الآن العدو عندنا واحد إسمو مليشيات الدعم السريع والواقف معاها
تاريخ النشر: 15th, November 2024 GMT
رأي يخصني —-
انا ضد فتح جبهات وخلافات بإشعال الفتنة بين الجيش وحركات الكفاح المسلح والمستنفرين وحتي الكيزان أو جهة أخري..
الآن العدو عندنا واحد إسمو مليشيات الدعم السريع والواقف معاها خلاف دا ما عندنا عدو حالي حتي لو في جهة أو شخص أو حركة مسلحة او حزب ونحنا عارفين نواياهم سيئة حالياً وبطرفنا ما يثبت ذلك بنحكم صوت العقل وبنقول دا ما وقته ….
البلد دي حالياً في هشاشة أمنية وهشاشة في النسيج المجتمعي بطريقة مخيفة أي زيادة في القصة دي أو توسيع الشرخ المجتمعي دا بعمل نتيجة تمسح حاجة إسمها السودان من الوجود اساساً …
حتي ما يحدث من بعض ساسة أهلنا في الشرق وقادة بعض الحركات المسلحة دا فيه قلة حكمة وبورينا قدر شنو نحنا ما عندنا سياسة والزول البدفعهم للفتن بخربها وبقعد في رأسهم..
ياخ نحنا ما عندنا سياسين شغلهم مطاعنات فارغة ساي …
البلد حالياً في مهب الريح وفي نفس الوقت يجي واحد يطلع فيديو او في مؤتمر يقول كلام ( لا يعتد به ) ومسخرة ومضحكة والبعض مننا بجهل بشيل الفيديو يعملوا مادة إعلامية للتداول العام وهو ما عارف الفتنة بتبدأ بكلمة واحدة ….
نشطاء التواصل الإجتماعي مع كامل إحترامي ليهم لما تمشي وراء كلمة او فيديو بتفتح نار نحنا والله في بُعد عنها ياخ البلد كلها في كف عفريت وهم يضحكوا في فارغة البلد دي كان مرقت من اليد تاني ما بتتلحق ومشعلين الفتنة دي بعملوا رايحيين منكم …
الوضع صعب الله يرضي عليكم روقوا وأسمعوا صوت العقل مرة واحدة العندو قدرة يدعم الجيش الما عندو يلم خشمو عليه
ويريح المساكين المنتظرين الجيش ينتصر ويرجعوا بيوتهم بس …
المشاكل والحريق ببدأ بكلمة والله والله والله الساكتين والعارفنو كتييير بس ما عايزين نزيد الحريق منتظرين الله يهدئ سر البلد دي …
الله يفتح بصائركم ياخ
عائشة الماجدي
المصدر: موقع النيلين
إقرأ أيضاً:
الميليشيا المتمردة تنهار حاليا.. الجيش السوداني يعلن تقدمه في ولاية الجزيرة
قال نائب قائد الجيش السوداني وعضو مجلس السيادة، شمس الدين كباشي، الأحد، من مدينة ود مدني إن باب التفاوض مع "الدعم السريع" مغلق، مؤكداً أن قواته ستتوجه إلى الخرطوم، في ظل محاولات إحكام السيطرة على العاصمة.
وكشف كباشي عن زيارة يقوم بها رئيس مجلس السيادة وقائد الجيش السوداني عبد الفتاح البرهان لـ"ود مدني" قريباً جداً للتهنئة بالانتصار، وذلك بعد سيطرة الجيش عليها، السبت، ودعا إلى توفير الخدمات الأساسية، لتسهيل عودة سكانها النازحين.
وبعد إقراره بخسارة ود مدني، تعهد قائد قوات الدعم السريع محمد حمدان دقلو "حميدتي"، باسترجاعها، متهماً أطرافاً خارجية بدعم الجيش في المعارك.
وفي تصريح لـ"الشرق"، قال قائد "محور سنار" اللواء عبد المنعم عبد الباسط إن قواته تتقدم بشكل كبير في كل محاور شمال ولاية الجزيرة، لافتاً إلى أن "الميليشيا المتمردة"، حسب وصفه، تنهار حالياً تحت وطأة الهزائم التي منيت بها، كما قال مصدر عسكري، إن الجيش السوداني يسيطر على مدينة "تمبول" شرق ولاية الجزيرة.
وكشف مدير هيئة المياه في ود مدني لـ"الشرق" عن عمل بشكل مكثف، لإعادة الخدمة إلى كل أحياء المدينة، فيما اتهم مدير شبكة الكهرباء في ود مدني خلال تصريحات لـ"الشرق" من وصفهم بـ"المتمردين" بتخريب ونهب أجهزة ومعدات الإمدادات، مؤكداً أن فرقه تعمل على حصر الأضرار، ومعالجتها بأسرع ما يمكن.
يأتي ذلك في ظل خروج أغلب المحال التجارية، والمستشفيات، والصيدليات عن الخدمة في ود مدني، وفق ما عاينه مراسل "الشرق".
5 شهداء بقصف صهيوني في مخيم جنين