صلاح: "تجربتي في تشيلسي غيرت نظرتي للحياة وأفكاري"

تحدث محمد صلاح عن تجربته السابقة مع نادي تشيلسي، مؤكدًا أنها كانت محطة صعبة في مسيرته الكروية ولكنه تعلم منها الكثير.

 قال صلاح خلال استضافته بمعرض الشارقة الدولي للكتاب: "تجربتي في تشيلسي مكنتش ناجحة، ومكنتش بلعب. بدل ما ألوم المدرب أو الظروف وأقول أنا مصري وعربي، بدأت أبص للحياة بمنظور تاني عشان أنجح.

وقتها بدأت أقرأ كتير وأشوف حاجات على اليوتيوب، ودماغي بدأت تتغير."

وكشف عن الأشخاص الذين أثروا في حياته قائلاً: "الناس اللي غيرت حياتي وأفكاري وعقليتي كانوا الدكتور إبراهيم الفقي والأستاذ مصطفى محمود."

طريقة تفكير محمد صلاح في حياته الشخصية

أوضح صلاح كيف يتعامل مع حياته الشخصية قائلاً: "أنا عايش الحياة بالشكل اللي أنا عايزه، مش زي ما الناس عايزه. مش فارق معايا الناس شايفه أنا مفروض أعيش إزاي. في الآخر دي حياتي أنا، مش حياتهم هما."

نصيحة صلاح للرياضيين بشأن القراءة

وعن نصيحته للرياضيين، قال صلاح: "أنصح أي رياضي إنه دايمًا يحاول يقرأ في علم النفس. لو فهمت نفسك، هتفهم الناس، وتقدر تتعامل معاهم في كلامهم وريأكشناتهم، وهتعرف تتعامل مع المواقف بشكل كويس."

ويظهر من حديث صلاح مدى وعيه بأهمية تطوير الذات، وتعلم كيفية التعامل مع الضغوط والتحديات لتحقيق النجاح في الحياة والمجال الرياضي.

 

المصدر: بوابة الوفد