يوسف الشريف ونيللي كريم يتحدثان عن تأثير الدراما في ندوة على هامش مهرجان الجونة
تاريخ النشر: 28th, October 2024 GMT
يعقد مهرجان الجونة السينمائي في دورته السابعة، ندوة حاليا تحت عنوان «تأثير الدراما على المجتمع»، بحضور يوسف الشريف، ونيللي كريم، كريم الشناوي.
يوسف الشريف يتحدث عن تأثير الفنوقال يوسف الشريف: «الفن مؤثر في الشعوب، الفن هو المهنة الأكثر تأثيرا في عقل الإنسان، وأنا بعمل مسلسل أو فيلم بفكر امتى هدخل عقل المشاهد وفي أي مشهد، زي لما اعمل رعب، بفكر امتى هرعب الجمهور، وفي أوروبا بيتسعينوا بعدة دكاترة، عشان يعرفوا امتى هيوصلوا لمشاعر الإنسان في أي مشهد وأي زاوية».
وتابع: «عمري ما هروح أقول عايز أعمل فيلم للتحرش، بس دا بيظهر عشان أوصل رسالة معينة، وأنا مش مع أي حد يشوف حاجة في مساسل أو فيلم ويروح يقلدها، وكان في فترة فيلم بأمريكا كان في حوادث كتير وضرب طلاب، ومقالوش إن الفيلم بيعمل بلطجة، في دراسة اتعملت قبل كدا جابوا أولياء أمور كتيرة يتفرجوا على مشاهد عنف كتير، وقالوا ليهم صنفوا عمر هذه المشاهد، والمفاجأة أول مرة اتفرجوا عليهم قالوا 18، بعد ثاني مرة قالوا 16 بعد كذا مرة قالوا 13، فدا بيقولنا إن التعود هو المؤثر في نشر الوعي».
وتابع: «مهمة الفن إنه يأثر طبعا، مثلًا لو فيه عمل بيأثر في الناس وفيه بلطجة هعمل إيه، هل هعمل مسلسل كله مواعظ، طبعا لا، الفكرة كلها هو تكرار نفس النوع بشكل مبالغ فيه، دا اللي ليه تأثير سلبي، جايز لو كل الأعمال فيها بلطجة هيبقى له تأثير سلبي بس أنت عندك كل الأعمال وكل التنوع».
نيللي كريم تتحدث عن مسلسل ذاتبدورها، قالت نيللي كريم إنَّ العمل الدرامي له تأثير كبير، أتذكر جيدا وأنا بعمل مسلسل بنت اسمها ذات، وكنا بنصوره فترة طويلة، وكان عندي مراحل عمرية مختلفة في العمل، وـنا بصور وبشتغل، وفي يوم لبست الشخصية وكنت بلبس حاجات تبين إني تخينة، وفي مرة وأنا ماشية لمحت مراية، لمحت حد تاني غيري ووقفت قولت هي مين دي. ورجعت الأوضة وقعدت عيطت، وجاتلي المخرجة ومديرة التصوير بيهدوني وأنا دخلت في مود اكتئاب ومكنتش عايزة أتصور، ودي كانت أول مرة أفركش في حياتي، وأول ما روحت لبستي لبسي عشان أتأكد إنه أنا».
واضافت: «وقت مسلسل سجن النسا، خرجت وقت تصوير العمل وقابلت مخرج صديقي قالي نيللي مالك، قولتله مفبش حاجة، وبعد فترة لما بصيت في الصورة اللي اتصورتها لقيت فعلا إني كنت ساعتها بشخصية غالية مش نيللي نهائي، ولازم بعد أي عمل أتخلص من كل ملابس الشخصية».
المصدر: الوطن
كلمات دلالية: مهرجان الجونة السينمائي نيللي كريم الفنانة نيللي كريم يوسف الشريف یوسف الشریف نیللی کریم
إقرأ أيضاً:
بقرف من البوس .. فريدة سيف النصر ترد على سؤال يخص نور الشريف
اثارت الفنانة فريدة سيف النصر الجدل بعد اجابتها عن سؤال خلال حلقتها ببرنامج “وشك مكشوف” تقديم المذيعة هاجر حليم ،والذى من المقرر عرض الحلقة اليوم الساعة ١٢ بعد منتصف الليل على قناة هي.
وجاء السؤال فى برومو البرنامج، وهو ان الفنان الراحل نور الشريف رفض تقبيل فريدة سيف النصر ضمن مشاهد فيلم “صراع الأحفاد” لترد فريدة سيف النصر، معلقة: “أنا بقرف من البوس”.
وفى وقت لاحق، كشفت الفنانة فريدة سيف النصر، عن سر ابتعادها عن الجزء الثاني من مسلسل "العتاولة 2"، بعد النجاح الذي حققته في رمضان الماضي .
وقالت فريدة سيف النصر، في بث مباشر لها على موقع «تيك توك»: «المؤلف قال في ندوة إنها جابت سقف الدور فقلت طيب.. وأنا زعلانة منهم الحقيقة لأني حبيت الشخصية جدا واتعلقت بيها، الشخصية دي أنا اللي خلقتها وخلتها لحم ودم وبقت زي بنتي وبنتي غدرت بيا وأبوها طلع مش كويس فخلاص يبقى مش مهم الاتنين.
مسلسل العتاولة٢يشارك في بطولة “العتاولة 2” كل من: أحمد السقا، طارق لطفي، باسم سمرة، زينة، فيفي عبده، نسرين أمين، مصطفى أبو سريع، هدى الإتربي، ثراء جبيل، مريم الجندي، أحمد كشك، مي القاضي، زينب العبد، وغيرهم. المسلسل من تأليف مصطفى جمال هاشم، وإخراج أحمد خالد موسى.
جدير بالذكر أن الجزء الأول من المسلسل، الذي عُرض في رمضان 2024، حقق نجاحًا كبيرًا ونسب مشاهدة مرتفعة، حيث ارتبط الجمهور بأحداثه الشيّقة على مدار 30 حلقة، ما دفع صنّاعه للإعلان عن جزء ثانٍ يضم معظم أبطال العمل إلى جانب انضمام نجوم جدد.
جنبلاط: سأزور دمشق مجدداً وطلبت موعداً للقاء الشرع