أزمة جديدة لويجز بطلتها زوجة رامي صبري
تاريخ النشر: 25th, November 2024 GMT
انتشرت حالة من الجدل عبر مواقع التواصل الاجتماعي خلال الساعات الماضية، بعد تصريحات الفنان رامي صبري عن مغنين الراب، إذ اتنتقد بشكل شخصي المطربان "ويجز" و"توليت"، وذلك خلال لقائه ببرنامج "حبر سري" مع الإعلامية أسما إبراهيم، والأمر الذي تسبب في غضب النجمين ليفتحوا عليه أبواب النيران.
رد مطرب الراب الشهير ويجز على تصريحات رامي صبري وانتقاده له، لينشر مقطع فيديو عبر خاصية الأستوري على إنستجرام قائلًا :" هتكلم على فنان فاكر أنه عنده صلاحية يطلع يتكلم في أي وقت على أي حد والناس تسمع وتسكت، الفنان دا اسمه رامي، رامي دا بقى كل لما يقعد 5 شهور يزهق يطلع يتكلم في التليفزيون على بتوع الراب والهيب هوب وكده، طيب أنت بتتكلم أمتى عن بتوت البوب اللي أنت منهم، على فنك ومجالك وكده".
وأضاف ويجز :" أنا شايف أنك مبتفهمش في الراب دا حاجة ولا بتفهم الكلام بتاعه زي ما أنت قلت قبل كده فمش هتعرف تعمله أنا راجل مثلا لو لقيت واحد بيعرف يسوق عجلة وأنا مبعرفش بحترمه ليه عشان هو عمل حاجة غير اللي أنا عملتها اشتغل على نفسه في حاجة أنا مشتغلتش على نفسي فيها فأنت مبتقدرش الفنانين دول شايفهم بيحاولوا يوصلوا لليفل أنت فيه في حين أنهم معدينك أنت مش رقم 2 يا رامي أنت رقم 19 مثلا، أنت بعيد أوي، جماعة استنوا أغنيتي الجديدة إن شاء الله يوم 27 أغنية مش هقولكم هي عبارة عن إيه أستاذ رامي بقى ممكن يقولنا ويشرحلنا الأغنية عبارة عن إيه لو فهم".
View this post on InstagramA post shared by ArabWood (@arabwoodtv)
زوجة رامي صبري تخرج عن صمتها.. والسبب ويجز
خرج شيرين عادل زوجة الفنان رامي صبري عن صمتها لتدافع عن زوجها وترد بقوة على تصريحات ويجز الأخيرة، إذ نشرت مقطع من الحلقة عبر حسابها الرسمي على إنستجرام وقائلة :" ده جزء من الحلقة اللي رامي اتكلم فيها عن الراب... ومن هنا ورايح مش هسكت وهردّ على أي حد يفكّر يتكلّم عنه تاني بأي طريقة مش عجباني، اولاً رامى اتسال سؤال فى برنامج ورد وعندة كل الصلاحية لاى رد أو اجابة على اى سؤال يعنى مفيش اى مانع يخلى رامى لما يتسأل سؤال ميجوابش".
وأضافت زوجة رامي صبري :" رامي صبرى دة يا حضرت فنان من أهم الفنانين فى الوطن العربى ومن اهم الأصوات دة لو حضرتك مش معانا فى مجال المزيكا وبعدين والله يا ريت رامى عندة الوقت بتاع حضرتك الفاضى اوى بتاع ٥ شهور فاضى يا ريت كنا نتمنى ..امابقى موضوع رامى رقم كام دة هو الحقيقة مش شاغل بال رامى اوى بس لو حضرتك شايف ان رامى رقم ١٩ مع الأسف الشديد لازم أقول لحضرتك تبقى انت مش موجود على الخريطة من الأساس".
وأختتمت كلامها :" محتاج تذاكر كويس وتعرف انت بتتكلم عن مين قبل ما تتكلم لأنك واضح انك عندك شغل تانى غير المزيكا لأنك لو جوا الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيراً لما تحب تعمل دعاية لأغنيتك الجديدة ابعد عن إسم رامى صبرى أنا عرفة ان اسمة ممكن يخلى الأغنية ترند بس حاول الأغنية بتاعتك الجديدة تعتمد فيها علّى نفسك".
View this post on InstagramA post shared by Shery Adel (@sheryadel77)
المصدر: بوابة الوفد
كلمات دلالية: رامي صبري هجوم ويجز على رامي صبري هجوم رامي صبري على ويجز زوجة رامي صبري رد ويجز على رامي صبري زوجة رامی صبری
إقرأ أيضاً:
تطورات جديدة في أزمة انسحاب الأهلي أمام الزمالك في قمة الدوري
قال الإعلامي خالد الغندور، إن لجنة التظلمات برئاسة المستشار محمد عبده صالح، ستجتمع غدا لمناقشة أزمة القمة ١٣٠، وستطلع على كافة المستندات المقدمة من اللجنة الأولمبية ورابطة الأندية والأهلي، وكذلك تظلم الزمالك وبيراميدز على عدم خصم ٣ نقاط من الأهلي نهاية الموسم.
وتابع الغندور خلال برنامجه ستاد المحور:"علمنا من مصادرنا داخل اتحاد الكرة، أن هناك احتمالات بشأن عدم إصدار قرار في الأزمة غدا، وأن القرار قد يؤجل من لجنة التظلمات لمزيد من الدراسة والإطلاع على كافة الأوراق".
وأضاف:"كما علمنا من مصادرنا داخل اتحاد الكرة، أن رابطة الأندية، كشفت للجنة التظلمات عن سبب تعديلها للعقوبات الموقعة ضد النادي الأهلي في أزمة مباراة القمة ١٣٠ أمام الزمالك".
واختتم:" رابطة الأندية كشفت في مستنداتها المرسلة إلى لجنة التظلمات أن الأهلي لم ينسحب من مباراة الزمالك، لأجل قرار الانسحاب وتعطيل الدوري، لكنه اعترض فقط على عدم تعيين حكام أجانب للمباراة وهو طلبه من بداية الأمر، وهو السبب الذي دفع الرابطة إلى تعديل العقوبات استنادا على اللائحة الجديدة الخاصة بالانسحاب من المسابقة".
تصادم 3 سيارات ودراجة نارية على الطريق الدائري بالرماية