في حفل خاص بأمريكا.. زفاف ثراء جبيل ومختار الدينارى

أثارت الفنانة ثراء جبيل حالة من الجدل الواسع بعد إقامة حفل زفافها أمس بأمريكا وذلك بعيدا عن الأضواء والإعلام. 

واقتصر الحضور على مجموعة على مجموعة من الأصدقاء والمقربين إلى جانب حضور المخرج مجدى الهوارى وزوجته التى قامت بنشر مجموعة من الصور الخاصة بالحفل عبر انستجرام. 

وتصدرت ثراء جبيل تريند حوجل بعد إعلان زفافها على الممثل مختار الدينارى بعد عام على عقد قرانهما.

 

وظهرت ثراء جبيل في فيديو وهي تقول وعود الزواج لمختار الديناري وقالت: "مختار، عايزة أقولك إني بعيش أجمل أيام حياتي وعرفت معنى الحب، وعرفت أن أجمل حاجة في الدنيا أن يبقى معاك حد أنتيمك وصاحبك وفي ضهرك وزوج حنين وبني آدم جميل وطموح ودايما مع بعض يارب ناجحين ودايما في أعلى نقطة في العالم".

فيما قال مختار الديناري: "شكرا أنكم جيتوا النهاردة لينا دا حدث جميل بصراحة أنا عمري ما تخيلت إني هتجوز بس الجميل أنك لما تلاقي حد قلبه على قلبك وفي ضهرك وبيكمل حاجات فعلا مش موجودة عندك، مش زيك مختلف عنك لكن أنتوا الاتنين بتكملوا صورة حلوة، أنا بحب ثراء جدا عشان معاها لقيت حاجة حلوة بمعنى أنك عندك طاقة تصحى كل يوم الصبح تعمل حاجات ممكن تكون بتحبها وممكن تكون مش بتحبها معندكش مشكلة تتكيف مع أي ظروف تتحط فيها بس عشان خاطر أن في حد بيشوفك بعيون حلوة وتفضل محافظ عليه، والأجمل من أي حاجة مع ثراء لقيت عيلتي ودا أجمل من أنك بتحب شخص بس، عرفت معنى العيلة والانتماء وأن يبقى عندك أهل بتحب تشتغل وتعمل حاجات كتيرة عشان يشوفوك بعين حلوة".

المصدر: صدى البلد