20 نوفمبر.. تأجيل محاكمة متهم بقتل صديقه في أوسيم
تاريخ النشر: 16th, November 2024 GMT
قررت محكمة جنايات الجيزة المنعقدة في مجمع محاكم زينهم، في أولي جلسات محاكمة المتهم بقتل صديقه في أوسيم تأجيل المحاكمة إلى يوم 20 نوفمبر الجاري.
وقال المتهم بقتل صديقه في الجيزة: بعد ما اتخانقنا قام سب لي وشتمني بأبويا وأمي رديت عليه الشتيمة علطول وسبتله قام هو واقف بالمكنة بتاعتي ونزل منها نزلت وراه لقيته بيشتمني تاني قمت قايله أنا اتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض ومن قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.
وتابع قاتل صديقه في الجيزة، قمت واخد الشبشب بتاعه وحادفه بعيد في الزراعات، وبعد کده حطيت إيدي في جيوبه وأخدت التليفون بتاعه والفلوس وبطاقته ورخصة بتاعة مکنة كده كانت في جيبه، وبعدها ركبت المكنه بتاعتي ومشيت علطول وهو ده كل اللي حصل لغاية ما روحنا نقطة البراجيل وبعد كده مركز شرطة أوسيم وبعد كده لقيتهم من كثر ما الضباط كانوا بيتكلموا معايا وسألوني كتير أوي فرُحت قلتلهم كل حاجة والحقيقة اللي لسه حكيها دلوقتي وجابوني على النيابة وهو ده كل اللي حصل بالضبط.
س : متى وأين حدث ذلك تحديدا؟
أنا خاطب رحاب بقالي ٣ شهور من بداية شهر ١٢ السنة اللي فات ورحاب نزلت البوست بتاع فسخ الخطوبة الأسبوع اللي فات علطول، وخناقتي معاه وشتيمتنا لبعض واليوم اللي مات فيه كان يوم السبت الموافق ۲۰۲٤/٣/٢ بالليل بعد الساعة ۱۰ العاشرة مساء بطريق محور الضبعة الرئيسي منطقة الزيدية على طريق كله تراب (ترابي) جنب الأراضي الزراعية كوبري الضبعة مركز أوسيم الجيزة، ولما روحت مركز شرطة أوسيم وقلت كل حاجه لما ضباط المباحث في المركز قعدوا يتكلموا معايا كان يوم الأحد الموافق ٢٠٢٤/٣/٣ بعد أذان الظهر علطول بأوسيم في الجيزة.
اعترافات قاتل صديقه في الجيزةس: من كان برفقتك تحديدا؟
أنا وسيد بريك الله يرحمه ومحمد بشير عبد السلام كنا بنوصله لبيته وقتها ووصلناه فعلا.
س: ما صلتك بسالف الذكر تحديدا؟
محمد بشير ده عيل صغير عنده ١٢ سنة كان بييجي ساعات في المغسلة يشتغل وياخد مصاريفه بتاعة المدرسة لإنه كان في المدرسة معظم الوقت وده اللي وصلناه أنا وسيد بريك وقتها.
س: ما صلتك بالمدعوة رحاب رشدي عبد العاطي تحديداً؟
دي كانت خطيبتي لغاية الأسبوع اللي قبل ما شهر ٣ يبدأ.
س: وما سبب وعلة نهو تلك الخطبة تحديدا؟
معرفش أنا لقيت مرة واحدة سيد بريك جاي بيقولي رحاب رشدي نزلت بوست على صفحتها.
أقوال قاتل صديقه في الجيزة
س: وعلى أي شيء يحوي ذلك تحديدا؟
لقيتها كاتبة تم بحمد لله فشكلة خطوبتي.
س: وما التصرف الذي بدر منك حيال ما عملته تحديدا؟
رنيت على رحاب رشدي أشوف ايه اللي حصل وليه كتبت كده.
س: وهل استجابت لهاتفك تحديداً آنذاك؟
لا لقيتها حاطة تليفوني على بلاك ليست
المصدر: صدى البلد
كلمات دلالية: فسخ الخطوبة محور الضبعة محكمة جنايات الجيزة جنايات الجيزة صدیقه فی الجیزة قاتل صدیقه فی
إقرأ أيضاً:
تأجيل محاكمة 4 متهمين بقتل شخص بعد مطاردته فى الخانكة لـ مايو المقبل
قررت محكمة جنايات بنها، الدائرة الثانية، برئاسة المستشار عادل على ماهر، وعضوية المستشارين أحمد خلف محمد عبد اللطيف، وسامح أحمد عبد الوهاب حليمة، وأحمد محمد حماد محمد، وأمانة سر محمد الخضرى، ولطيف عبد الجواد، تأجيل محاكمة 4 متهمين بقتل شخص بعد التربص له ومطاردته والتعدي عليه بالضرب باستخدام قطع حجرية وعصي بدائرة مركز شرطة الخانكة بمحافظة القليوبية، لجلسة اليوم الخامس من دور شهر مايو المقبل لمناقشة شهود الإثبات.
وتضمن أمر الإحالة الخاص بالقضية رقم 4034 لسنة 2022 جنح مركز الخانكة، والمقيدة برقم 3971 لسنة 2022 كلي شمال بنها، أن المتهمين "وليد ح س"، هارب، صاخب محل أعلاف، و"مجدي ح س"، محبوس، عامل، و"حسيني م ح"، محبوس، سائق، و"علي أ ص"، هارب، بدون عمل، وجميعهم مقيمين دائرة مركز الخانكة، لأنهم في يوم 8 / 3 / 2022، بدائرة مركز شرطة الخانكة بمحافظة القليوبية، قتلوا المجنى عليه حمدى على صويلح حسين عمداً مع سبق الإصرار والترصد.
وتابع أمر الإحالة، أنه على إثر خلف بينهم عقدوا العزم وبيتوا النية على قتله وأعدوا لذلك أدوات إعتداء "عصى وقطع حجرية"، وترصدوه في الأماكن التي أيقنوا سلفاً مروره فيها، ونفاذاً لم انعقدت عليه عزائمهم تحينوا الفرصة وطارده الأول والثاني بسيارة قيادة أولهما، بينما كمن له الثالث والرابع بالمكان الذي أيقنوا مروره فيه، وما أن ظفروا به كالوا له عدة ضربات بأدوات الاعتداء سالفة الذكر - بنية إزهاق روحه، فأحدثوا ما به من إصابات أبان عنها تفصيلاً تقرير الصفة التشريحية والتي أودت بحياته على النحو المبين بالتحقيقات.
وأوضح أمر الإحالة، أن المتهمين حازوا وأحرزوا بغير ترخيص سلاحاً نارياً مششخناً "مسدس فردى الإطلاق"، كما حازوا وأحرزوا أدوات "عصى وقطع حجرية"، مما تستخدم في الاعتداء على الأشخاص دون مسوغ قانوني أو مبرر من الضرورة المهنية أو الحرفية.
مشاركة
أسعار الدواجن والبيض اليوم.. الثلاثاء 15 أبريل 2025