مروان بابلو يكشف سبب عدم تصدر أغانيه التريند

كشف مغني الراب مروان بابلو، عن سبب عدم تصدر أغانيه الأخيرة  التريند وحقيقة تسريب بعض أغانيه.

ووجه "بابلو"، رسالة مطولة لجمهوره عبر ستوري على الإنستجرام كشف فيها عن الأسباب الحقيقية خلف عدم تصدر أغانيه "التريند".

وأكد في رسالته على تقديره لغيره وجمهوره "رسالة لجمهوري العزيز اللي أنا من غيره ولا حاجة، أنا مقدر الغيرة على إن إحنا مخدناش التريند كله مع إننا نستحقها، بس واجب التنويه.

أغلب ما تروه في التريند و أي بلاي ليست فـ ما هو إلا عبارة عن خانات بتكون محجوزة من قبلها بفترة معينة".

وأضاف بابلو "الأغاني مش في التريند كلها مع إن في أغاني جاية أكتر من اللي في التريند بس مش موجودة عشان في حاجة اسمها دعم بتقدمه بعض المنصات إنها تودي التراك لناس أكتر".

وتابع مروان بابلو "بس لازم تكون مقدم الأغنية من بدري و دا إحنا معملنهوش ولما قدمت مزيكا بدري قبل كدا ولازم بعد كدا و ننزل بدون سابق إنذار".

واختتم بابلو رسالته بالتعبير عن فخره بتعاونه مع فنانين عالميين :"آخر حاجة أنا فخور جدًا جدًا بالتعاون دا، أنا فان لابيو من زمان و مبسوط إننا زدنا الحدود للمجال زي ما دايمًا بنعمل".

وكان مغني الراب مروان بابلو حل ضيفا على برنامج AB talks مع أنس بوخش للحديث عن حياته الشخصية وتفاصيله.

ووصف مروان بابلو نفسه بأنه مراية للمجتمع الذي خرج منه والمحيط به، على قدر كاف من التعليم، وهو شخص هادئ ولكن بداخله الكثير من الزحمة في التفكير.

وكشف مروان بابلو سر اسمه، وقال إنه كان يحب الرسم في صغره وموهوب جدا، وأطلق عليه اسم “بيكاسو”، أسوة بالفنان الشهير “بابلو بيكاسو

يذكر ان مروان بابلو قد عاد بألبوم جديد “آخر قطعة فنية”، والذي يتضمن 12 أغنية متنوعة .

المصدر: صدى البلد