كريم حسن بشير يكشف تفاصيل جديدة عن فيلم حملة فرعون
تاريخ النشر: 15th, August 2023 GMT
نشر المؤلف كريم حسن بشير عبر صفحته الشخصية علي موقع التواصل الاجتماعي فيسبوك ، منشور كشف فيه عن تفاصيل جديدة عن فيلم “ حملة فرعون ” .
وقال كريم حسن بشير : بما إنى بتريق كتير على حملة فرعون حابب أوضح نقطة ماقولتهاش قبل كده الفيلم فى البداية كان قصة بيتر ميمى وكلمنى عشان أكتب السيناريو بتاعه وفعلا كتبته وكان سيناريو جيد أعتقد وبعد كده حصل خلافات بين بيتر ميمى والشركة المنتجة وجه محمد سامى وإتكتبت نسخة من جديد أعتقد برضه إنها كانت جيدة .
وأضاف كريم حسن بشير : وبعد كده حصل خلافات بين محمد سامى والشركة المنتجة وجه رؤوف عبد العزيز فى ظروف صعبة عشان يصور الفيلم وإتطلب منى من المنتج تعديلات على الفيلم ما حبتهاش ورفضتها وجاب مؤلف تانى يعمل التعديلات وإسمه موجود على التتر ولما شوفت الفيلم لاقيت بالظبط مشهدين ليا أنا اللى كاتبهم وبعض جمل حوارية وأصبح الشىء الوحيد اللى بيربطنى بالفيلم إنى إسمى مكتوب عليه.
فيلم "حملة فرعون" بطولة "عمرو سعد، محمد لطفي، رامز أمير، روبي، محمود عبدالمغني، مايك تايسون، وإخراج رؤوف عبدالعزيز".
المصدر: صدى البلد
كلمات دلالية: رؤوف عبدالعزيز كريم حسن
إقرأ أيضاً:
محمود عزب يكشف تفاصيل اختياره بفيلم «سيكو سيكو»
أعرب الفنان محمود عزب عن سعادته بمشاركته في فيلم "سيكو سيكو"، مؤكدًا أن ترشيحه للدور جاء من خلال المخرج عمر المهندس، الذي رأى فيه الأنسب لتجسيد شخصية بعينها، على غرار ما حدث مع المخرج تامر محسن في مسلسل "قلبي ومفتاحه".
وأوضح محمود عزب في لقاء خاص مع الإعلامية شيرين سليمان برنامج سبوت لايت، المذاع على قناة صدى البلد، قائلا: “الأستاذ عمر المهندس هو اللي اختارني للدور، لقى فيه دور كده وقال: أديه لعزب، وقال لي: تعالى خد الدور مش هتضحك، والحقيقة اتبسطت جدًا، لأن الموضوع مش بس إني أضحك، لكن أنا وسط شباب موهوبين زي عصام عمر وطه الدسوقي، ممثلين حقيقيين وكوميديانات بيرجعونا للكوميديا اللي فاتت، مش بس هزار وتهريج”.
وتابع محمود عزب، قائلاً: “أنا كوميديان، ولو اتعرضت عليا حاجة كوميديا دلوقتي هعملها وهبقى سعيد جدًا، رغم إني أثبت نفسي في مناطق تانية، بس دي منطقتي الأصلية”.
وعن دوره بفيلم "سيكو سيكو"، أوضح محمود عزب، قائلاً: “أنا عامل مشهد بسيط جدًا، بقابل الولاد، وبقابلهم كويس، وبعدين أموت.. ضربة رصاصة كده وخلاص”.
وأكد محمود عزب أن الفيلم يحمل طابعًا كوميديًا محترمًا، مضيفًا: “هما بيقدموا الكوميديا بأصولها، مش هزار وتريقة وخلاص، الكوميديا الحقيقية هي إنك تعمل حالة تمثيلية، ومن الموقف ييجي الضحك”.
كما تحدث محمود عزب، عن مشاركته في مسلسل قلبي ومفتاحه، مؤديًا شخصية “عم نصر” بائع الطعمية، قائلاً: “في ناس كانت بتقول لي إن الشاشة كانت بتطلع ريحة الطعمية، دخلت البيوت فعلاً، عم نصر شخصية بسيطة وطيبة ومكتوبة بشكل جميل جدًا، ودي دراما مشرفة كتبها الأستاذة مها الوزير، وأخرجها تامر محسن الشاطر جدًا".
أسعار الدواجن والبيض اليوم.. الثلاثاء 15 أبريل 2025