وحشتني.. كلمات مؤثرة من محمد محمود عبدالعزيز في ذكرى وفاة والده

نشر الفنان محمد محمود عبدالعزيز صورة بمناسبة ذكرى وفاة والده الفنان الراحل محمود عبدالعزيز.

وكتب على صفحته الشخصية بموقع التواصل الإجتماعي فيسبوك: "وحشتنى … بس كده، جيت لحضرتك بدرى المرادى عشان عيد ميلاد تمارا هانم حفيدتك بكره ان شاء الله و انا متأكد ان حضرتك هاتبقى موجود معانا، الغريب ان المرادى لقيت حد مستنينى و بيسأل عليا بقاله يومين، عارف طلع مين؟ الراجل اللى اتكلمت عليه فى برنامج صاحبة السعاده اللى جالي وأنا بصور فى بورسعيد وأدانى مصحف عشان اقرأ منه لحضرتك، طلع اسمه عم ابراهيم من بورسعيد جه لحضرتك مخصوص و فضل مستنينى عشان كان جايب هدية عشان عيد ميلاد تمارا، هاستأذن حضرتك هانزل صورتى معاه عشان اشكره على ذوقه.

احنا عايشين بحسك يا حاج و هانفضل كده احنا و ولادنا و ولاد ولادنا، شكراً حبيبى و اخويا يوسف عادل، تسلم ايدك على البوستر العظيم ده (اسألكم الفاتحه و الدعاء لأبويا و لكل من رحلوا عنا)".

وتحل اليوم ذكرى وفاة الفنان محمود عبد العزيز الذى قدم عدد من الأعمال التى تظل علامة فى تاريخ الفن المصرى والعربي.  

وقدم محمود عبد العزيز، عددا من الأعمال الفنية التى تظل محفورة فى وجدان المشاهد العربى ولعل من أبرزها "جبل الحلال" و"محمود المصرى" و "راس الغول" و"رافت الهجان" وغيرها، أما فى السينما فقدم كثيرا من الأعمال منها "الساحر" و"الجينتل"

 

المصدر: صدى البلد