السيسي لـ«المصريين»: الأسعار مرتفعة وأنا عارف واحنا في صراع مع ظروفنا

وجه الرئيس عبد الفتاح السيسي، رسالة إلى الشعب المصري خلال زيارته لمدينة السلوم بمحافظة مطروح.

أكد الرئيس السيسي، أن الدولة المصرية ستكون قادرة على تخطي الوضع الاقتصادي الحالي، قائلا: "الظرف الاقتصادي الظرف ده هينتهي.. لازم مش علشان أنا موجود.. دي حكمة ربنا في الدنيا والمجتمع والعالم.. نقابل التحديات بالجهد والتخطيط والإرادة.

. احنا في صراع مع ظروفنا.. والظرف الاقتصادي تحدي واحنا مصرين بفضل الله سبحانه وتعالي وقادرين على تخطي هذا الظرف".

وأضاف الرئيس السيسي: "موضوع الناس متأثرة بيه أنا عارف.. والأسعار مرتفعة وانا عارف.. بنحاول بكل قدرة نقلل من تأثير الأزمة دي خاصة المواطنين اللى ظروفهم صعبة".

رسالة الرئيس السيسي لـ المصريين

بعث الرئيس عبد الفتاح السيسي، برسالة طمأنينة للشعب المصري بشأن استكمال تنفيذ المشروعات القومية، والظروف الاقتصادية الصعبة التي تمر بها البلاد.

وكشف الرئيس، أنه يثق في قدرة الدولة على تخطي الأزمات، قائلا: "مفيش أزمة بتمر على مصر إلا بنكون متأكدين بالإرادة والعمل والتخطيط وقبل ده كله بالله.. احنا بنعمل خير.. احنا كمسؤولين لا نريد إلا الخير لكل الناس ولبلدنا".

وأضاف: "اطمنوا بفضل الله رغم الظروف الصعبة دي.. وزي ما مرت على مصر ظروف صعبة خلال السنين اللى فاتت.. بالله والجهد والإرادة بنعبر التحديات زي ما حصل في 67 وفى 73 عبرنا.. وحاجات أخرى بالمستوى اللى هو اللى يخلي الناس تقول يا تري هنقدر نتغلب على الأزمة دي ولا لا.. لازم تكونوا متأكدين.. احنا كمصريين.. الدولة مش لوحدها هتعبر الأزمات.. بيكم وبكل المصريين وفهم الناس وتحمل الناس.. نقدر نعدى".

السيسي يستعرض المشروعات القومية في مطروح

استعرض الرئيس عبد الفتاح السيسي، بعض المشروعات القومية التي تم تنفيذها في محافظة مطروح والمنطقة الغربية في إطار البناء والتطوير.

وأضاف الرئيس السيسي: "واخدين بالكم احنا مهتمين أوى وشغالين كويس أوي.. واقدر أقول المشاريع المستهدفة واللى بنفذها فى محافظة مطروح.. سواء مشاريع زي الموانئ أو القطار السريع.. أو المدن الجديدة.. احنا كمواطنين وطبيعة المحافظة اللى هى فيها شكل معين بتعيش بيه.. هيكون له تأثير كبير اوي خلال المرحلة دى".

وأضاف الرئيس السيسي: "لما جيت من سنوات افتتح ميناء جرجوب جيت بالطائرة.. والنهاردة جيت بالطائرة برضه علشان اشوف شكل الدنيا عامل إزاي بعد 4 سنين.. وادى لنفسى فرصة اشوف.. فيه تطور كبير.. خطوة على الطريق.. التطور اللى بتعملوا والدولة بتعمله.. بنتكلم عن مدن جديدة وعلشان الناس تقول القطار السريع اللى هيجي لغاية جرجوب.. او هيطلع لغاية السلوم.. يعني هنستفيد إيه.. لا طبعا فيه استفادة.. وحتى مع منفذ السلوم.. الهدف تسهيل حركة التجارة مع الأشقاء في ليبيا.. وفيه منطقة لوجيستية 250 - 300 فدان جنب المنفذ.. كل فرص العمل.. بتوفر تطور وتنمى محافظة مطروح".

المصدر: الأسبوع