16 نوفمبر.. نظر أولي جلسات قاتل "سيد بركة" في أوسيم
تاريخ النشر: 3rd, November 2024 GMT
تنظرالدائرة العاشرة بمحكمة جنايات الجيزة المنعقدة في مجمع محاكم زينهم، أولي جلسات محاكمة المتهم بقتل صديقة في أوسيم وذلك يوم 16 نوفمبر الجاري.
. بعد قليل تحقيقات نيابة شمال الجيزة مع قاتل صديقه في البراجيل
وقال المتهم بقتل صديقه في الجيزة: بعد ما اتخانقنا قام سبلي وشتمني بأبويا وأمي رديت عليه الشتيمة علطول وسبتله قام هو واقف بالمكنة بتاعتي ونزل منها نزلت وراه لقيته بيشتمني تاني قمت قايله أنا اتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض لغاية من قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.
وتابع قاتل صديقه في الجيزة، قمت واخد الشبشب بتاعه وحادفه بعيد في الزراعات، وبعد کده حطيت إيدي في جيوبه وأخدت التليفون بتاعه والفلوس وبطاقته ورخصة بتاعة مکنة كده كانت في جيبه، وبعدها ركبت المكنه بتاعتي ومشيت علطول وهو ده كل اللي حصل لغاية ما روحنا نقطة البراجيل وبعد كده مركز شرطة أوسيم وبعد كده لقيتهم من كثر ما الظباط كانوا بيتكلموا معايا وسألوني كتير أوي فرُحت قلتلهم كل حاجه والحقيقه اللي لسه حكيها دلوقتي وجابوني على النيابة النهاردة الصبح وهو ده كل اللي حصل بالظبط.
س : متى وأين حدث ذلك تحديدا؟
أنا خاطب رحاب بقالي ٣ شهور من بداية شهر ١٢ السنة اللي فات ورحاب نزلت البوست بتاع فسخ الخطوبه الأسبوع اللي فات علطول، وخناقتي معاه وشتيمتنا لبعض واليوم اللي مات فيه كان يوم السبت الموافق ۲۰۲٤/٣/٢ بالليل بعد الساعه ۱۰ العاشرة مساء بطريق محور الضبعه الرئيسي منطقة الزيدية على طريق كله تراب (ترابي) جنب الأراضي الزراعية كوبري الضبعة مركز أوسيم الجيزة، ولما روحت مركز شرطة أوسيم وقلت كل حاجه لما ظباط المباحث في المركز قعدوا يتكلموا معايا كان يوم الأحد الموافق ٢٠٢٤/٣/٣ بعد أذان الظهر علطول بأوسيم في الجيزة.
اعترافات قاتل صديقه في الجيزةس: من كان برفقتك تحديدا؟
أنا وسيد بريك الله يرحمه ومحمد بشير عبد السلام كنا بنوصله لبيته وقتها ووصلناه فعلا.
س: ما صلتك بسالف الذكر تحديدا؟
محمد بشير ده عيل صغير عنده ١٢ سنة كان بييجي ساعات في المغسلة يشتغل وياخد مصاريفه بتاعة المدرسة لإنه كان في المدرسة معظم الوقت وده اللي وصلناه أنا وسيد بريك وقتها.
س: ما صلتك بالمدعوة رحاب رشدي عبد العاطي تحديداً؟
دي كانت خطيبتي لغاية الأسبوع اللي قبل ما شهر ٣ يبدأ.
س: وما سبب وعلة نهو تلك الخطبة تحديدا؟
معرفش أنا لقيت مرة واحدة سيد بريك جاي بيقولي رحاب رشدي نزلت بوست على صفحتها.
أقوال قاتل صديقه في الجيزةس: وعلى أي شيء يحوي ذلك تحديدا؟
لقيتها كاتبة تم بحمد لله فشكلة خطوبتي.
س: وما التصرف الذي بدر منك حيال ما عملته تحديدا؟
رنيت على رحاب رشدي أشوف ايه اللي حصل وليه كتبت كده.
س: وهل استجابت لهاتفك تحديداً آنذاك؟
لا لقيتها حاطة تليفوني على بلاك ليست.
المصدر: صدى البلد
كلمات دلالية: صدیقه فی الجیزة قاتل صدیقه فی
إقرأ أيضاً:
وزير المالية: تحقيق فائض أولي قوي بقيمة ٩٠ مليار جنيه خلال الربع الأول من العام المالي
أكد أحمد كجوك وزير المالية أنه تم تحقيق فائض أولي قوي بقيمة ٩٠ مليار جنيه خلال الربع الأول من العام المالي، يمثل أكثر من أربعة أضعاف المحقق في السنوات السابقة.
وقال: إننا ملتزمون بثلاث أولويات على المدى القريب؛ لضمان الاستقرار المالي والاقتصادي وتحفيز القطاع الخاص.
وأضاف الوزير، خلال لقاء نظمته مؤسسة "إم. إف. جي هيرميس" مع أكثر من ٦٠ مستثمرا مؤسسيا أجنبيا عبر الفيديو كونفرانس، - أننا ماضون بكل جدية في بناء جسور الثقة بين مصلحة الضرائب ومجتمع الأعمال المحلي والأجنبي، واستخدام أدوات السياسة المالية المتنوعة لزيادة دور ومساحة القطاع الخاص وتمكينه من قيادة الأنشطة الاقتصادية ووضع الدين وخدمته للناتج المحلي الإجمالي في مسار نزولي من خلال إستراتيجية متكاملة، ونعمل أيضا على تحسين مؤشرات الدين الخارجي.
وأشار إلى الحرص على تحقيق المستهدفات المالية والاقتصادية، في إطار مسار وطني طموح للإصلاح المالي والاقتصادي، موضحا أنه تم تحقيق فائض أولي قوي بقيمة ٩٠ مليار جنيه خلال الربع الأول من العام المالي، يمثل أكثر من أربعة أضعاف المحقق في السنوات السابقة.
وأكد كجوك، أن حجم الدين الخارجي لأجهزة الموازنة انخفض بنحو ٤ مليارات دولار خلال العام الماضي، وأن معدل دين أجهزة الموازنة للناتج المحلي تراجع إلى ٨٩,٦٪ في يونيه ٢٠٢٤ بدلا من ٩٦٪ في يونيه ٢٠٢٣.
وأضاف أن المستثمرين أبدوا، خلال هذا اللقاء، اهتماما بالحديث عن الخطة التمويلية لوزارة المالية خلال العام الحالي، بما فيها الإصدارات، لافتا إلى أن تحسن حصيلة تحويلات العاملين والسياحة والاستثمارات الأجنبية المباشرة، يسهم في دفع النشاط الاقتصادي وتحسن الأوضاع.
محافظ المنيا يقود حملة مكبرة لتفقد الأسواق والمخابز ومراجعة تراخيص البناء وأعمال النظافة