موعد عرض الجزء الثاني من مسلسل صوت وصورة

كشف الفنان عمرو وهبة عن موعد عرض مسلسل رقم سري وهو الجزء الثاني من مسلسل صوت وصورة، وذلك من خلال منشور شاركه مع جمهوره عبر صفحته الخاصة على موقع الصور الشهير انستجرام.

 موعد عرض الجزء الثاني من مسلسل صوت وصورة

وشارك عمرو وهبة جمهوره بصورة من كواليس تصوير الجزء الثاني من مسلسل صوت وصورة وعلق عليه قائلا «النهاردة الساعه 9 إن شاء الله على قناه DMC وWatch it الحلقه الأولى من مسلسل رقم سرى والجزء التاني من مسلسل صوت وصورة بعد الحمدلله النجاح اللي حققه الجزء الأول و‘ن شاء الله الجزء ده يلاقي نفس القبول والنجاح عند الناس».

عمرو وهبة: «بحب المسلسل ده أوى بجزئيه»

وتابع وهبة حديثه قائلا «أنا عامة بحب المسلسل ده أوى بجزئيه، وبحب أيامه وبحب كل الناس اللي اشتغلو فيه من كل الأقسام من إخراج وتأليف وتصوير وإضاءة وبوست بروداكشن وإنتاج وديكور وملابس وإكسسوار وخدمات، بس حابب أخص بالشكر الأستاذ محمود عبد التواب مخرج المسلسل على شطارته واحترامه وضميره اللي بيتعبني وبيخليني أعيد كتير لحد ما يقولي آخر فرصة ولو مقولتش الجملة صح هشيلها كلها فـ بقولها صح وإخلاصه وصبره واهتمامه بكل الاقسام وكل الممثلين وكل مشهد وكل شوت وكل جملة و‘نه بيخليني أقول اللي أنا عايزه ويشيله بعد كدة في المونتاج، روح يا شيخ الله يباركلك ويديك على قد تعبك وتنجح وتكبر لحد ما تبطل ترد على تليفوناتي ولا أنت اصلاً مبتردش من دلوقتي».

يذكر أن مسلسل رقم سري الجزء الثاني من مسلسل صوت وصورة يشارك فيه عدد كبير من الفنانين من بينهم ياسمين رئيس وعمرو وهبه وصدقي صخر وعدد آخر من الفنانين .

View this post on Instagram

A post shared by Amr Wahba (@amr.wahbaaa)

المصدر: الوطن