تعليق مفاجئ من أيمن يونس على التجديد لزيزو: نظرتنا للعقود لازم تتغير

علق أيمن يونس، نجم الزمالك السابق، على الأزمة المثارة مؤخرًا بشأن التجديد لـ أحمد مصطفى «زيزو»، جناح الفريق الأول لكرة القدم بنادي الزمالك مع النادي الأبيض.

وقال أيمن يونس في تصريحات إذاعية": "والد زيزو كذب الخبر وقال إنهم مطلبوش 100 مليون، إحنا نظرتنا للعقود لازم تتغير مفيش لعيب بياخد فلوسه متكاملة، الزمالك هيشترط في العقد أنه ياخد بطولتين من 4 بطولات عشان ياخد عقده كاملًا".

وأضاف: "لو افترضنا أن زيزو طالب 100 مليون، فلازم الأندية الكبيرة يبقى عندها لعيبة كبيرة مينفعش تستغنى عنها وعلى سبيل المثال زيزو مع الزمالك".

وأكمل: "في نفس الوقت مينفعش لاعيبه تاخد فلوس وخلاص لمجرد أنها تمضي أو تلبس تيشيرت النادي فقط ده كلام هواة، في أندية عندها 30 لاعبا وبتعتمد على 16 لاعبا فقط طوال الموسم".

وأردف: "مينفعش نتعامل في الكرة المصرية على أن اللاعبين صنايعية بيقبضوا مبالغ كبيرة والباقي مبيلعبش، نظرتنا لـ صناعة العقود لازم تتغير واللي بيفهموا ياريت يفهموا".

ومن المقرر أن ينتهي عقد زيزو مع الزمالك في نهاية الموسم الجاري، ويحق للاعب التوقيع لأي ناد آخر في شهر يناير المقبل.

المصدر: صدى البلد