لا يصح إلا الصحيح.. تامر حسني يوجه رسالة للشباب المحبط في أي مجال
تاريخ النشر: 29th, October 2024 GMT
يحرص تامر حسني دائما على توعية الشباب وإعطاءهم جرعة طاقة إيجابية من فترة لأخرى.
ونشر تامر حسني هذه المرة من خلال حسابه الشخصي بموقع التواصل الاجتماعي فيسبوك فيديو لشباب قدمهم في حفلة اسكندرية الأخيرة موجه رسالة للشباب المحبط.
وقال تامر حسني: "رسالة صغيرة للمُحبَطين في أي مجال، من خلال الفيديو الجميل ده لشباب حسوا إنهم حققوا ولو جزء صغير من أحلامهم هقول كلمتين وواثق إنهم رايحين لناس كتير مستنيه تسمعهم، أولًا بجد أنا فخور إني قدمت الأصوات العظيمة دي فعلًا يا شباب إنتوا أصوات ومواهب مش عادية ومن أجمل الأصوات المصرية عارف إن الزمن ده بقى يبرز ويهتم بأنواع تانية أكتر وعارف إن اللي عندهم موهبة محترمة وحقيقية زيكم كده بيبقوا زعلانين وبيحسوا إنه مش زمانهم عشان كده بقي موضوعكم شاغلني و واخد حيز كبير من حياتي".
واستكمل:"ثانيًا.. بشكل عام إحباط الشاطرين الفاهمين اللي يستحقوا الدعم في أي مجال هو إحساس صعب ويقهر قلب أي حد وخصوصًا لما يشوفوا ميزان الحياة بيتغير وإن الناس ممكن تسقف وتحتفل وتمجد في إنسان تافه أو مزقوق بواسطة وفاشل بس مجبرين يسقفوله واللي يستحقوا التمجيد في أي مجال مش واخدين حقهم وبيتدفنوا بالحياة ".
وأضاف:" عشان كده إحساسي إتجاه الموهوبين هو إحساس أخوي بحت غصب عني والله والله بحس إني عايز أفرحهم ويمكن في الحفلات بعض الناس مش بتبقى مرحبه أوي بالأصوات الجديدة وعايزين يستمتعوا بالنجم اللي جايين عشانه بس وده تعليق وصلي كتير فانا هحاول الفترة الجاية إني أدعم الموهوبين بكذا شكل تاني حتى لو بسيط و لو عالمسرح هيبقى فقرة واحدة فقط، جايز تفرق في حياتهم وتخليهم لما ربنا يكرمهم وينجحوا يكونوا حابين الخير لغيرهم ويقدموا ناس بعدهم يستحقوا ".
واختتم:"يا موهوبين يا مجتهدين يا شطار في أي مجال وفي أي شغلانة إفتكروا دي كويس لو الزمن ده ليه ناس ماسكه الدفه وبتحولها إتجاه التفاهه،،!! في بقى رب العدل ربنا اللي معاه الدفه الأعظم اللي مهما عدى من وقت هيرجع كل شيء لصوابه يعني لا يصح الا الصحيح و التافه يومين ومش هيبقى موجود … بس الحقيقي منكم هو اللي هيستمر متقلقوش دوركم الجميل جاي إطمنوا بس أوعوا تبطلوا سعي أوعوا تبطلوا سعي.. أوعوا تبطلوا سعي السر في السعي المستمر".
المصدر: بوابة الفجر
كلمات دلالية: لا يصح إلا الصحيح أحدث أعمال تامر حسني أحدث ظهور لـ تامر حسني
إقرأ أيضاً:
أول تعليق من تامر حسني بعد حفل تكريم محمد رحيم: كرمو المخلصين وهما أحياء
أعرب الفنان تامر حسني عبر حسابه بموقع تبادل الفيديوهات والصور، «انستجرام»، عن سعادته بحفل تكريم الملحن الراحل محمد رحيم.
منشور مهم لتامر حسنيونشر تامر حسني جزء من التكريم: «في يوم تكريم حبيبي أسطورة التلحين العربي، وصديق المشوار الموسيقار محمد رحيم كمِلت أمنية صغيرة، كانت عنده إن بنته ماس تُغني من ألحانه، وإمبارح قدمتها وحققتله اللي كان نفسه يفرحها بيه، واخترتلها لحن من ألحانه، مع الأوركسترا العظيمة على مسرح دار الأوبرا المصرية العريق، بقيادة المايسترو الكبير مصطفى حلمي، كل الشكر لوزارة الثقافة، ونقابة المهن الموسيقية، وإدارة الأوبرا المصرية على المجهود الكبير اللي حصل إمبارح».
وأضاف: «كانت فرصة كبيرة امبارح، أطالب كل نقابات مصر، وكل أصحاب الشركات، والمؤسسات، في جميع المجالات إنهم يكرموا موظفينهم الأكفاء، وكل المخلصين اللي بينتموا ليهم يكرموهم وهما عايشين كرموهم وهما عايشين».
عرض هذا المنشور على Instagram
تمت مشاركة منشور بواسطة Tamer Hosny (@tamerhosny)
حفل تكريم محمد رحيموحرص الفنان تامر حسني في حفل تكريم محمد رحيم على تقديم ابنته ماس لأول مرة كصوت غنائي للجمهور، كما كان يحلم والدها الملحن الراحل.
عادل حمودة: الثورة السورية أصبحت صراعا دوليا متعدد الأطراف