بالمصرى اليُتم.. كسرة ضهر وإحساس بالغربة
تاريخ النشر: 18th, November 2024 GMT
تابع أحدث الأخبار عبر تطبيق
لما بنكبر في السن ونوصل لمرحلة النضج وتحمل المسئولية احتياجنا للأب والأم بيزيد مش بيقل وبتتحول العلاقة لصداقة قوية.. بيبقوا هما الشط والصدر الحنين وكرسي اعتراف نجري عليه نغسل همومنا نحكي ونشكي نضحك ونبكي من غير خوف.. بيبقوا صديق مخلص صادق محب وحكيم ومعاهم بنحس بالطمأنينة والأمان.
حضنهم الطيب هو براحنا ولمسة إيدهم ترياق لجروح أرواحنا، وبعد شوية بتتبدل الأدوار نبقي إحنا اللى لازم نرعاهم ونكون السند والابن البار.. برضاهم عنا وبدعوة حلوة من قلوبهم الطيبة تتفتح لينا كل طاقات النور بنشوف نفسنا فيهم ونشوفهم فينا.. ونشوف الدنيا في عيونهم وبعيونهم.
وفجأة بنتخض ونخاف من بكره ييجي ومانلاقيهمش وبنتمني كل ساعات الدنيا تقف واليوم يبقي سنة.. بنخاف من رنة تليفون في ميعاد متأخر بنخاف من دكتور ممكن ييجي ويقول الحالة صعبة ويبرر بالسن.. بنخاف لو رحلوا.. أوحش إحساس إحساس اليُتم كسرة ضهر وإحساس بالغربة في وسط الناس وبرغم كل مواساة العالم وكلمة "معلش ده حال الدنيا وكلنا ليها والكل مفارق" مابنهداش وشريط شغال طول الوقت مابيسكتش.. إحساس اليُتم إحساس صعب وموجع جداً.. نتمني لو ياخدوا سنين العمر ويرجعوا لحظة نشوفهم فيها.. بنطمن نفسنا دايماً هما أكيد في مكان أفضل وإن أرواحهم بتطوف حوالينا وحاسين بينا وبيحمونا وبندعيلهم وبنطلب منهم هما كمان يدعولنا.
نصيحة بقولها من قلبي لو عندك أب أو أم ماتأجلش ميعاد للقاهم وتقول بكره علشان ممكن بكره ييجي وماتلاقيهمش وحاتلعن نفسك وحاتجلد ذاتك وحاتندم جداً على كل ثانية كان ينفع تحضنهم فيها وأجلت.
المصدر: البوابة نيوز
كلمات دلالية: الي تم
إقرأ أيضاً:
بهذا الموعد.. وائل جسار يطرح أغنية 100 إحساس جديد
طرح النجم اللبناني وائل جسار، البرومو الدعائي لأغنيته الجديدة التي تحمل عنوان (100 إحساس جديد) عبر صفحته الرسمية على الفيسبوك.
تقول كلمات الأغنية: "بحبك موت حبيبي، مش بحبك بس أنا، معاك بجد بنسى أى كلمة قولتها، رجعت معاك لواحد عنده 16 سنة".
ولاقى البرومو، إعجاب جمهور الفنان وائل جسار، الذين أكدوا على تشوقهم، وانتظارهم لطرح الأغنية بالكامل، بينما يستعد جسار لطرح الأغنية بالكامل بالأسواق يوم 5 من شهر فبراير الجاري.
وعن الأغنية يقول: "100 إحساس جديد من كلمات الشاعر هاني صارو، وألحان أحمد الزعيم، والأغنية جميلة للغاية، وعندي أمل أنها سوف تحقق نجاح كبير بإذن الله".
على صعيد آخر يستعد جسار للمشاركة بالدورة العشرين لمهرجان "موازين..إيقاعات العالم" بالمغرب، مؤكدا على حبه الكبير للشعب المغربي، واحياءه العديد من الحفلات الناجحة بمشواره الفني على أرض المغرب.
المعولي يرعى افتتاح مهرجان "سناو مقصدنا"