اشتراط سعادتنا بحدث معين فيها عدم للرضى من الحاضر وده بدخل الزول في زقاقات صعبه

نهاركم سعيد…مرات كتيرة بنقع في حفرة بتاعت غلط بدون ما نقصد وبكون صعب نطلع منها لاننا ما مدركين انها غلط اصلا.للاسف الحفرة دي عندها بُعدين واحد واضح والتاني بديت افكر فيه مؤخرا، فحبيت اشاركم افكاري، يمكن تفتح عين زول ويطلع من الحفرة دي سريع.فكرة انه نربط السعاه بزمن او حدث او بشرط يحصل حاجة معينه. مثلا بعد اتخرج، اتزوج، اشتغل، اولادي يكبرو، اسافر، استقر.

الخ…. وغيرهم من العبرات العادية دي البنكررها كتير شديييد..المشكلة الواضحة هنا هي، ربط السعاده بالزمن، والزمن ما بقيف، وحقيقي الزمن المناسب ما بيجي، نحن البنجيبو نحن البنمشي ليه، نحن البنصنعو صناعه… ومن رايي اشتراط سعادتنا بحدث معين فيها عدم للرضى من الحاضر وده بدخل الزول في زقاقات صعبه وومرهقه مع نفسه.المشكلة العميقة، لمن اشترط سعادتي بحدث معين يحصل، فمن رايي ده فيه خطر تحدي القدر، وده ممكن يدخل الزول في امتحان ان حتعمل شنو لو ما حصل الحدث الانت مشترطه ده؟؟؟؟ وهنا برضو بنرجع للرضى وبرضو بندخل روحنا في زقاقات صعبه شديييد.يبقه افضل واريح لينا، ما نربط السعاده لا بشرط زمان ولا مكان، ونرضى بالواقع ونستمتع بالحاضر ونخلق اوقات وذكريات رائعه للمستقبل.مجرد افكار في خاطري حبيت اشاركهاإيثار صلاح التاياختصاصي في الصحة النفسية إنضم لقناة النيلين على واتساب

المصدر: موقع النيلين