تامر حسني يحيي حفلا غنائيا في الكويت.. 12 ديسمبر
تاريخ النشر: 13th, November 2024 GMT
يحيى الفنان تامر حسنى حفلا غنائيا يوم 12 ديسمبر المقبل فى أرينا بالكويت ويشهد الحفل حضورا جماهيريا كبيرا.
ويشدو تامر حسنى بعدد من الأغانى المشهورة له ولعل من أبرزها عيش بشوقك وسى السيد وغيرها من الأغانى الجديدة والقديمة.
. ما علاقة الشيخ الشعراوى بها؟
من ناحية أخرى قام تامر حسني بتقديم الدعم الكامل للمطرب هيثم سعيد.
وجاء هذا بعد قيام هيثم سعيد بنشر فيديو له على صفحته الشخصية بموقع التواصل الإجتماعي إنستجرام عبر خاصية “ستوري”، يخبر جمهوره باعتزاله وهجرته إلى أستراليا وفقدانه للشغف .
وقام تامر حسني بدعمه وذلك بتوجيه رسالة له على صفحته الشخصية بموقع التواصل الإجتماعي إنستجرام عبر خاصير “ستوري” قائلًا له: "حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير
وأضاف تامر حسنى : “أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجه زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك، ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه ونصيحة ليك برضه أدرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب”.
وأوضح تامر حسنى : "ولو حسيت بأي صعوبة أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.. فكر يا صاحبي وأنا بعون الله معاك".
المصدر: صدى البلد
كلمات دلالية: تامر حسني الفنان تامر حسني اغاني تامر حسني اعمال تامر حسني حفلات تامر حسني تامر حسنى
إقرأ أيضاً:
خيري رمضان: تامر حسني مش صديقي… بس بدافع عن احترام العلاقة الزوجية
تحدث الإعلامي خيري رمضان عن تصريحاته المثيرة للجدل حول الفنانة بسمة بوسيل، والتي أثارت جدلاً واسعًا بعد حديثها العلني عن فترة طلاقها من الفنان تامر حسني.
وأكد خيري خلال لقائه ببرنامج “منا وفينا” الذي تقدمه الإعلامية هبة حيدري عبر قناة “المشهد”، أن تصريحاته لم تكن بغرض “ركوب الترند”، بل نابعة من قناعة ورسالة أراد إيصالها للمجتمع.
وقال: “لما هاجمت بسمة بوسيل مكنش هدفي الترند، لكن كنت بفكر في الرسالة،لما زوجة بتتكلم عن أبو أولادها بهذا الشكل، ده بيجرح أولادها، ومش منطقي العلاقة تنتهي من غير احترام. أنا قضيتي مش تامر، قضيتي كل زوجة ممكن تشوفني وتتأثر، وتفتكر إن ده الطبيعي”.
وأضاف: “أنا مش ضد بسمة كشخص، لكن لما حد يعيش مع حد أكتر من 10 سنين وييجي يقول من أول يوم بيعاني، ده كلام غير منطقي.اعتراضي كان على المضمون، مش على طريقتها في الحديث، هي قدمت نفسها بشكل ممتاز، لكن اللي قالته كان ضد مبدأ العلاقة الزوجية المحترمة”.
وأشار خيري إلى أن دفاعه لم يكن لحساب تامر حسني، موضحًا: “أنا معرفش تامر معرفة شخصية، ومشوفتوش من أكتر من 8 سنين، بحبه على المستوى الإنساني، لكن ما يجمعناش صداقة، وماكلمنيش ولا كلمته، أنا كنت بدافع عن حق الأولاد في حياة كريمة”.
وفي ختام تصريحاته، قال: “بسمة فضلت سنين ساكتة عن الانفصال، وافتكرت فجأة تتكلم دلوقتي! لما الأولاد كبروا وابتدت ترجع للأضواء؟! مش هدخل في نيتها، لكن من حقي أقول إن اللي عملته أثر بشكل سلبي على صورتها وصورة العلاقة اللي جمّعتهم قدام ولادهم”
إطلاق نار في السويد ومقتل 3 أشخاص