"عمره ما أتكلم كلمة وحشة".. تامر عاشور يودع محمد رحيم
تاريخ النشر: 24th, November 2024 GMT
عبر الفنان تامر عاشور عن حزنه العميق لوفاة الملحن محمد رحيم، حيث كتب رسالة مؤثرة عبر حسابه الرسمي بموقع التواصل الإجتماعي الشهير "إنستجرام"، ناعيًا الراحل الذي كانت له بصمة مميزة في عالم الموسيقى.
منشور الفنان تامر عاشور
وقال عاشور في رسالته: “ مكنش فيه في إحساسه ولا طيبة قلبه وكل أيامه كانت نجاح وامتنان وحمد ومش أي نجاح لا نجاحات أكبر وأكتر من أي فنان في جيله".
و أضاف: "مفيش أغنية بتحبوها مش لحن رحيم، منتهى الرقي والثقافة الفنية واللباقة.. ربنا يرحمك ويغفرلك ويديك على قد ابتسامتك ونيتك الحلوة، عمري ما شفته مبيضحكش، عمره ما أتكلم كلمة وحشة كان كل همه النجاح وربنا اداهوله".
تامر عاشور يودع محمد رحيم برسالة مؤثرة
و تفاعل عدد كبير من متابعي تامر عاشور وزملائه في الوسط الفني مع رسالته، معربين عن حزنهم لفقدان شخصية فنية بارزة مثل محمد رحيم، الذي أثرى الساحة الموسيقية بإبداعاته المميزة.
و لقد رحل الفنان محمد رحيم عن عالمنا فجر يوم السبت 23 نوفمبر بعد إصابته بسكته قلبية مفاجئة، والذي رحل عن عمر يناهز ال 45 عامًا، تاركًا وراءه إرثًا موسيقيًا كبيرًا.
جنازة الملحن محمد رحيم.. نجوم الفن يودعون الراحل بحضور كبير
شهدت جنازة الملحن الكبير محمد رحيم حضورًا لافتًا من نجوم الوسط الفني، الذين حرصوا على توديعه في مشهد مؤثر، حيث أقيمت مراسم الجنازة ظهر الأحد 24 نوفمبر بمسجد الشرطة في الشيخ زايد، وكان من بين الحاضرين الفنان محمد منير، محمد حماقي، حميد الشاعري، مصطفى كامل، حلمي عبد الباقي، مصطفى حجاج، وأحمد عصام.
و توافد النجوم لإلقاء النظرة الأخيرة على رحيم، مؤكدين على مكانته البارزة في عالم الموسيقى وتأثيره الكبير في حياتهم الفنية والشخصية.
آخر أعمال تامر عاشور
والجدير بالذكر أن آخر أعمال تامر عاشور، أغنية "وداع وداع" من كلمات محمد جشم باشا، وألحان مصطفى إبراهيم، وتوزيع عمرو الخضري وميكسر وماستر صقر، والتي تجاوزت مشاهدتها ال 4 مليون عبر "يوتيوب".
كلمات أغنية "وداع وداع" لتامر عاشور
جاي بعد ما شفت غيرك قلبي تندم على اللي فات
جاي بتفتح صفحه دابت واترمت في الذكريات
فوق خلاص وبلاها سيره مش هنحيى في اللي مات
وداع وداع وداع مش فضيلك أنا قلبي مات خلاص مش صافيلك
اصله مش خدامك جنابك سلام سلام سلام واستبينا
خلاص مافيش كلام ما علينا قوللي طب ايه اللى جابك
وداع وداع وداع مش فاضيلك
انا قلبي مات خلاص مش صافيلك اصله مش خدام جنابك
أوعى تضمن يوم ولاقي لحد قلبه في مره ساب
كنت عارفك يوم هترجع آه وهتدوق العذاب
ده اللي زيك مش هلومه كان كفاية عليه الغياب
المصدر: بوابة الفجر
إقرأ أيضاً:
تامر حسني يرد على منشور رامي صبري
رد الفنان تامر حسني علي منشور الفنان رامي صبري عبر صفحته على موقع التواصل الاجتماعي فيسبوك.
وكتب تامر حسني:"حبيبي يا رامي إنت قبل ما تكون نجم كبير و مُهم إنت صاحبي من أيام الطفوله و دي حاجات الناس متعرفهاش و يمكن مكنش في فُرصه نحكي ده قبل كده .. إنت يا رامي صاحب عُمر و مشوار مشيناه من الطفوله و أنا في الصوره ماسك المايك لأخويا و لصوت مصري عظيم يستحق …. شُكراً يا حبيبي على كلامك الغالي اللي من القلب أنا فعلاً إشتغلت معاك من كل قلبي و بكُل حرص علينا إحنا الاتنين بكُل التفاصيل بدافع الحُب و الصداقه و إن ربنا يكرمنا مع بعض … أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر و شيرين و بعدها تامر و بهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا و عملنا المستحيل و للأسف معرفناش فقولنا نبدأ بنفسنا عشان نحمس الكُل … حقيقي جمهورنا يستاهل مننا كُل الجديد و كل المُفاجآت اللي تفرحه و المطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا كليب فعلاً مبيتنسيش بيني و بين أخويا النجم الكبير رامي صبري باشا".
وكان قد علق الفنان رامي صبري علي صورة له رفقة الفنان تامر حسني عبر صفحته على موقع التواصل الاجتماعي فيسبوك.
وكتب رامي صبري :"أنا بشوف الصورة دي بشكل تاني خالص ..أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة".
وأكمل :" ومايعرفوش يبقوا زي الراجل المحترم اللي ماسك المايك ده تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً .. أولاً علشان عنده صفاء نفسي مش موجود عندي أنا شخصيا".
وأضاف رامي صبري :"اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن ".
واختتم :"شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه قريباً جداً هتشوفوا وهاتسمعوا أغنية ( فعلاً مبيتنسيش) على جميع منصات الموسيقى في العالم".
محمد بن زايد يبحث مع وزير الخارجية التركي تعزيز العلاقات والتطورات الإقليمية