من غرائب مرتزقة وحرامية الدعم السريع في السودان
تاريخ النشر: 15th, August 2023 GMT
سبحان الله من غرائب مرتزقة وحرامية الدعم السريع في السودان.
في الكلاكلة القبة مربع 8 التريعة احتلوا عمارة فيها مدرسة اسمها اليراع وجابوا يافطة كاتبين فيها الشرطة العسكرية للدعم السريع لمكافحة السرقة والنهب ومحاكمة المجرمين والتبليغ عن الانتهاكات ( نظام مكتب بلاغات ونيابة ) والعمارة القاعدين فيها زاتها هم محتلينها ….
بعد سرقة منزلي ذهبنا انا وأخي إليهم في مقرهم هذا اول شئ طلبوا منا دفع رسوم بلاغ 30 الف جنيه .
ورفضنا دفع المبلغ وطلبنا مقابلة المسئول عنهم دخلونا لقائدهم وجلسنا وبعد حكينا الحصل كلو ….
اول كلمة قالها لينا
انتوا متأكدين انكم شوفتوا عربية تابعة للدعم السريع جمب بيتكم برة …
قمت قلت ليهو اي شوفت تاتشركم ومعاها عربية بوكس ملطخة بالطين وأفراد شائلين كلاشات .
رد لي المسئول وقال لي مستحيل ناسنا يعملوا كدة …
قلنا ليهو دة الحصل وناسكم ديل سرقوا حلتنا كلها وما خلو بيت الا ونهبوهو وانا جيتكم لحدى عندكم ودة الحصل ..
والمسئول حقهم دة لقيناهو
مصر انوا ديل حرامية …
قمت سألتوا من المسئول عن العربات الدفاعية التاتشرات والسائقنها منو ومن الأفراد الموجودين في مربعنا ..
قال لي لشنو بتسأل قلت ليهو لانك انت مصر انوا السرقوني ديل ما دعم سريع وانا ما اتسرقت بالليل .
انا اتسرقت الساعة ١٠ صباحا وحفظت شكل الناس الجأت البيت خاصة اللابسين رسمي وشايلين كلاشات وكسروا أبواب بيتي ولأني اتكلمت معاهم وناقشتهم واي زول ناقشتوا حفظت شكلو .. …
وردو لينا كان أبيخ رد ..
وقال لي يازول السرقوك ديل الكيزان وديل حرامية وانت زاتك كوز وجبت العفش والبيت والقروش دى من وين …
وهسي لو داير تفتح البلاغ امشي ادفع الرسوم وشيل معاك الايصال ولمن نقبض الحرامية بنتصل عليكم ولو عايز تطلع باقي عفشكم من البيت عشان مايسرقوهوا ادفع 50 الف عشان نديك إذن خروج ومرور بعفشك ..
اخوى قال ليهو تعال معانا وشوف انتوا خليتو لينا شنو والله غير ملابسنا اللابسنها دى ماعندنا غيرها …
طبعا نظام عندهم مباحث واستخبارات قال لينا بعد تدفعوا رسوم الايصال ناسنا حيجوكم البيت ويشوفوا طريقة السرقة عشان نحدد ديل منو ونقبض الحرامية …
قلنا ليهو خير وطلعنا مشينا ….
هسي ديل دايرين يحكمونا زول يسرقك ويدفعك ويجوك بتاتشرهم وينكروا أنهم سرقوك
ويقولوا ليك ديل الكيزان السرقوك ولو اتكلمت معاهم وناقشتهم يقولوا ليك انت كوز عشان كدة انت اتسرقت ياخي مستكترين نعمة الله علي الناس يعني تجتهد وتكسب بالحلال وتبني ليك بيت سمح أو تأمن مستقبل اولادك واهلك يجوك ناس ما حافظين في رأسهم اي حأجة غير كلمة فلول وكيزان ينهبوك بكل قباحة وبحاجة أو يجوك بالاسم عشان يسرقوك ……
الله ينتقم منهم دنيا وآخرة ولا جعل فيهم باقي وانت ياربي اعلم بحالنا وبمن استقوى علينا
عليك بهم واجعل كيدهم في نحورهم ،،،،،،.
**متداول
المصدر: موقع النيلين
إقرأ أيضاً:
اشتباكات عنيفة بين الجيش والدعم السريع في "النهود" جنوبي السودان
اندلعت اشتباكات عنيفة، الخميس، بين الجيش السوداني وقوات الدعم السريع في مدينة النهود العاصمة الإدارية المؤقتة لولاية غرب كردفان جنوبي البلاد.
وأفاد شهود عيان الأناضول، أن قوات الدعم السريع هاجمت صباح الخميس، المدينة بالأسلحة الثقيلة والخفيفة.
وذكر الشهود، أن الاشتباكات العنيفة بين الجيش والدعم السريع التي جرت بالأسلحة الثقيلة والخفيفة، دارت داخل المدينة وخاصة في أحيائها الشمالية.
وأشاروا إلى أن سكان المدينة التزموا بيوتهم وخلت الشوارع من المارة، وأن شبكة الاتصالات والانترنت لازالت تعمل بالمدينة.
ونشر جنود من الجيش على مواقع التواصل الاجتماعي مقاطع فيديو وهم داخل مدينة النهود، ويعلنون تصديهم لهجوم من قوات الدعم السريع.
ويسيطر الجيش على مدينة النهود التي تحولت إلى عاصمة إدارية مؤقتة لولاية غرب كردفان، بعد أن سيطرت الدعم السريع على عاصمتها الطفولة منذ يوليو/ تموز 2024.
وحتى الساعة 9:00 (ت.غ) لم يصدر أي تعليق رسمي من الجيش والدعم السريع بشأن الاشتباكات في مدينة النهود.
ويخوض الجيش السوداني و"الدعم السريع" منذ منتصف أبريل/ نيسان 2023 حربا خلّفت أكثر من 20 ألف قتيل ونحو 15 مليون نازح ولاجئ، وفق الأمم المتحدة والسلطات المحلية، بينما قدر بحث لجامعات أمريكية عدد القتلى بنحو 130 ألفا.
ومنذ أسابيع وبوتيرة متسارعة، بدأت تتناقص مساحات سيطرة الدعم السريع في ولايات السودان لصالح الجيش، وتمددت انتصارات الأخير في العاصمة الخرطوم بما شمل السيطرة على القصر الرئاسي، ومقار الوزارات بمحيطه، والمطار، ومقار أمنية وعسكرية.
وفي الولايات الـ17 الأخرى في السودان، لم تعد "الدعم السريع" تسيطر سوى على أجزاء من ولايتي شمال كردفان وغرب كردفان وجيوب في ولايتي جنوب كردفان والنيل الأزرق، بجانب 4 من ولايات إقليم دارفور.
عبد المسيح: فلتكن العدالة التربوية أولوية لا شعارًا