كنت زهقان منه وندمان.. اعترافات صادمة للمتهم بقتـ.ـل صاحب قهوة أسوان| انفراد
تاريخ النشر: 7th, November 2024 GMT
تنفرد "صدى البلد" بنشر نص التحقيقات في جريمة قتل صاحب قهوة اسوان بمنطقة الكوربة بمصر الجديدة حيث أجلت اليوم محكمة جنايات القاهرة أولى جلسات محاكمة المتهم لجلسة 1 ديسمبر المقبل للاطلاع.
وتضمنت أوراق التحقيقات في القضية رقم ١٩٦٥٦ لسنة ۲۰۲٤ اداري مصر الجديدة رقم الحصر ٧٧١ سنة الحصر ٢٠٢٤ اقوال المتهم ناصر صابر مشعال التي سرد خلالها تفاصيل ارتكابه الجريمة وتمزيق جسد المجني عليه وسط الشارع والى نص التحقيقات:
اسمی
ناصر صابر مشعال
السن ۲۸
اعمل / بكالوريوس نظم ومعلومات ادارية
س / ما تفصيلات إقرارك ؟
ج اللي حصل ان في خلافات بيني وبين محمد عبد الرازق كتير ومن حوالي خمس
سنين حصلت بنا مشكلة واتخانقنا مع بعض وضربنا بعض وبعدها والناس جت حاشت
بنا والموضوع خلص ومحمد كان واخد حصه في العمارة اللى محل العصير بتاعي
فيها في شارع المسله الكوربة مكنتش عايز يكون ليه حصه في العماره الي انا فيها
وكان في قضايا كتير بينه وبين صاحب العمارة ولما كنا بنشوف بعض كان بيحصل
ساعات مشادات بنا لكن الناس كانت بتحوش والموضوع بيخلص واخر مشكله كانت
امبارح لقيت محمد كان جاي يزعق ويشتم من عند قهوة اسوان بتاعته ولقيته ماشي
قدام محل العصير بتاعي وعمال يزعق لأن في خلافات سابقه بنا فخرجت من
المحل وكان معايا مطوه في جيبي وكنت قرفان منه ومن المشاكل الي بتحصل بنا
طلعت المطوه من جيببي ودخلت على محمد عبد الرازق وضربته بيها أكثر من
ضربه ومش فاكر كام ضربه تقريباً ووقع على الارض وفضلت اضرب فيه بالمطوه
ووقعت فوقه على الارض ومحستش بنفسي لقيتني عمال اغرز المطوه في بطنه
والناس اتلمت وقعدت تحوش وانا مكنتش عايز اسيبه وفضلت اضرب فيه لحد ما
الناس حاشتني وقعدت الاهالي يضربو فيا بالكراسي عشان اقوم من عليه لكن فضلت
اضرب فيه بالمطوه وبعدها قولتله انت الي وصلتني اني اعمل فيك كدا وبعدها الناس
حاشتني وقومتني من عليه وانا رميت المطوه ودخلت محل العصير تاني وبعد كدا
في اتنين امناء شرطه جم خدوني على موتسيكل وودوني على قسم مصر الجديدة
وفتشوني هناك كان معايا مفاتيح البيت بس وبعدين دخلوني وعملو محضر بالي حصل
ودخلوني الحجز وجيت النيابة انهردة وهو ده كل اللى حصل.
س/ متى واين حدث ذلك ؟
ج الي حصل اني ضربت محمد عبد الرازق كان امبارح يوم ١٠/٣٠ ٢٠٢٤ الساعة
١٢:٣٠ مساءً في شارع المسلة في الكوربة بمصر الجديدة
س/ ماسبب ومناسبة تواجدك بالزمان والمكان سالفي الذكر ؟
ج / انا كنت قاعد في محل العصير بتاعي الي اسمه جنة الفواكه
س/ وما هي ظروف نشأتك تحديداً؟
ج / مواليد ۱۹۹٦ ابويا متوفي وامي موجوده عندي اربع اخوات ولاد واعزب
س/ وما هي المؤهلات العلمية التي حصلت عليها ؟
ج / انا معايا بكالوريوس نظم ومعلومات اداريه ومتخرج سنه ٢٠١٤
س وما هي وسيلة تعايشك ؟
ج انا مالك محل العصير انا واخواتي الي اسمه جنه الفواكه وليه فروع كثير في مصر ودا مصدر رزقي الوحيد
س/ وما هي حالتك الاجتماعية ؟
ح/ اعزب
س/ وما هي علاقتك المجنى عليه / محمد عبد الرازق؟
ج / علافي بيه انه جاري وهوا أكبر مني في السن ومليش علاقه بيه اوي
س / ومتى نشات تلك العلاقة فيما بينكما ؟
ج من زمان ومش فاكر امتى بظبط
س و هل من ثمة خلافات فيما بينكم ؟
جاه كان في خلافات بنا
س/ ما هي طبيعة تلك الخلافات ؟
ج في خلافات بيني وبين محمد عبد الرازق كتير ومن حوالي خمس سنين حصلت
بنا مشكله واتخانقنا مع بعض وضربنا بعض وبعدها والناس جت حاشت بنا
والموضوع خلص ومحمد كان واخد حصه : في العمارة الي محل العصير بتاعي فيها
في شارع المسلة الكوربة سكنتش عايز يكون ليه حصة في العمارة الي انا فيها وكان
في قضايا كتير بينه وبين صاحب العمارة ولما كنا بنشوف بعض كان بيحصل ساعات
مشادات بنا لكن الناس كانت بتحوش
س/ ومتى نشأت تلك الخلافات ؟
ج من حوالي خمس سنين تقريباً.
س/ والى أي مدى تطورت تلك الخلافات ؟
ج كان بيحصل بنا مشاكل واتخانقنا مع بعض وضربنا بعض من خمس سنين والناس
حلت ما بنا ولما كنا بنشوف بعض كان بيحصل ساعات مشادات بنا لكن الناس كانت بتحوش
س ما هي كيفية ارتكابك لتلك الواقعة ؟
ج/ انا لقيته ماشي قدام محل العصير بتاعي وعمال يزعق لأن في خلافات سابقه بنا
فخرجت من المحل وكان معايا مطوه في جيبي وكنت قرفان منه ومن المشاكل الي
بتحصل بنا طلعت المطوه من جيببي ودخلت على محمد عبد الرازق وضربته بيها
اكثر من ضربه ومش فاكر كام ضربه تقريباً ووقع على الارض وفضلت اضرب فيه
بالمطوه ووقعت فوقه على الأرض ومحستش بنفسي لقيتني عمال اغرز المطوه في
بطنه والناس اتلمت وقعدت تحوش وانا مكنتش عايز اسيبه وفضلت اضرب فيه لحد
ما الناس حاشتني وقعدت الأهالي يضربو فيا بالكراسي عشان اقوم من عليه لكن
فضلت اضرب فيه بالمطوة وبعدها قولتله انت الى وصلتنى انى اعمل فيك كذا وبعدها
الناس حاشتني وقومتني من عليه.
س/ هل اشترك معك أحدا في ارتكابها ؟
ج/ لا انا طلعت ضربته بالمطوه من نفسي محدش تاني ضربه
س/ وما سبب طعنك وضربك للمجني عليه بذلك العدد من الضربات والطعنات ؟
ج انا كنت زهقان منه وطلعت ضربته بالمطوه ضربات كتير عشان كان في مشاكل كثير بنا
س/ انت متهم بقتل المجنى عليه / محمد عبد الرازق - عمداً مع سبق الاصرار والترصد بأن بيت النيه وعقدت العزم على قتله وكمنت له بالمكان الذي ايقنت سلفاً بأنه يعتاد السير فيه ذاهباً الى منزله وما ان ظفرت به حتى اجهزت وأنهلت عليه ضرباً وطعنا قاصداً من ذلك ازهاق روحه فاحدثت به الاصابات الثابته بمناظرة النيابة العامة التى أودت بحياته وذلك باستخدام السلاح الابيض؟
ج ايوة الكلام ده حصل وانا غلطان وزعلان اني عملت كده وندمان
المصدر: صدى البلد
كلمات دلالية: الكوربة قهوة أسوان مصر الجديدة
إقرأ أيضاً:
بدء أولى جلسات محاكمة المتهم بقتل "صاحب قهوة أسوان" بمصر الجديدة
بدأت محكمة جنايات أول درجة شمال القاهرة، اليوم الخميس، برئاسة المستشار محمد حجازي وعضوية المستشارين عزت العكلي، والسعيد عبده ومحمد مصطفى عبيد، النظر في أولى جلسات محاكمة المتهم بقتل «صاحب قهوة أسوان» بشوارع منطقة مصر الجديدة.
اعترف المتهم في التحقيقات التي باشرها أمين عصر وكيل نيابة مصر الجديدة بارتكابه الجريمة لوجود خلافات سابقة مع المجني عليه، تتضمن حصول الضحية على حكم واجب النفاذ بحصة من العقار الذي يستأجر فيه المتهم محل العصير جنة الفواكه، بعد نزاعات قضائية مع المالك السابق أمير، فاستشاط المتهم غضبا وبعد حدوث مشادة كلامية انتظر الضحية حتى عودته لمسكنه وقام بطعنه طعنة نافذة في البطن اخرجت الاحشاء، ثم انهال عليه بعدة طعنات متتالية أودت بحياته.
كانت قد تمكنت الأجهزة الأمنية من كشف ملابسات تداول مقطع فيديو على عدد من المواقع الإخبارية ومواقع التواصل الاجتماعى يتضمن قيام أحد الأشخاص بالتعدي على آخر بسلاح أبيض بمنطقة مصر الجديدة بالقاهرة مما أدى إلى وفاته.
وبالفحص تبين أنه بتاريخ 30 أكتوبر الماضي نشبت مشاجرة بدائرة قسم شرطة مصر الجديدة بين كل من طرف أول مالك محل عصائر بأحد العقارات بدائرة القسم طرف ثان شريك بمقهى بذات العقار «متوفي»؛ بسبب خلافات بينهما حول رغبة المتوفى في طرد الأول من المحل المشار إليه بدعوة ملكيته لحصة بالعقار وشرائه الشقة التي تعلو المحل الخاص به، قام على إثرها الأول بالتعدي عليه بسلاح أبيض محدثًا إصابته التي أدت إلى وفاته.
وتم ضبط مرتكب الواقعة في حينه وعرضه على النيابة العامة التي قررت حبسه على ذمة التحقيقات.
مهنيو النقل الطرقي يرفضون تعديل مرسوم الولوج إلى المهنة ويطالبون الوزارة الوصية بالحوار