"نفسي فيهم يارب .. ادعولي" | هكذا عبرت سالي عبدالسلام عن حزنها بخسارة توأمها
تاريخ النشر: 28th, November 2024 GMT
حالة من الحزن شهدتها منصات التواصل الاجتماعي عقب إعلان الإعلامية سالي عبدالسلام خسارة توأمها بعد انتظار طال سنوات.
أعلنت سالي عبدالسلام ، خسارة توأمها من خلال منشور عبر حسابها بموقع التواصل الاجتماعي “فيس بوك”، تضمن كلمات من الحزن، وكتبت:" قدر الله وماشاء فعل من كام يوم، وده بعد سنتين انتظار التوأم اللى كان نفسى فيهم أوى يا رب".
أضافت “سالي”:" سنتين صبر وانت مفيش قدامك غير الصبر زى اى رزق والحمدلله ان اختبارى كان فى الصبر وبس مش أكتر وكنت طالباها تيجى من عند ربنا خالص ومن غير تدخل دكاترة ".
تابعت سالي عبدالسلام حديثها عن الفقد، قائلة:" الحمدلله على نعمة الأخد بعد العطاء، يا رب
فقدت اغلى ما ليا، واللى كان هيكون ليا، الحمدلله.. قدرى الحمدلله ".
وحرصت سالي عبدالسلام على معاتبة الذين انتقدوا تأخر حملها، وكتبت:" انا بكتب الكلام ده عشان يمكن حد يتعلم، كل حد قالى وقال عليا مش عايزة تخلف عشان خايفة على جسمها وشغلها، وكانت أوحش حاجة سمعتها فى حياتى
(وهم لا يعلمون شيئاً)".
واستكملت:" عشان كل حد بيضغط على اللى قدامه وفاكر إنه حقه وده لا يحق له عشان المفروض انه قريب أو معتبر نفسه كدة ومش من اهله اصلاً ولا يحق له و يحسسهم ان وراهم تارجت يا اما هيكون منبوذ منهم وهنسود عيشتك بسؤالنا كل شهر ونضغط عليك مع انهم مش هيشيلوا اصلا و محدش هيشيل غيرك، وهم لا يعلمون شيئاً ".
وتحدثت سالي عبدالسلام عن الحسد، قائلة:" اوعى تقولى إنك حامل وخافى من العين واى كلام فى الموضوع ده بالذات !!!اهه مقولتش وبرضه محصلش ومع احترامى ليهم العرسة بتخلف ده مش انجاز (وهم لا يعلمون شيئاً )".
ووجهت الإعلامية، نصائح للسيدات، قائلة:" عشان كل ست اوعى تبقى ب ١٠٠ ست و تشيلى مسؤولية كل حاجة لوحدك "لوحدك".. الست الجدعة بجد مبتاخدش حاجة.. الست الجدعة محدش بيساعدها و كله بيرمى عليها وكمان لما منعرفش نبقى زيها نعطلها او نقلل منها وبمعنى اصح نبقى سبب فى سقوط كل حاجة فيها مش اطفالها بس ! يا ريتنى قولت مبعرفش او مش هقدر عشان موصلش لكدة! (وهم لا يعلمون شيئاً)".
واختتمت سالي عبدالسلام حديثها، معربة عن مدى حزنها من خسارة توأمها، وقالت:" كلنا تعبنا وبنتعب ومحدش بيحس ومحدش طلب منك تحس بس الرحمة ... الرحمة .. كل اللى كتبت عنهم بينى و بينكم الله... انا لله وانا اليه راجعون.. ادعولى كتير .. راضية و الحمدلله بس بنهار وانا بصلى ومش بطلب غير الثبات من ربنا، بس ليا بيتين فى الجنة .. اخترت الاخرة و الابقى يا الله ".
وكانت احتفلت سالى عبد السلام بحفل زفافها على مؤمن سالم الباز، شهر أكتوبر عام 2022 بحضور عدد كبير من نجوم الفن والأصدقاء والأقارب .
وحرصت على قضاء شهر العسل في الحرم المكي، إذ ذهبت برفقة زوجها مؤمن إلى المملكة العربية السعودية لأداء مناسك العمرة ، وشاركت جمهورها هذه اللحظات، معلقة:" اللهم تقبل يا رب اللهم آمين .. بسم الله نبدأها بطاعة الله".
وأضافت سالي عبدالسلام: "تعبنا وريحنا فى النص وهلكانين بس الحمدلله، تشدنى على الطاعة واشدك يا حبييى طول العمر لحد ما كفة الاخرة تكسب و ده جهاد .. اللهم بارك".
وأنهت "عبدالسلام" حديثها: "ربى يسعدك يا طيب، اللهم تقبل اللهم بارك، بنت سعودية اسمها سارة عندها ١٢ سنة بقيت صاحبتنا و صورتنا".
المصدر: بوابة الوفد
كلمات دلالية: سالي عبدالسلام سالي عبد السلام الفن بوابة الوفد سالی عبدالسلام
إقرأ أيضاً:
الجيش الإسرائيلي يعلن إسقاط مسيرة تحمل أسلحة عبرت من مصر
أعلن الجيش الإسرائيلي أنه أسقط، يوم الأربعاء، مسيرة تحمل أسلحة عبرت من مصر إلى الأراضي الإسرائيلية.
وقال بيان للجيش إن المسيرة كانت تحمل أربع بنادق وخمس خراطيش ومئات الرصاص.
وأوضح أنه جرى تحويل الأسلحة والذخائر إلى القوات الأمنية لإجراء المزيد من التحقيقات.
اتفاقيات تعاون للصحة لتقديم خدمات صحية أفضل للمواطنين