اليوم.. محاكمة المتهم بقتل صديقه "سيد بركة" في أوسيم
تاريخ النشر: 20th, November 2024 GMT
تنظر محكمة جنايات الجيزة المنعقدة في مجمع محاكم زينهم،محاكمة المتهم بقتل صديقه في أوسيم.
وقال المتهم بقتل صديقه في الجيزة: بعد ما اتخانقنا قام سب لي وشتمني بأبويا وأمي رديت عليه الشتيمة علطول وسبتله قام هو واقف بالمكنة بتاعتي ونزل منها نزلت وراه لقيته بيشتمني تاني قمت قايله أنا اتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض ومن قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.
وتابع قاتل صديقه في الجيزة، قمت واخد الشبشب بتاعه وحادفه بعيد في الزراعات، وبعد کده حطيت إيدي في جيوبه وأخدت التليفون بتاعه والفلوس وبطاقته ورخصة بتاعة مکنة كده كانت في جيبه، وبعدها ركبت المكنه بتاعتي ومشيت علطول وهو ده كل اللي حصل لغاية ما روحنا نقطة البراجيل وبعد كده مركز شرطة أوسيم وبعد كده لقيتهم من كثر ما الضباط كانوا بيتكلموا معايا وسألوني كتير أوي فرُحت قلتلهم كل حاجة والحقيقة اللي لسه حكيها دلوقتي وجابوني على النيابة وهو ده كل اللي حصل بالضبط.
س : متى وأين حدث ذلك تحديدا؟
أنا خاطب رحاب بقالي ٣ شهور من بداية شهر ١٢ السنة اللي فات ورحاب نزلت البوست بتاع فسخ الخطوبة الأسبوع اللي فات علطول، وخناقتي معاه وشتيمتنا لبعض واليوم اللي مات فيه كان يوم السبت الموافق ۲۰۲٤/٣/٢ بالليل بعد الساعة ۱۰ العاشرة مساء بطريق محور الضبعة الرئيسي منطقة الزيدية على طريق كله تراب (ترابي) جنب الأراضي الزراعية كوبري الضبعة مركز أوسيم الجيزة، ولما روحت مركز شرطة أوسيم وقلت كل حاجه لما ضباط المباحث في المركز قعدوا يتكلموا معايا كان يوم الأحد الموافق ٢٠٢٤/٣/٣ بعد أذان الظهر علطول بأوسيم في الجيزة.
اعترافات قاتل صديقه في الجيزةس: من كان برفقتك تحديدا؟
أنا وسيد بريك الله يرحمه ومحمد بشير عبد السلام كنا بنوصله لبيته وقتها ووصلناه فعلا.
س: ما صلتك بسالف الذكر تحديدا؟
محمد بشير ده عيل صغير عنده ١٢ سنة كان بييجي ساعات في المغسلة يشتغل وياخد مصاريفه بتاعة المدرسة لإنه كان في المدرسة معظم الوقت وده اللي وصلناه أنا وسيد بريك وقتها.
س: ما صلتك بالمدعوة رحاب رشدي عبد العاطي تحديداً؟
دي كانت خطيبتي لغاية الأسبوع اللي قبل ما شهر ٣ يبدأ.
س: وما سبب وعلة نهو تلك الخطبة تحديدا؟
معرفش أنا لقيت مرة واحدة سيد بريك جاي بيقولي رحاب رشدي نزلت بوست على صفحتها.
أقوال قاتل صديقه في الجيزة
س: وعلى أي شيء يحوي ذلك تحديدا؟
لقيتها كاتبة تم بحمد لله فشكلة خطوبتي.
س: وما التصرف الذي بدر منك حيال ما عملته تحديدا؟
رنيت على رحاب رشدي أشوف ايه اللي حصل وليه كتبت كده.
س: وهل استجابت لهاتفك تحديداً آنذاك؟
لا لقيتها حاطة تليفوني على بلاك ليست
المصدر: صدى البلد
كلمات دلالية: صدیقه فی الجیزة قاتل صدیقه فی المتهم بقتل
إقرأ أيضاً:
اليوم.. نظر محاكمة المتهمين بقتل طبيب التجمع
تنظر محكمة جنايات القاهرة، المنعقدة بالتجمع الخامس اليوم، محاكمة 4 متهمين بقتل طبيب بالتجمع الخامس لسرقته.
كشف أمر إحالة المتهمين أنهم بدائرة قسم التجمع الخامس بمحافظة القاهرة، أن 2 من المتهمين قتلا المجني عليه عمداً بغير سبق إصرار أو ترصد، بأن نسجا له مخططا محكما أهدوه سلفًا مع المتهمين الأخيرين، ضامرتين الشر في نفسيهما لسلب مال ضحيتهما، فكمنت الأولى خارجه وخَلَت به الثانية وراودته عن نفسه.
أضاف أمر الإحالة، أنه وما أن انطلت عَلَيْهِ حيلتها تجرد من ثيابه، فهمت في تكبيله فسبر غور حيلتها فقاومها، وهرعت لتمكن الأولى من دلوف مسكنه، فعاونتها وأبرحتاه ضربا بأنحاء متفرقة من جسده حتى خارت قواه، واستبد به الردى ففرغت طاقته، فوثقتا يديه وقدميه، وكمموا فاهه بأدوات أعدنا إياها سلفًا وهي قفزان ولاصق طبي وسلك كهربائي التقطتاه من مسرح الواقعة، لشل مقاومته والحيلولة دون استغاثته، وقامتا بخنقه مُستخدمتين في ذلك أوشحة، قاصدتين من ذلك إزهاق روحه، فأحدثتا به إصابته المبينة بتقرير الصفة التشريحية، والتي أودت بحياته على النحو المبين بالتحقيقات.
العجمة: المنتخب لن يفلح طالما الأندية أقوى منه .. فيديو