أحمد المالكي يحكي كواليس لقاؤه الأول مع الراحل محمد رحيم
تاريخ النشر: 24th, November 2024 GMT
تحدث الشاعر أحمد المالكي عن موقف جمعه في بداياته الفنية بالفنان والملحن محمد رحيم الذي أشاد بموهبته في تأليف الأغاني.
منشور أحمد المالكي
وقال المالكي من خلال حسابه الشخصي بموقع التواصل الاجتماعي فيسبوك:" محمد رحيم، سنة ٢٠٠٧ في عز ماكنت لسه في بداية طريقي في الكتابة وأنا فالجامعة وكنت بحاول أوصل لأي ملحن كبير وكنت بحاول مره واحدة مع أي حد مالاقيش إستجابة يجيلي إحباط وببعد".
واستكمل:"لحد ماجيبت رقم رحيم وبعتله رسالةsms فيها كلام أغنية بعدها بدقايق لاقيت موبايلي بيرن برقمه رديت..قالي انت مين قولتله أنا فولان شاعر وبحاول..المكالمة كانت نحو عشرين دقيقة هو بيمدح فيا وحسسني إني احلي واحد بيكتب فالدنيا، كلامه اليوم ده خلاني نايم فرحان قوي وواثق في نفسي خصوصًا إنه من ملحن عظيم وشاعر عبقري كمان".
وأضاف: "بعد كده أنا كملت وحاولت وبدأ ينزلي أغاني وتنجح ويكلمني يباركلي علي كل حاجة بتعجبه بأسلوبه الراقي الجميل اللي زي قلبه وبنتقابل بالاحضان ونتصور ونقعد ونحكي".
واختتم:" ولسه من ٣ أيام مكلمني وقالي معرفش بنقع من بعض ليه طول السنين دي ومش بنشتغل قولتله ياله بينا ياريت انا نفسي أنول الشرف واسمي يتحط جنب إسمك الموسيقار.. بس للأسف بعديها بساعات فارق الحياة بروحه الحلوه وقلبه الجميل واللي هتفضل سيرته الطيبة وفنه الخالد
شكرًا ليك من كل قلبي علي كل حاجة حلوة وألف رحمة ونور عليك وفي جنة الخُلد باذن الله ياحبيب الكل".
أحدث أعمال أحمد المالكي
يذكر أن أحدث أعمال أحمد المالكي أغنية عودتني الدنيا مع شيرين عبد الوهاب، والأغنية من كلمات أحمد المالكي وألحان تامر عاشور وتوزيع نابلسي،تسجيل، ميكس وماستر خالد سند، وتريات محمد مدحت، جيتار وهارموني أحمد حسين، باص جيتار أحمد رجب، بيركشن ضياء بدر، إدارة انتاج رامز سليمان، تم التسجيل في استوديو TRS.
كلمات أغنية عودتني الدنيا
عودتني الدنيا أخسر.. أخسر
وإن لما أحب حاجة أوام تسيبني
أي لحظة فرح تِقصر
طول حياتي الحزن قاعد بيراقبني
وأما جيت لحياتي قولت الفرحة جاتلي
والسعادة خلاص معايا وقربت لي
بس برده بعدت عني
حلمي راح كالعادة مني
قولت أحب الحزن يمكن
برده زيك هيفارقني
بس دي الحاجة الوحيدة
اللي دايما بتلاحقني
يوم ما جيت وناديت عليا قولت
قدري شايلي حاجة وبيفاجئني
شوفت أجمل دنيا جاية
والنهارده بجد راح اللي مضايقني
لما جيت أنا شوفت نفسي في بكرة أجمل
يا أخيرا عندي حلم خلاص هيكمل
بس برده بعدت عني
حلمي راح كالعادة مني
المصدر: بوابة الفجر
كلمات دلالية: محمد رحيم أحمد المالكي وفاة محمد رحيم الشاعر أحمد المالكي أحمد المالکی
إقرأ أيضاً:
إلهام شاهين توجة رسالة دعم لـ محمد سامي
وجهت الفنانة إلهام شاهين رسالة دعم للمخرج محمد سامي بعد قرار اعتزاله عبر حسابه الشخصي بموقع التواصل الإجتماعي فيسبوك.
وكتبت إلهام شاهين :الجدع و إبنى الغالى المخرج الرائع محمد سامى ،سعدت جدا جدا بالعمل معك فى مسلسل سيد الناس ،شكرا لإختيارى فى دور جديد مختلف تماما بالنسبه لى شخصية إعتماد الهوارى علامه مميزة لها بصمتها فى مسيرتى الفنيه .
و أضافت: صحيح إنها شخصيه مستفزة و حاقده و غلاويه و شريرة و شلق و صوتها عالى و مزعجه و هذا هو التحدى تقديمى فى دور يعتبر مغامرة .. و قد تفاجأ به الجمهور .. و طبعا إعتماد لازم تتكره .. و أعتبر ده نجاح لتقديمى للشخصية ..
وتابعت : بشكرك على مجهودك و تعبك و إهتمامك بكل التفاصيل .. و أنا شاهده على المجهود الجبار لتجهيز العمل فى موعده .. و إنك كنت لاتنام أكتر من ساعتين تلاته .. و باقى اليوم شغل بلا لحظة هدوء أو راحه .
وأضافت : وأكيد إنت محتاج لأجازة و هدنه تلتقط فيها أنفاسك .. و أنا واثقه إنك ستعود لنا بعدها بعمل جديد و قوى لأنك تعودت على النجاح الكبير .. و ماشاءالله أعمالك هى الأكثر مشاهده فى رمضان ترتيبهم الأول و الثانى على منصة شاهد سواء على مستوى مصر أو على مستوى العالم .
و اختتمت :أتمنى لك النجاح و التألق دائما وحقيقى من كل قلبى هتوحشنى جدا فنيا و إنسانيا و فى إنتظارك قريبا يا فنان يا جميل وربنا يجمعنا دايما على كل خير .
اعتزال محمد سامي الإخراج الدرامي
أعلن المخرج محمد سامي خلال الساعات الماضية اعتزال الإخراج الدرامي بعد مشاركته فى ماراثون رمضان الحالي بمسلسلي “سيد الناس” و"إش إش".
وكتب محمد سامي عبر حسابه الرسمي بموقع فيسبوك:"وداعا الدراما التلفزيونية، السنة دي كانت آخر أعمالي التلفزيونية، واللي فيها بودع المسلسلات، رحلة طويلة حوالي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة".
وتابع : دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله آخر عملين ليا إش إش وسيد الناس حققوا نجاح أنا سعيد بيه.
وأضاف: “كل يوم بلدي العظيمة مصر بتطلع صناع جداد موهوبين و مثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي استحسان الجمهور أو إعجابهم في الآخر الفنان دايما بيجرب والفنون جنون زي ما بيقولوا”.
وأتم :" ادعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجة بيحبها عشان يعمل حاجة تانية بيحبها برضه، وعايز يجربها بس محتاج عيلة تسانده على اتخاذ قراره، كل التوفيق لكل زمايلي وبحبكم و بشكركم على سنين المنافسة الجميلة اللي عملت أسمائنا كلنا وأتمنى لنفسي التوفيق في الخطوة الجديدة
محافظ بني سويف يؤدي صلاة عيد الفطر الميارك بساحة مسجد عمر بن عبدالعزيز