاجين كده بركة « الشيف الشربيني»!
> لو قُلت لك: قصة الغلاء وما فيها ؟!- أكيد هتقولي: اللى فيها 6000 جنيه ما يكفيها !
> لو قُلت لك: الأسعار رايحه على فين؟!- أكيد هتقولي: رايحة للسما ومش لاقيه حد ينزلها!
> لو قُلت لك: هل أكل اللحمة من الكماليات؟!- أكيد هتقولي: معلهش.. سألتك قبل ما تدبح!
> لو قُلت لك: الغلبان ديماً بيحلم بإيه؟!- أكيد هتقولي:100 جرام لحمة من» بيت اللوح»!
> لو قُلت لك: نصيحتك لما أركب مترو الغلاء ؟!- أكيد هتقولي: مش قادر تدفع «ما تركبش»!
> لو قُلت لك: الدولار بيجرى ورا إيه ؟!- أكيد هتقولي: ورا صاروخ الأسعار!
> لو قُلت لك: مصير الجنيه فى أسواق الغلاء؟!- أكيد هتقولي: ما يساويش على مفيش!
> لو قُلت لك: لما تروح أسواق الغلاء- أكيد هتقولي: بمشى أعمل «لايكات» على لهيب الأسعار!
> لو قُلت لك: سعر «العدس» فى شتاء الغلاء- أكيد هتقولي: اللى ميعرفش يقول « عطس»!
> لو قُلت لك: الحكومة تُطبق سعر «مرن « للدولار! أكيد هتقولي: يا سااااتر يا سااااتر !
> لو قُلت لك: مخضوض من رفع سعر الدولار!- أكيد هتقولي: هاتوله «طاسة الخضة»!
> لو قُلت لك: الدولار كسرحاجزالـ 50جنيه فى السوق السوداء؟!- أكيد هتقولي: يا نهارأخضر!
> لو قُلت لك: الدولار فوق صفيح ساخن!- أكيد هتقولي: يا نهار «تعويمى» وسخونته زيادة !
> لو قُلت لك: أحكى لى عن دولار الغلاء!- أكيد هتقولي: ما تحكيش ده الجنيه قُدامه ما يسويش!
> لو قُلت لك: نصيحة أيامنا الغابرة - أكيد هتقولي: منّ شاف زنقة «الدولار»هانت عليه زنقته!
> لو قُلت لك: علاقة «الهندزة» بالصحافة والإعلام؟ أكيد هتقولي: تظبيط مكن وتحسين صورة!
> لو قُلت لك: صاحب الصورة طِلع «باشمهندس» كورة!- أكيد هتقولي: ده لعيب الشو يا هندزه!
> لو قُلت لك: البيض التركى غزا الأسواق- أكيد هتقولي: يا بيض أبيض وصفاره مشمشى !
> لو قُلت لك: زيادة أسعار تطعيمات المسافرين! - أكيد هتقولي: يا مسافر وحدك.. وفايتنى!
> لو قُلت لك: تعليمك أهم من صحتك!! - أكيد هتقولي: يا وزير اللطف يا رب !
> لو قُلت لك: صرفت مرتبك من الــ ATM ؟- أكيد هتقولي: بلاش تحسدونى لما أسدد ديوني!
> لو قُلت لك: آخر صيحة فى عالم التسول؟!- أكيد هتقولي: «الشحات الآلي» ع الناصية !
> لو قُلت لك: أكبر عٌملة فى المتحف ؟- أكيد تقولى : مفيش غيره .. الجنيه الجبس !
> لو قُلت لك: شوفت الجنيه «المغسول» فى سوق الغلاء؟ - أكيد هتقولي: شوفته أكثر بياضا!
> لو قُلت لك: بلاش نتكلم عن دولار الماضي- أكيد هتقولي: كلامك « تعويم « ع الفاضي!
> لو قُلت لك: حكمتك هذا الأسبوع عالتريند- أكيد هتقولي: أتقى شر «الدولار» إذا غضب!
المصدر: بوابة الوفد
كلمات دلالية: محمد زكى الدولار تعويم
إقرأ أيضاً:
آخر تحديث لأسعار الدولار أمام الجنيه في تعاملات اليوم الإثنين
شهدت أسعار الدولار الأمريكي ارتفاعًا طفيفًا أمام الجنيه المصري خلال تعاملات اليوم الإثنين، حيث سجل متوسط سعر الصرف في البنك المركزي المصري 50.16 جنيه للشراء و50.29 جنيه للبيع.
وسجل الدولار في البنك الأهلي المصري وبنك مصر 50.17 جنيه للشراء و50.27 جنيه للبيع، بينما سجل في بنك القاهرة 50.18 جنيه للشراء و50.28 جنيه للبيع. وفي البنك التجاري الدولي (CIB) وبنك الإسكندرية، استقر عند 50.17 جنيه للشراء و50.27 جنيه للبيع.
أما مصرف أبو ظبي الإسلامي، فقد سجل 50.21 جنيه للشراء و50.30 جنيه للبيع، بينما جاء السعر في بنك قناة السويس عند 50.20 جنيه للشراء و50.30 جنيه للبيع. وسجل المصرف العربي الدولي 50.17 جنيه للشراء و50.27 جنيه للبيع، في حين كان أعلى سعر شراء في البنك العقاري المصري العربي عند 50.25 جنيه، وأعلى سعر بيع عند 50.35 جنيه.
وتشهد الأسواق حالة من الترقب مع استمرار التغيرات في أسعار الصرف، وسط توقعات بأن يظل الدولار متذبذبًا في ظل التطورات الاقتصادية العالمية والإقليمية.
حركة حماس ترفض التصريحات الأمريكية المتكررة عن تهجير الفلسطينيين