خبر سار لجماهير الزمالك بشأن نجم منتخب مصر
تاريخ النشر: 16th, November 2024 GMT
كشف الإعلامي مهيب عبدالهادي عن تطورات جديدة بشأن ملف الحالة الصحية لمحمد شحاتة نجم الفريق الأول لكرة القدم بنادي الزمالك وموقفه من البقاء أو الرحيل بمعكسر الفراعنة بعد إصابته بالمباراة الأخيرة أمام كاب فيردي.
وقال محمد مراد المنسق الإعلامي لمنتخب مصر ببرنامج اللعيب عبر قناة mbc masr: "تعرض محمد شحاتة نجم الفريق الأول لكرة القدم بنادي الزمالك لإصابة بتمزق في العضلة الضامة وتم اجراء له كشف طبي باشراف د محمد ابو العلا طبيب المنتخب ووهيكمل الفحوصات في مصر وتكون حاجه خفيفه وتاكد غيابه عن مباراة بوتسوانا وهو لاعيب كبير وكابتن حسام وابراهيم اتكلموا معاه وقالوله كنا نتمني تكون موجود وان شاء الله ترجع بسرعه وتشارك بتصفيات كاس العالم شهر ٣ ولاعيب راجل".
وأضاف: "وبالنسبة لدونجا سليم والمصابين هما رامي ربيعة ومحمد عبدالمنعم ومحمد هاني وأحمد سيد زيزو وخالد صبحي وغاب عن المباراة تريزيجيه ومرموش ومروان ايقاف وللاسف هيتم غياب ثنائي مهم جدا لتراكم الانذارات".
واختتم: "بطمنكم أن الثلاثي محمود حسن تريزيجيه وعمر مرموش ومروان عطية هيرجعوا قدام بوتسوانا ولكن محمد الشناوي وحمدي فتحي تأكد غيابهم عن المباراة لأنهم خدوا انذارين ولسة مفيش كلام كابتن حسام حسن هيستدعى غيرهم أو لا ولكن هيتم الإعلان".
المصدر: بوابة الفجر
إقرأ أيضاً:
محمد الشناوي يعتذر لجماهير الأهلي ويكشف تفاصيل أزمته بعد مباراة باتشوكا
اعتذر محمد الشناوي حارس مرمى الفريق الأول لكرة القدم بالنادي الأهلي لجماهير القلعة الحمراء، اليوم الأحد، وذلك بعد السقوط أمام باتشوكا المكسيكي بركلات الترجيح في كأس القارات للأندية.
وقال محمد الشناوي عبر الكورة مع فايق: "أنا بعتذر بالنيابة عن نفسي وعن زمايلي لكل جمهور الأهلي.. وأنا متخانقتش مع بعض من الجماهير ومستحيل ده يحصل مني والجماهير على راسي ومقدرين زعل الجمهور وكنا في صدمة امبارح والفيديو مقتطع.. الناس افتكرت إني بقول همشي من النادي أنا قولت همشي جوه الأوضة".
وأضاف محمد الشناوي: "مينفعش أهدد جمهور الأهلي.. واحد من الجماهير اتلفظ بلفظ خارج مقدرش أقوله وقولتله أنا همشي لأوضة اللبس وعمري ما هجيب سيرة الجمهور.. أنا لما خدت أحسن لاعب في أفريقيا ما احتفلتش عشان خاطر الجمهور بعد خسارة بطولة.. هل أنا بعد كل ده أشتم الجمهور بتاعي ولا أهاجمهم".
وواصل محمد الشناوي: "أنا موجود في الأهلي لغاية آخر يوم في عمري.. أنا ابن النادي وهفضل موجود إلا لو مشيت من خلال إدارة النادي".
وأكمل: "احنا عندنا أهداف كتير ومش عايزين حاجات تعطلنا.. البطولة كانت قريبة منا وضربات الجزاء ملهاش كبير وأنا لسه مصدوم.. ربنا مكنش عايز ومكنش في توفيق واللاعيبة عملت اللي عليها طوال الـ 120 دقيقة.. احنا بنلعب دائما عشان خاطر الجمهور وبعتذر للجمهور رغم إني معملتش حاجة".
محمد الشناوي: احنا في الأهلي عندنا نظام والمدير الفني هو اللي حط ترتيب مسددي ضربات الترجيح
برلماني: مش معقول كل ما الحكومة تتنزنق تلجأ للاقتراض