بالمصرى .. قعدات النميمة فى الأفراح والليالى الملاح
تاريخ النشر: 25th, November 2024 GMT
تابع أحدث الأخبار عبر تطبيق
كلنا لما بيكون عندنا فرح بنهتم قوى حانلبس إيه، ونعمل شعرنا إزاى، ومين معزوم فى الفرح شاف لبسنا ده فى مناسبة قبل كده؟ ونجهز بقى ونبقى على سنجة عشرة ونروح ونبتدى السلامات.
هاى حبيبتى شكلك النهارده زى القمر.. مرسيه ياروحى وانتى فستانك بجنن ولونه حلو قوى عليكى.. خسيتى ماشاء الله عملتى إيه يا مجرمة؟.
إيه ده هى شهيرة اللى قاعدة على الترابيزة اللى هناك دي؟.. أيوه.. ومين اللى معاها دول؟.. ده رجل الأعمال أحمد عيسى ودى مراته.. شايفة الخاتم اللى فى إيديها؟ ده مايقلش عن خمسة قراط والكوليه اللى لابساه ده كل حجره فيه بتاعة نص قيراط.. أيوه ماهو منغنغها.. هى كده مابتقعش غير واقفة.. ده كاتبلها بيت الساحل اللى بعشرة مليون وعمارة الدقى وشاليه السخنة وشقة فى الجونة وكل سنة بيغيرلها عربيتها بالموديل الجديد.. ماهى علشان كده لازقة فيه ومش مدياله فرصة يتنفس.
إيه ده؟ مش دى سوسو اللى قاعدة هناك دي؟.. أيوه.. هى مال شكلها اتغير كده؟.. من كتر عمليات التجميل.. بس لون شعرها غريب قوى.. آه ماهى كل شوية تعمل لون ولوك جديد.. بس مش لايق عليها خالص ومخلى لون وشها باهت ومعجزها.. لا ونافخة خدودها قوي ومبيضة أسنانها وعاملة شفط وحاقنة شفايفها.. استنى دى جاية علينا.. هاااى ازيكوا يا بنات؟.. هاااى سوسو إيه القمر ده؟.. انتو اللى قمرات يا حياتي.. لا بجد شكلك قمر ولون شعرك يجنن ده انتى صغرانة ٢٠ سنة.. حبايب قلبى.. قوليلنا بقى عاملة إيه مخليكى قمر كده؟.. ولا حاجه والله أنا بس بروح الجيم وبمشى عندى فى الكومباوند ساعة كل يوم.. فارق معاكى قوى ياروحى ده إحنا قاعدين نعاكس ونقول مين القمر دي؟.
ايه ده مش اللى هناك دى وفاء؟.. أيوه.. هى اتحجبت؟.. أيوه.. شكلها كبر قوى فى السن ومالها لابسة وحش كده؟.. مسكينة جوزها مطلع عينها واتجوز عليها السكرتيرة بتاعته.. ياعينى وهى من وقتها بقى بتروح للشيخة شوشو فى مصر الجديده بتاخد دروس دين علشان تصبر على الإبتلاء.
ايه ده العروسة جات اهي.. فستانها عاملاه هنا فى مصر ودافعة فيه ٢٥٠ ألف جنيه.. لا ياروحى ده من لبنان.. بس مش لايق عليها ومتختها ومكايجها أوڤر قوى.. والعريس ماله محفلط كده واقصر منها.. هما حايقضوا شهر العسل فين؟.. حايروحوا فار ايست.. وحايسكنوا فين؟.. عند حماها بانيلهم دور فى ڤيلته بس شكل مامته مش حاباها وحاتعملهم مشاكل.. ايوه علشان كانت عنيها على بنت صاحبتها والولد رفض.. و...!
وتستمر حالة النم على خلق الله من المعازيم حتى يعلنوا عن البوفيه.. وساعة البطون تتوه العقول وننسى دايت البروكلى والاناناس والديتوكس والچيم وتتملى الأطباق من ما لذ وطاب، وقال إيه النهارده بالصدفة اليوم الفرى فى الدايت!. وبعد البوفيه يبتدى النم على أصناف الأكل والفيليه اللى مش مستوى والمحشى اللى خلطته ناقصها ملح.
ونقوم ونشفط بطننا وناخد صورة مع العروسة والعريس وبكل بجاحة ونفاق نتمنالهم السعادة ونعمل بوز البطة علشان الصورة تطلع حلوة ونروح بيوتنا ونفضل أسبوع ننم فى التليفون على نفر نفر، وكأننا لو مانمنيناش مش حاننام هاديين مع إن لو كل واحد فهم أن من نم لك بالتأكيد حاينم عليك، كان حط لسانه جوه بوقه وبطل لت. ولو كل واحد خلاه فى حاله وركز فى نفسه وشغل نفسه بتطوير ذاته الدنيا حاتبقى بالتأكيد أفضل.. وكفانا الله وإياكم شر النم والنمامين قولوا آمين.
*فنانة حاصلة على دكتوراة فى الغناء الأوبرالى
المصدر: البوابة نيوز
إقرأ أيضاً:
ميزات بـ«آيفون 16» لم تخبرك عنها آبل.. تعرَّف عليها!
شعر الكثير من المستخدمين بخيبة أمل بخيبة أمل بسبب عدم وجود اختلاف في جهاز آيفون 16 عن الأجهزة السابقة، مع العلم أنه يوجد العديد من المميزات والتحديثات التي حصل عليها الجهاز قد تكون غير معروفة للمستحدمين.
من أبرز المسرات في آيفون 16، زر إجراء قابل للتخصيص، بالإضافة إلى تفاصيل أصغر يقول عشاق آيفون إنهم كانوا انتظرونها 17 عاماً.
عندما تلقي نظرة فاحصة، تجد أن هناك 4 ميزات خفية ستغير قواعد اللعبة.
سرعة “الواي فاي”
لا يوجد شيء أسوأ من بطء “الواي فاي”، لكن، هنالك معياراً جديداً يُعرف باسم “واي فاي 7″، وهو أسرع بخمس مرات من الجيل الحالي من الإنترنت اللاسلكي.
وفي الأساس، تتمكن الأجهزة التي تدعم “واي فاي 7” من نقل المزيد من البيانات في وقت أقل.
وفيما لم يتبنَ الكثير من الأجهزة “واي فاي7” حتى الآن، مع ذلك، تم تجهيز جميع أجهزة آيفون 16 الأربعة الجديدة للتعامل مع معيار واي فاي الجديد.
زر الإيقاف المؤقت
هذا شيء كان مستخدمو آيفون يبحثون عنه لفترة من الوقت، في حين أن مستخدمي أندرويد لديهم هذه الميزة لسنوات.
ويسمح هذا للمستخدمين بتسجيل عدة لقطات فيديو في مقطع واحد، بدلاً من إيقاف وتشغيل مقطع فيديو جديد في كل مرة، لتحصل في النهاية على عدة مقاطع منفصلة.
شاشة أقوى
يأتي “آيفون 16” مع إصدار جديد من “Ceramic Shield”، وهو مزيج من مادة الزجاج والسيراميك. وفقاً لشركة أبل، فإن هذا أقوى بنسبة 50 % من الحماية الموجودة في الأجيال السابقة.
ليس هذا فحسب، بل إنه أقوى مرتين من الزجاج الموجود في أي هاتف ذكي آخر. لكن على الرغم من ذلك، قد ترغب بشراء حافظة هاتف وواقي شاشة.
سرعة الشحن اللاسلكي
وعززت أبل سرعة شواحن “MagSafe” اللاسلكية حتى تتمكن طرازات آيفون من الشحن بما يصل إلى 25 وات، أي أسرع بـ 10 وات من معيار الشحن اللاسلكي Qi2 القياسي.
ومع ذلك، سيتعين عليك شراء الإصدار الجديد من الشواحن للاستفادة من هذه الامتيازات.
فريدة سيف النصر: الست لو عدت الـ 60 سنة من حقها تقلع الحجاب شرعًا