غنوة حياه

بقلم :- نجلاء السيد سعيد 

 

إحنا البشر دايمًا بنعزف ع الوتر

وبنبتكر غنوة حياة

بنخلق لروحنا تون براح

وحضن خالي م الوجع

حضن رحمة للي محروم منها 

إحنا  اللي كان بيلمنا قعدة عيال

وغنوة من لحن اتنسى

وتهزنا حبة رياح

ف نموت أوي رغم النفس.

ونعيش أوي بحبة حنين

لو حتى بنام  ع الرصيف

ستر الطرق دايمًا ونس

صاحبي اللي باعني كان هنا

من قلب قلب العتمه نور 

بيشدنا لدنيا الغرور 

فافرد كفك  ع الصخور 

وارسم هنا وجع البشر

تلقاك هناك غنوة حزينة 

أوراق شجر بتسقط 

ويلمها  فصل الخريف

من غير ما يسأل ع اللي باقي من رفاتنا 

بنشد من جوفنا الوريد 

كما روح وتاهت ف الضلوع 

مايهمناش مين اللي لملم كسرنا 

ومين  هواه كان البعاد 

مين شد من توب سترنا 

لملمنا من جوف السنين 

إحنا البشر  ضعاف أوي 

رغم إننا أعظم مخلوقات الله

 

.

المصدر: بوابة الوفد