محمد صلاح يشيد بعمر مرموش ويؤكد: بلاش مقارنات

خلال استضافته في معرض الشارقة الدولي للكتاب بالإمارات، تحدث محمد صلاح عن زميله في المنتخب عمر مرموش، مشيدًا بمجهوده وإمكاناته، ومؤكدًا على أهمية دعمه دون وضعه تحت ضغط المقارنات.

قال صلاح: "مفيش لعيبة كتير في أوروبا طلعوا وعافروا. مرموش واحد من الناس دي، وهو إمكانياته عالية ولاعب مهم لفرقته ومع المنتخب كمان.

بس أنا عايزه يبعد عن فكرة المقارنات. الناس تبطل تقارنه بيا. دا صلاح الجديد وهيعمل اللي عمله وأحسن. المقارنات دي مش بتساعده، بتضعه تحت ضغط طول الوقت.

 

وواصل:" مينفعش تقارنه بلاعب نجح بشكل كبير جدًا في السنين دي كلها وهو لسه بيبدأ حياته. سيبوه يعيش تجربته، وانبسطوا بيها لأنه بيعمل حاجة مختلفة ومميزة في طريقه."

عن تجربته في بازل وسر النجاح الأوروبي:

كما أشار صلاح إلى كيفية تطوره خلال رحلته الاحترافية قائلاً: "وأنا رايح بازل، بدأت أشوف طيب هو الأوروبي بيعمل إيه؟ لأن في فرق كبير بين مصر والناس برا. شفتهم بيروحوا التمرين بدري، يعملوا ريكفري، وبعدها يتمرنوا ويروحوا الجيم.

وتابع: بدأت أفهم ليه هما ناجحين. وكل ما تعرف، تبقى عايز تنجح زيهم. بس أنا ما وقفتش عند كده. قولت لأ، أنا عايز أعمل حاجة أحسن منهم، وعايزهم هما اللي يبصوا علينا ويشوفوا واحد ناجح من الوطن العربي ويقلدوه."

أكد صلاح صلاح أنه لم يكتفِ بالتأقلم مع الثقافة الأوروبية بل سعى لأن يكون نموذجًا يُحتذى به، ليظهر للعالم أن اللاعبين العرب قادرون على تحقيق النجاح والتميز في أعلى المستويات.

 

المصدر: بوابة الوفد