بعد انتقادات رامي صبري.. فيفي عبده تدعم ويجز على طريقتها الخاصة
تاريخ النشر: 26th, November 2024 GMT
نشر مطرب الراب ويجز، خلال الساعات الماضية، مقطع فيديو عبر حساباته الرسمية بمواقع التواصل الاجتماعي، شن من خلاله هجوما كبيرا على المطرب رامي صبري، بعد تصريحات الأخير التلفزيونية عن رأيه في مؤدي المهرجانات ومطربي الراب، ونفي إمكانية أدائه لتلك الأغاني، مع تشديده على أن مؤدي المهرجانات من بيئة مختلفة وأغانيهم لا تعبر عن جموع الجمهور، قائلا: «هما جايين من تحت أوي».
وفي تلك الأجواء المشتعلة، روجت الفنانة فيفي عبده، لأغنيتها الجديدة مع ويجز، التي تظهر معه خلالها، والمقرر طرحها في الفترة القليلة المقبلة، كنوع من الدعم للفنان.
وتأتي أغنية فيفي عبده مع ويجز تحت عنوان «أنا»، وهو التعاون الأول لها مع المطرب ويجز؛ إذ تظهر معه على غلاف الأغنية حسبما أوضحت من خلال بث مباشر من خلال حسابها بموقع التواصل الاجتماعي تيك توك، قائلة: «استنو الأغنية بتاع ويجز الجديدة أنا.. أنا بحب ويجز وهظهر معاه على غلاف الأغنية».
يذكر أن فيفي عبده شاركت في وقت سابق بأغنية سكاكر السكر مع المطرب اللبناني رامي عياش عام 2019، وخطفت الأجواء حينها برشاقتها ورقصها خلال الفيديو كليب، وهي من ألحان عمرو الشاذلي، وكلمات خالد فرناس، وتوزيع محمد شفيق، وتحت إشراف شركة مزيكا.
المصدر: الوطن
كلمات دلالية: فيفي عبده أغنية ويجز رامي صبري ويجز ورامي صبري فیفی عبده مع ویجز
إقرأ أيضاً:
بسبب ويجز.. زوجة رامي صبري تتصدر التريند
تصدرت شيرين عادل، زوجة الفنان رامي صبري محركات البحث جوجل خلال الساعات الماضية، وذلك بعدما شاركت عبر حسابها علي موقع انستجرام، جزء،من حديث رامي علي مطربي الراب وقامت بالرد علي الهجوم الكبير الذي قام به ويجز على زوجها بعد تصريحاته الأخيرة في أحد البرامج التليفزيونية.
زوجة رامي صبري تتصدر التريندوعلقت شيرين: "ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولًا رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش".
زوجة رامي صبري ترد علي هجوم ويجز علي زوجهاواضافت شيرين: "ثانيا رامي صبري ده يا حضرت فنان من أهم الفنانين في الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع ٥ شهور فاضى يا ريت كنا نتمنى، أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم ١٩ مع الأسف الشديد لازم أقول لحضرتك تبقى أنت مش موجود على الخريطة من الأساس".
واختتمت شيرين: "أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيرًا لما تحب تعمل دعاية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك".
ويجز يهاجم رامي صبريوالجدير بالذكر ان مغني الراب ويجز قد هاجم رامي صبري، بعد تصريحات الاخير عن مطربي الراب، خلال لقائه ببرنامج «حبر سري» أمس الجمعة، الذي تقدمه الإعلامية أسما إبراهيم، بشأن عدم فهمه لكلمات أغنياته، وظهر ويجز خلال ستوري عبر حسابه بموقع «إنستجرام»، قائلًا: «هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت»
واضاف ويجز: « الفنان دا اسمه رامي والفنان دا كل ما بيقعد من 4 لـ 5 شهور ويزهق ويطلع يتكلم على بتوع الراب في التليفزيون، هتتكلم امتى على بتوع البوب اللى أنت منهم واللى في مجالك، أنا شايف إنك مبتفهمش في الراب حاجة زى ما أنت قولت قبل كدة ومش هتعرف تعمله وأنت كده مبتقدرش الفنانين وفاكر إن هما عايزين يوصلولك وهما أصلًا معدينك بكتير أنت رقم 19 يا رامي أنت بعيد أوي».
الاتحاد يعسكر في دبي