إسلام ابراهيم يكشف مفاجأة عن الجزء الثاني من مسلسل «تيتا زوزو».. ماذا قال؟

حلّ الفنان إسلام إبراهيم في الساعات الماضية ضيفًا في برنامج «الراديو بيضحك مع فاطمة مصطفى»، وكشف تفاصيل عن تجسيده لأدوار النساء التي اشتهر بها في بداياته، والتي حتى الآن يتداولها الجمهور، وتحدث عن كواليس مسلسل تيتا زوزو وكشف عن احتمالية وجود جزء ثاني للعمل.

كواليس تيتا زوزو وهل هناك جزء ثان؟

قال الفنان إسلام إبراهيم عن دور نموذج الـ AI في مسلسل تيتا زوزو أنه كان في غاية السعادة لأنه سيتعاون مع إسعاد يونس لأول مرة، موضحًا: «المنتج هو اللي كلمني على الدور، وكنت ساعتها ماضي مسلسلين مع رنا رئيس، مطعم الحبايب وروح جدو، والاتنين لسه متعرضوش وكان المفروض يتصوروا في نفس الوقت.

كلمت أستاذ المنتج وقولت له لو مش معاكوا في المسلسل ده هتجلط. قالي يا إسلام هتقدر توفق، قولت له أنا مش هنام وهعمل اللي عليا علشان هبقى متدايق جدًا لو ضاعت عليا الفرصة دي. المهم قدرنا نظبط المواعيد.»

وأضاف إسلام إبراهيم عن دور «رشدي» في المسلسل، قائلاً إنه ذاكر الشخصية من برامج الذكاء الاصطناعي والأفلام الأجنبية التي تناولت نفس الفكرة: «كنت بنزل البرامج دي وأشوف هو بيتكلم إزاي علشان اشوف اخد منه، واتفرج على حاجات برا ودا فتح خيالي، وكنت بحاول أحس رشدي دا كائن عنده مشاعر بتتكون من خلال الأكواد، وبنسبة 90% ممكن يبقى في جزء تاني.»

ماذا قال إسلام ابراهيم عن تجسيد دور الست الذي اشتهر به؟

وكشف إسلام إبراهيم، خلال لقائه مع الإعلامية فاطمة مصطفى، عن سر تجسيده لشخصية الستات قائلاً: «مكنتش متخيل أن شخصية استاند أب كوميدي هتبقى برنامج اسكتش. وكمان عندي مشكلة إني بتعامل مع الستات زي الرجالة، وعلى حسب الست اللي هقدمها هيكون شكلها إيه. لأنهم شخصيات كتير أوي بس بيكون على حسب المشروع. هل هي الست المشهورة، أو الحما، ولا شيري اللي شايفه نفسها جميلة. هم كتير وكلهم يطلع منهم ضحك مختلف. وأنا ممثل وبعمل أي دور على حسب الدراما ما تطلب هعمل.»

المصدر: الوطن