رسالة من سالي عبدالسلام بعد فقدان توأمها: احذروا الحسد
تاريخ النشر: 28th, November 2024 GMT
أعلنت الإعلامية سالي عبدالسلام عبر حسابها بموقع تبادل الفيديوهات والصور انستجرام فقد توأمها.
وكتب سالي عبدالسلام قائلة: قدر الله وما شاء فعل، من كام يوم وده بعد سنتين انتظار التؤام اللي كان نفسي فيهم أوي يا رب.. سنتين صبر وانت مفيش قدامك غير الصبر زي أي رزق والحمدلله أن اختباري كان في الصبر وبس مش أكتر، وكنت طالباها تيجى من عند ربنا خالص ومن غير تدخل دكاترة.
عرض هذا المنشور على Instagram
تمت مشاركة منشور بواسطة Sally Abdalsalam (@sallyabdalsalam)
سالي عبدالسلام تطالب السيدات بالحذر والكتمانأضافت عبدالسلام: «كل حد قالي وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها في حياتي، وهم لا يعلمون شيئاً، عشان كل حد بيضغط على اللي قدامه وفاكر انه حقه وده لا يحق له عشان المفروض انه قريب أو معتبر نفسه كدة، ومش من أهله اصلاً ولا يحق له، ويحسسهم أن وراهم تارجت يا إما هيكون منبوذ منهم وهنسود عيشتك بسؤالنا كل شهر ونضغط عليك مع أنهم مش هيشيلوا أصلا ومحدش هيشيل غيرك.. وهم لا يعلمون شيئاً».
وتابعت: «اوعى تقولي انك حامل وخافي من العين واي كلام في الموضوع ده بالذات !!!اهه مقولتش وبرضه محصلش ومع احترامي ليهم العرسة بتخلف ده مش انجاز ... وهم لا يعلمون شيئاً، عشان كل ست اوعي تبقي بـ 100 ست و تشيلى مسؤولية كل حاجة لوحدك "لوحدك".. الست الجدعة بجد مبتاخدش حاجة.. الست الجدعة محدش بيساعدها وكله بيرمى عليها وكمان لما منعرفش نبقى زيها نعطلها أو نقلل منها وبمعنى أصح نبقى سبب في سقوط كل حاجة فيها مش أطفالها بس ! يا ريتني قولت مبعرفش أو مش هقدر عشان موصلش لكدة».
واختتمت: «كلنا تعبنا وبنتعب ومحدش بيحس ومحدش طلب منك تحس بس الرحمة... الرحمة، كل اللي كتبت عنهم بيني وبينكم الله...إنا لله وإنا إليه راجعون.. ادعولى كتير .. راضية والحمد لله، بس بنهار وأنا بصلي ومش بطلب غير الثبات من ربنا، بس ليا بيتين في الجنة.. اخترت الأخرة والأبقى يا الله».
المصدر: الوطن
كلمات دلالية: سالي عبدالسلام أنستجرام سالی عبدالسلام
إقرأ أيضاً:
بعد وفاته.. تفاصيل أول لقاء بين نشوى مصطفى وزوجها محمد عماد «صور»
وفاة زوج نشوى مصطفى.. بعد زواج استمر لأكثر من 30 عاما، رحل عن عالمنا زوج الفنانة نشوى مصطفى في صمت دون الكشف عن تفاصيل الوفاة بعد أن جمعتهما علاقة زواج وحب استمرت لسنوات طويلة.
تفاصيل زواج نشوى مصطفى ومحمد عمادوكان اللقاء الأول بين نشوى مصطفى وزوجها محمد عماد عقب عودته من أمريكا، حيث رغبت عائلته في زواجه، وقاموا بترشيح نشوى مصطفى له ولكن بخطة معينة، حيث كانت شقيقته صديقة مقربة لشقيقتها، ومن ثم قاموا بدعوتها لعيد ميلاد منظم ولكنها رفضت في البداية، ليخبروها بالحقيقة أن ذلك العيد ميلاد لكي ترى شقيقها.
وبحسب تصريحات تلفزيونية، تابعت نشوى مصطفى: «لما شاهدت عماد، أنا اللي خطبته، هو كان عايش في أمريكا، ومامته كانت عايزة تزوجه واحدة مصرية علشان تجيبه مصر، وأنا كنت كبيرة أخواتي، وكنت مثلت في مسلسلات مثل ضمير أبلة حكمت».
وأضافت: «أختي وأخت عماد كانوا زملاء في الجامعة، وكان هو نازل من أمريكا، فعملوا كأن في عيد ميلاد، وتواصلت معاهم وقلت لهم مش هاجي عيد الميلاد، فاتصلت أخته بيا وقالت لي إحنا أجلنا عيد الميلاد عشان خاطرك».
وتابعت: «قلت لها ازاي، قالت لي: عيد الميلاد كان حركة عشان عماد يشوفك، فقررت إني أروح لهم البيت وفضلت منتظراه لمدة ربع ساعة».
واردفت: «دخلت له الأوضة وقلت له أنا منتظراك بقالي ربع ساعة والمفروض تيجي تشوفني لأن أنا اللي جايبني عشان تتفرج عليها، اتصدم من كلامي وهو كان متأخر عليا عشان بيشوف ماتش الزمالك».
كما واصلت: «من ساعة ما شوفته وحصل قبول بينا في أشياء كثيرة وبعدها حصل الزواج وكنت المفروض أسافر معاه أمريكا».
وفاة زوج نشوى مصطفىوأعلنت الفنانة نشوى مصطفى، وفاة زوجها محمد عماد، عبر صفحتها على موقع التواصل الاجتماعي «فيس بوك»، دون الكشف عن تفاصيل الوفاة.
كما طالبت نشوى مصطفى عبر صفحتها من الجميع حضور جنازة زوجها، قائلة: «اللي بيحب ربنا يجى يصلى صلاة الجنازة على زوجى ونور عينى وحبيبى وسترى وأبو ولادى».
وتابعت نشوى مصطفى: «تعالو والنبى مسجد حسن الشربتلى صلاة الضهر، ابوس ايديكم عايزة ناس كتير تيجى والنبى، اللّه يراضيكم تعالو كلكم، ادعو له بالرحمة وادعولى أنا وولاده بالصبر والثبات، مسجد حسن الشربتلى التجمع الخامس، حتلاقوه على جوجل ماب».
اقرأ أيضاً«مش قادرة تقف».. انهيار نشوى مصطفى في جنازة زوجها بالتجمع الخامس (صور)
نشوى مصطفى توجه رسالة خاصة لأصدقائها بعد تعرضها لوعكة صحية «صورة»
«لا داعي للانتظار».. نشوى مصطفى تكشف سبب تفكيرها في اعتزال الفن
فيديو يوثق لحظة هروب مدير منظمة الصحة العالمية من مطار صنعاء أثناء القصف الإسرائيلي