صناع «السلم والثعبان»: كتبنا السيناريو بالإنجليزي.. والناس قالت الفيلم جريء
تاريخ النشر: 28th, October 2024 GMT
أقيمت ندوة لإعادة إحياء فيلم «السلم والثعبان»، وذلك بعد 23 عاما من عرضه، وذلك على هامش فعاليات مهرجان الجونة السينمائي في دورته السابعة، كشف فيها الصناع تفاصيل جديدة على رأسهم الفنانة حلا شيحة التي قالت إن الجمهور رأى العمل جريئا.
وقالت حلا شيحة: «وقت طرح فيلم السلم والثعبان الناس قالوا دا عمل جريء وازاي تعملوا كدا، بس بعد ما اتفرجوا عليه الناس قالوا أنه بيمسهم، وكمان المخرج طارق العريان كان مهتم بتفاصيل صغيرة جدا، وهي السبب في أن كل الناس تحس الشخصيات، وأنا شخصيا لحد دلوقتي كل ما حد يقابلني يقولي انتو إزاي عملتوا شخصيات الفيلم كدا، أنا كنت حاسس بكل حرف بقوله وبكل حركة».
وقال الموسيقار هشام نزيه: «كل ما كانت فكرتك مش مرتبطة بالزمن فرصة أن العمل يفضل ناجح لسنوات طويلة، وكل ما كان الفيلم معتمد على قصته أكتر من أي حاجة، وده اللي حصل في الفيلم السلم والثعبان لأنه بيحكي عن قصة حب والناس كلها مش هتبطل تحب، والناس عايزة تسمع طول الوقت أن الحب هو اللي بينتصر، وكلنا بنحب قصص الحب وبنحب نسمعها، والفيلم طريقته اللي اتنفذ به كان سابق عصره، من الأول البوستر وصورة الكاميرا والألوان، كل ده ادى للفيلم دافعة قعد 25 سنة الناس شايفاه لحد دلوقتي بتتفرج عليه والناس تقول عليه فيلم حلو».
وقال المخرج طارق العريان: «أنا راجل بفكر بشكل تطوري، وعايز طول الوقت أقدم حاجة جديدة، ولقيت في الوقت ده مفيش أفلام رومانسية صادقة، وبعدين قابلت محمد حفظي وقولت له يلا نشتغل على الفكرة، وكتبته بالإنجليزي الأول عشان هو لغته العربي كانت ضعيفة شوية».
المصدر: الوطن
كلمات دلالية: السلم والثعبان حلا شيحة الجونة السلم والثعبان
إقرأ أيضاً:
أكبر جائزة تلفزيونية في الموسم الثاني من «تحدي الأزواج» على «القاهرة والناس»
تستعد قنوات القاهرة والناس لإطلاق الموسم الثاني من برنامج تحدي الأزواج مع الإعلامي سعيد جميل.
ويشارك في السباق 16 فريقًا تم اختيارهم بعناية ودقة بعد اجتيازهم مرحلة التصفيات الأولية، وجائزة الموسم الثاني هي من الأكبر والأضخم على مستوى البرامج التليفزيونية، حيث تقوم شركة إنرشيا للتنمية العقارية الراعي الرئيسي للبرنامج بتقديم وحدة سكنية (شاليه) كامل التأسيس بالساحل الشمالي في خليج راس الحكمة المميز بمحافظة مطروح.
وكان الموسم الأول أيضًا هو الأضخم من حيث الجائزة، حيث تم تقديم شقة 3 غرف بكومباوند جولز التابع لشركة إنرشيا.
يبث البرنامج على قنوات القاهرة والناس خلال شهر رمضان المبارك ويتميز بخفة الظل والمسابقات والترفيه.
اقرأ أيضاً«المتحدة» تعلن التعاون مع قنوات «القاهرة والناس» لتبادل المحتوى
خريطة برامج رمضان 2024.. والقنوات الناقلة
مسلسل بـ 100 راجل الحلقة 2.. مواعيد العرض والقنوات الناقلة