رامي صبري يحسم موقفه من ويجز.. وتامر حسين يتدخل
تاريخ النشر: 27th, November 2024 GMT
أعرب الفنان رامي صبري عن سعادته بمنشور الشاعر الغنائي تامر حسين، بعد إشادته له بصوته ونجاحه، كما حسم موقفه من مغني الراب الشهير ويجز وذلك عبر حسابه الرسمي عبر موقع التواصل الاجتماعي الشهير “فيسبوك”
علق رامي صبري على إشادة تامر حسين، قائلًا" حبيبي تامر حسين الشاعر الكبير العظيم شكرا علي كلامك الجميل اللي زيك"
وحسم موقفه من خلافه مع ويجز، قائلًا "ويجز أخويا الصغير وانا مسامحه وحصل خير".
كان قد صرح رامي صبري في برنامج حبر سري للإعلامية أسما إبراهيم، "ويجز زعلان مني ومش عارف ليه أنا قلت إني مش بفهم كلامه ودي حقيقة بس قلت عليه إنه بيعمل مزيكا حلوة ومجتهد».لكنه سعيد بنجاح ويجز واجتهاده.
فجاء رد ويجز، قائلًا: "هتكلم على فنان فاكر أنه عنده صلاحية يطلع يتكلم في أي وقت على أي حد والناس تسمع وتسكت، الفنان دا اسمه رامي، رامي دا بقى كل لما يقعد 5 شهور يزهق يطلع يتكلم في التليفزيون على بتوع الراب والهيب هوب وكده، طيب أنت بتتكلم أمتى عن بتوت البوب اللي أنت منهم، على فنك ومجالك وكده".
وأضاف: "أنا شايف أنك مبتفهمش في الراب دا حاجة ولا بتفهم الكلام بتاعه زي ما أنت قلت قبل كده فمش هتعرف تعمله أنا راجل مثلا لو لقيت واحد بيعرف يسوق عجلة وأنا مبعرفش بحترمه ليه عشان هو عمل حاجة غير اللي أنا عملتها اشتغل على نفسه في حاجة أنا مشتغلتش على نفسي فيها فأنت مبتقدرش الفنانين دول شايفهم بيحاولوا يوصلوا لليفل أنت فيه في حين أنهم معدينك أنت مش رقم 2 يا رامي أنت رقم 19 مثلا، أنت بعيد أوي، جماعة استنوا أغنيتي الجديدة إن شاء الله يوم 27 أغنية مش هقولكم هي عبارة عن إيه أستاذ رامي بقى ممكن يقولنا ويشرحلنا الأغنية عبارة عن إيه لو فهم".
المصدر: بوابة الوفد
كلمات دلالية: تامر حسين رامي صبري ويجز رامی صبری
إقرأ أيضاً:
تامر حسني يرد على إشادة رامي صبري: «أنت صاحب عمر وصوت عظيم»
رد الفنان تامر حسني عبر حسابه بموقع تبادل الفيديوهات والصور «إنستجرام»، على إشادة صديقه المطرب رامي صبري بعد تعاونهما معًا في «ديو» فيديو كليب جديد بعنوان «مبيتنسيش»، سيطرح قريبًا.
وكتب تامر حسني: «حبيبي يا رامي إنت قبل ما تكون نجم كبير ومُهم إنت صاحبي من أيام الطفولة ودي حاجات الناس متعرفهاش ويمكن مكنش في فُرصة نحكي ده قبل كده.. إنت يا رامي صاحب عُمر ومشوار مشيناه من الطفولة وأنا في الصورة ماسك المايك لأخويا ولصوت مصري عظيم يستحق».
أضاف تامر: «شُكرًا يا حبيبي على كلامك الغالي اللي من القلب أنا فعلًا اشتغلت معاك من كل قلبي وبكُل حرص علينا إحنا الاتنين بكُل التفاصيل بدافع الحُب والصداقة وإن ربنا يكرمنا مع بعض، أعتقد إن التعاون ده هيحمس كُل جيلنا إنه يعمل أفكار مشاركة كدة وأنا بنادي بيها من زمان من أيام تامر وشيرين وبعدها تامر وبهاء في أغنية قوم أقف وأنا وإنت بعدها إتكلمنا من سنين عشان نجمع البعض من جيلنا وعملنا المستحيل و للأسف معرفناش فقولنا نبدأ بنفسنا عشان نحمس الكُل».
واختتم قائلا: «حقيقي جمهورنا يستاهل مننا كُل الجديد وكل المُفاجآت اللي تفرحه والمطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم انتظروا كليب فعلًا مبيتنسيش بيني وبين أخويا النجم الكبير رامي صبري باشا».
كان رامي نشر صورة تجمعه بتامر حسني، عبر حسابه الرسمي بموقع التواصل الاجتماعي «فيسبوك»، وكتب: «أنا بشوف الصورة دي بشكل تاني خالص، أولاً تامر فنان أخ غالي ومحترم وواثق في نفسه، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده».
أغنية «مبيتنسيش»، غناء تامر حسني ورامي صبري، كلمات عمرو تيام، وألحان شادي حسن، توزيع مكس وماستر طارق توكل، وتريات تامر غنيم، جيتار أحمد حسين.
موعد مباراة البحرين ضد اليمن في خليجي 26 والقنوات الناقلة