تأثر الجمهور بـ«سجن النسا» يدفعهم للتبرع.. ونيللي كريم تكشف تفاصيل مؤثرة

انطلقت منذ قليل ندوة «تأثير الدراما على المجتمع» ضمن مهرجان الجونة السينمائي في دورته السابعة، بحضور يوسف الشريف، ونيللي كريم، وكريم الشناوي.

وقالت نيللي كريم، في كلمتها خلال الندوة المقامة على هامش فعاليات مهرجان الجونة «في أول الطريق كنت بدور على قصة حلوة، فيها عمق واللي بتتأثر بيها، ولازم عشان دا يحصل يكون ورا موضوع مهم وتلمس المشاعر، زي مثلا سجن النسا هي قصة بس من خلالها الناس اتعرفوا غلى قصة السيدات دي، واللي مش كل الناس اللي بتبقى في السجن كلهم مش حرامين ولا قتالين، لا في ناس ظروفهم صعبة، وبعد المسلسل دا الناس راحت اتبرعت، وجابت جهاز غسيل كلي وحطوا في مستشفي القناطر».

سبب اختيار مسلسل تحت السيطرة

وأضافت «مسلسل تحت السيطرة كنت أول مرة أتعرف على الإدمان، والمسلسل دا اللي اختارني مش أنا اختارته، والعمل دا نجح نجاح غير طبيعي، الناس كانت بتوققني في الشارع تحكيلي الأحداث، وفي مرة كنت واقفة بشتري سندوتشات، ولقيت راجل جي يقولي أنا عازمك عشان إنتي خليتني أحس وأعرف إني ابني عنده علاج الإدمان بسبب المسلسل».

 

 

معالجة القضايا السلبية في الدراما

وقال يوسف الشريف: «لو افترضنا تأثير الدراما على المجتمع، بتيجي من خلال رسالة واضحة وتمس مشاعر الجمهور، والحاجة التانية مشهد يمس قلوب الناس، وتبدأ الناس تخلي بالها من حاجة معينة، زي ما في أعمال الناس بتقول أني في أعمال بتناقش البلطجة، ووجهة نظري أنا مناقشة الأمور السلبية في المجتمع دا كويس، ولكن لو كترت بتبقى غلط».

وأضاف: «أنا في بداية حياتي درست هندسة قسم ميكانيكا، وكنت بدور على حاجة ألاقي نفسي فيها، ووقت مسلسل رقم مجهول الناس قالت إيه الفكرة يعني رقم غريب بيكلمك، وقولت استني وراهنت على الجمهور، وفعلا السنة اللي بعدها الناس كانت بتطلب أعمال درامية زيه، هو كدا كل ماتقدم حاجة جديدة دائما بيبقي فيها تضارب، أي حاجة جديدة هتتعمل بطريقة كويسة هتنجح».

المصدر: الوطن