أبرزهم أمير المصري وأحمد داش..النجوم الشباب يدعموا فيلم "رفعت عيني للسما"
تاريخ النشر: 9th, November 2024 GMT
دعم النجوم الشباب أحمد داش، أمير المصري، أميرة أديب مشاهدة فيلم رفعت عيني للسما، وذلك على حساباتهم الرسمية بمواقع التواصل الاجتماعي.
وكتب أحمد داش خلال استوري على حسابه الرسمي بـ انستجرام: فيلم رفعت عيني للسما حلو أو ي أو ي وفي السينمات دلوقتي.
وكتب أيضًا الفنان أمير المصري على حسابه الرسمي بـ انستجرام: فيلم رفعت عيني للسما دلوقتي في السينما، روحوه شوفوا فيلم صادق عن حكاية بنات في صعيد مصر كلهم أحلام وأمل.
ودعمت أيضًا أميرة أديب مشاهدة فيلم رفعت عيني للسما، وكتبت على حسابها الرسمي بـ انستجرام، قائلة: من أحلى الأفلام اللي شفتها، البنات الجميلة دي من كام شهر عملولي عرض خاص للفيلم بتاعهم وقد ايه كنت منبهرة وقد ايه الفيلم الهمني.
واستكملت أميرة: الفيلم ده وثائقي معناه أن كل الأحداث اللي بتشوفوها حقيقية وأرشح أنكم تدعموا البنات دي وتشوفوا الفيلم لأنه دلوقتي في السينما أي حد عنده حلم يتفرج، أوعدك هتطلع عايز تحققه.
وتدور أحداث الفيلم حول مجموعة من الفتيات الشجاعات اللاتي يقررن تأسيس فرقة مسرحية وعرض مسرحياتهن المستوحاة من الفلكلور الشعبي الصعيدي. تملأ الفتيات شوارع قريتهن الصغيرة بالشغف والمرح والغناء والرقص، بينما يحلمن بأن يصبحن نجمات مشهورات بالرغم من كل التحديات.
و يعطي الفيلم صوتا مسموعا لهذا الجيل الجديد من الشباب المصري ويعطي له نافذة من التعبير عن أحلامه ومستقبله.
أبطال العمل
رفعت عيني للسما من انتاج شركة فلوكة فيلمز، من إخراج ندى رياض وأيمن الأمير وبطولة فريق مسرح بانوراما برشا، ماجدة مسعود وهايدي سامح ومونيكا يوسف ومارينا سمير ومريم نصار وليديا هارون ويوستينا سمير مؤسسة الفريق وإنتاج شركة فلوكة فيلمز.
وقد استضافت قرية البرشا في محافظة المنيا فريق عمل الفيلم على مدار العديد من الأعوام. المنتج المنفذ محمد خالد، مساعدات الإخراج هاميس البلشي وضحي حمدي، مديرو التصوير دينا الزنيني وأحمد إسماعيل وأيمن الأمير، تسجيل الصوت مصطفي شعبان وسامح نبيل وأسامة جبيل وشدوي علي، موسيقى تصويرية أحمد الصاوي، مونتاج فيرونيك لاجوارد وأحمد مجدي مرسي وأيمن الأمير وندي رياض. وعلاقات عامة للفيلم في مصر والشرق الأوسط شركة Carrots مروة الصاوي، تنسيق الملابس للفتيات خلال ظهورهم الإعلامي ندى حسام بالتعاون مع Mystic، La blanca، Cache.
ومؤخرًا شارك الفيلم في مهرجان شيكاغو في دورته الـ 60، الذي يعد من أقدم وأكبر المهرجانات في أمريكا وتقام فاعلياته في شهر أكتوبر الحالي.
جوائز الفيلم
كما حصل فيلم (رفعت عيني للسما) على جائزة العين الذهبية لأفضل فيلم تسجيلي بمهرجان كان السينمائي الدولي بدورته 77 ليصبح بذلك أول فيلم مصري يفوز بالجائزة منذ تأسيسه.
ويذكر أنه قد ترشح الفيلم للجائزة 22 فيلم تسجيلي عرضت في كافة اقسام وبرامج مهرجان كان، من بينها أعمال لمخرجين كبار كأوليفر ستون ورون هوارد وكلير سيمون.
وكان الفيلم قد حاز على استقبال حافل في عرضه العالمي الأول بمسابقة اسبوع النقاد بمهرجان كان، بحضور المخرجين وفريق العمل وبطلات الفيلم من فريق بانوراما برشا، كما حصل على اشادات نقدية محلية وعربية وعالمية حيث كتبت عن الفيلم كبريات الصحف العالمية منها اللوموند وفرايتي وسكرين دايلي.
بالإضافه إلى مشاركة الفيلم في جولة عالمية بأكثر من ٣٥ مهرجان منذ عرضه في مهرجان كان منها Biarritz Film Festival وÉtats généraux du film documentaire في فرنسا، DokuFest في كوسوفو، AfrikaFilmFestival في المانيا، DER NEUE HEIMATFILMinaus في النمسا.
وقد سبق للمخرجان ندي رياض وأيمن الأمير عرض فيلمهم الروائي القصير (فخ) بمهرجان كان في عام 2019، وحصل فيلمهم على تنويه خاص من مهرجان القاهرة السينمائي.
المصدر: بوابة الفجر
كلمات دلالية: امير المصري أبطال فيلم رفعت عيني للسما فیلم رفعت عینی للسما وأیمن الأمیر مهرجان کان
إقرأ أيضاً:
رفعت قضية خلع.. رنا سماحة تكشف أسباب طلاقها
متابعة بتجــرد: خلال لقائها في برنامج “أوضة ضلمة” الذي تقدّمه الإعلامية إنجي هشام على شاشة “هي”، كشفت الفنانة رنا سماحة للمرة الأولى أسباب انفصالها عن زوجها الملحن سامر أبو طالب، بعد زواج استمر 5 سنوات، ورفعها قضية خلع أخيراً، كما تحدّثت عن مواصفات فتى أحلامها.
وقالت رنا: “انفصلنا لما كنت حامل ورجعنا حطينا شروط عشان مكناش حاطين لحياتنا شروط قبل كده، كل واحد فينا مختلف وكان عايش بطريقة مختلفة ومش عايز الطرف التاني يأثر أو يسيطر عليه أو يغير فيه حاجة لما حطينا الشروط عشان نكمل ده محصلش”.
وأضافت: “مش شروط على قد ما هي أساسيات، زي إن خصوصية البيت لازم تكون بين الزوج والزوجة مش بس فكرة جوازي، لكن أحس إني ست وعايزة الطرف التاني يكون سندي وضهري، كنت حاسة إني لوحدي وبشيل مسؤولية نفسي، أحياناً كان بيساعدني، أنا وسامر اتجوّزنا بسرعة رهيبة مكنش في بينا قصة حب كبيرة، مهما كان صاحبي، قفلة البيت حاجة تاني على الشخصين”.
وتابعت: “تاني مرة قررت مش هرجع والحياة وقفت هنا مش هكمل يوم واحد تاني مكنش راضي يطلقني كان عنده نفس إحساسي إنه عايز يطلق ومحاولش يتمسك بي”.
وعن سبب رفعها قضية خلع على طليقها، قالت رنا سماحة: “معرفش ليه مكنش عايز يطلّق ودياً، جايز مكنش عايز يديني حقوقي، قعدت شهور في بيت أهلي مبيصرفش عليّ ولا على ابنه، وبشتغل وربنا يكرمني وطول عمري شخصية مسؤولة، أنا تنازلت عن كل اللي يخصّني لكن ابني لأ”.
كما تحدثت رنا عن علاقتها بأهل طليقها قائلةً: “أهله محدش يعرف عني حاجة من بعد الانفصال، كانوا بيشوفوا حفيدهم لما بقوله تعالى خد مالك، رفع قضية رؤية وهو بيشوف الولد وهو قاعد عنده في البيت، معرفش مين مصلحته يعمل كده لكن بيقووه على الغلط، ولو حاول يرجع مستحيل أرجع له”.
وعن مواصفات فتى أحلامها، قالت رنا سماحة: “هقول زي ما كنت بقول قبل جوازي عايزة حد أرجل مني مش لمجرد المسؤولية، وفكرة إنه يصرف على زوجته مع أن ده من حقوقي كامرأة تصرف عليّ، ودي ظاهرة طالعة أن الرجالة مش عايزه تصرف على ستاتهم، المفروض متكنش محتاجة تصرف عليها أنت تعرف ده لوحدك”.
وعن فترة عملها كمذيعة والظلم التي تعرضت له، قالت: “حسيت بالصدمة لما كنت بشتغل في مكان من الأماكن اللي قعدت فيها فترة طويلة… فحصل حاجة جوه ومشيت بطريقة مستحقهاش، وزميلي كمّل لأن مكنش عنده خلافات لكن أنا كان عندي، والناس اللي بتستغرب إني إزاي مذيعة وأنا مطربة، هو في حد يشتغل مذيعة لمدة عشر سنين زيي؟”.
واختتمت رنا سماحة حديثها قائلةً: “مبندمش على أي حاجة في حياتي، حتى لو اتوجعت فيها، كل حاجة عشتها استفدت بيها، ولما أجهضت قبل كده ده رزق ونصيب وتجربة مؤلمة جداً نفسياً وجسدياً، ده رزق زيه زي أي حاجة في حياتي”.
main 2025-03-04Bitajarod
فيديو.. اشتباكات ومواجهات عنيفة بين عائلات أسرى إسرائيليين ورجال الأمن